کیریش
اوشبو سوراونامه افغانستان ۲۹ ولایتیدن بیر مینگ ۴۵ عیال اشتراکیده اوتکزیلگن، عیاللرنینگ خرید قیلیش قابلیتی، جمعلش امکانیتی، درآمد منبعلری و اقتصادی چېکلاولری حقیده تولیق و انیق تصویر بیرهدی. نتیجهلر شونی کورستهدی که عیاللرنینگ خصوصن ایشسیز عیاللرنینگ خرید قیلیش قابلیتی سۉنگی ییل ایچیده کمهیگن و عایلهلردهگی اقتصادی انقراض چقور تأثیر کورستگن.
اساسی تاپیلمهلر
. جواب قیترگنلرنینگ تخمیناً ۲۶.۵ فایزی اصلا خرید قیلیش قابلیت گه ایگه اېمسلر و ۶۵.۱ فایزی فقط اۉزلرینینگ بعضی احتیاجلرینی قاندیره آلیشهدی. فقط ۸.۴ فایزی تولیق احتیاجلرینی خرید قیلیش گه قادر.
. ایشسیزلر گروهیده ۳۲.۸ فایزی اصلا خرید قیلیش قابلیتی گه ایگه اېمسلر. ایشلهیدیگن گروهیده ایسه بو کورستکیچ ۱۴.۸ فایزنی تشکیل ایتهدی.
. ایشسیزلرنینگ ۷۲ فایزدن آرتیغی و ایشچیلرنینگ ۶۱. فایزی جمعلش قابلیتیگه ایگه اېمسلر.
. خرید قیلیشده قوربی یېتیمسلیک اساسی عامل: کیشینینگ ایشسیزلیگی (ایشسیزلر اوچون قریب ۴۱ فایز) اینیقسه درآمد کمهیشی و ایشچیلر اوچون قیمتلر آشیشی (قریب ۳۳ فایز و ۲۴ فایز).
. جواب قیترگنلرنینگ ۵۵ فایزدن آرتیغی اوچون، اقتصادی چېکلاولر اوچ ییل ایلگری گه باریب تقیلهدی یا که هردایم محدود بولگن.
سوراو غایهلری
تولیق مقصد: عیاللرنینگ تولیق خرید قیلیش قابلیتینی تېکشیریش
اختصاصی غایهلر:
۱. افغانستانده عیاللرنینگ خرید قیلیش قابلیتینی تېکشیریش؛
۲. عایلهنینگ اساسی خرهجتلرینی تأمینلش مقدارینی تېکشیریش؛
۳. ایشچی و ایشسیز عیاللرنینگ اقتصادی احوالینی قیاسلشتیریش؛
۴. درآمد منبعلرینی انیقلش و اوندن قندهی فایدهلنیش اصولی؛
۵. مالی و خرید قیلیش گه قوربی یېتمسلیک سببلرینی انیقلش؛
۶. قرار قبول قیلووچیلر و حمایت قیلهدیگن نهادلر گه مصلحتلرنی اوزهتیش؛
تدقیقات اصوللری
. جمعیت رقمی: عیاللر ایکّی گروه ایشچی (۳۶۴ کیشی) و ایشسیز (۶۸۱ کیشی)، توپلم ۱۰۴۵ جواب قیترگن.
. نمونه آلیش اصولی: خوشهای-طبقهای نیچه باسقیچلی.
. معلومات ییغیش واسطه: توزیلگن سواللر: اهالی ترکیبی گه عاید بیلگیلر، ایش احوالی، درآمد، خرهجتلر کفایتی، ییغیش و خرید قیلیش قابلیتی شامل.
نمونه حجمی
تدقیقات نمونهسی: ۱۰۴۵ ایشچی و ایشسیز عیال.
معلوماتلرنی ییغیش واسطه
اوشبو سوراوده معلومات توپلش واسطهسی صفتیده عیاللرنینگ خرید قابلیتی حالتی بوییچه انیق معلوماتلرنی ییغیش مقصدیده ایشلب چیقیلگن و توزیلگن طرح سوراو نامه قوللنیلگن. سوراونامه قوییدهگی بولیملردن عبارت:
. دموگرافیک خصوصیتلری (آلتی سوراق)
. منبعلری و عایلهلرنینگ خرهجتلری (بیش سوراق)
. درآمد مقداری و ییترلیگی (بیر سوراق)
. مصرف و اصلی خرچ بیلگیلری (ایکی سوراق)
. خرید قابلیتی و اونینگ چېکلاو سببلری (ایکی سوراق)
وقت دوری
بو سوراو بیش آی ایچیده، میلادی ۲۰۲۵-ییل، مارچ دن آگست آی گه قدر، قوییده کېلهدیگن ولایتلرده اوتکزیلگن.
خرید قابلیتی تعریفی
اوشبو سوراوده، خرید قیلیشده قوربی یېتمسلیکدن مقصد، ایشسیزلیک، درآمدی کمهیشی یا که نرخ-نوالر آشیشی طفیلی کییم-کیچک، ساغلیق و اوی بویوملرینی تولیق تأمینلهی آلمسلیکده عایلهلرنینگ خرید قیلیش احوالینی تېکشیریش دیر.
مطالعه چېکلاولری
۱. مرکب جغرافیه شرایطی و وقت چېکلاولری طفیلی بعضی اوزاق حدودلر گه باریش قیینچیلیگی.
۲. عیاللرنینگ خرید قابلیتی ساحهسیده انیق و تولیق تاریخی معلوماتلرنینگ یوقلیگی سببلی به تفصیلراق تحلیللرنی عملگه آشیریش امکانی آزلیگی
۳. مالی و انسانی منبعلر آزلیگی باعث بوتون اولسواللیکلر گه باریلمهگن.
۴. تحقیق قیلهیاتگن برچه حدودلر اوچون انیق و ترتیبلی اقتصادی همده نرخ گه عاید معلوماتلرنینگ یوقلیگی.
عیاللر آرهسیده خرید قابلیتی بوییچه سوراونامهنینگ کېنگ قمراولی نمونهسی
اوشبو سوراو اوزاق حدودلردهگی عیاللرنینگ خرید قیلیش توانینی تېکشیریش مقصدیده میلادی ۲۰۲۵-ییل، مارچ دن آگست آیی گه قدر اوتکزیلگن. معلوماتلر توزهلگن سواللر آرقهلی توپلهنیلگن بو سواللر دموگرافیک، اقتصادی تأثیرلر و عیاللرنینگ خرید قیلیش قابلیتی گه ایگه عامللر شامل دیر. سوراو نتیجهلریگه بناً، تورلی عامللر جملهدن عایله درآمدی و مالی همده اجتماعی قۉللب-قوتلنیش عیاللرنینگ خرید قیلیش قابلیتینی تعیینلشده مهم رولی بولگن. اوشبو سوراو نتیجهلری اساسیده، سۉنگی ییللرده عیاللرنینگ خرید قیلیش قابلیتی سیزیلری درجهده کمهیگن.
اساسی یوتوقلر
جواب قیترگنلرنینگ فقط ۸.۴ فایزی اساسی احتیاجلرینی ساتیب آلیش قابلیتیگه ایگه؛ عینحالده باشقه ۹۱ فایزی خرید قیلیش قابلیتی گه ایگه اېمسلر، اوشبو عیاللر ارا ۶۵.۱ فایزی فقط بعضی احتیاجلرینی تأمینلش گه قادر و ۲۶.۵ فایزی اصلا اساسی احتیاجلرینی تأمینلهی آلمهیدی. بو معلوماتلر اکثریت عایلهلرنینگ مالی توانی یوقلیگیدن درک بیرهدی.
سلاموطندارنینگ معلوماتلری گه کوره، سوراو گه اشتراک ایتگن عیاللرنینگ ایکّی-اوچ قسمیدن کوپراغی، اوتگن ییللر گه نسبتن خرید قیلیش قابلیتلری کمهیگنینی ایتگنلر. خرید قابلیتیگه اېنگ کتته تأثیر کورسهتووچی عامللردن بیری عایلهنینگ درآمدیی بولیب، تقدیقات نتیجهلری شونی کورستهدی که عیاللرنینگ خرید قابلیتی تورلی اقتصادی و اجتماعی عامللر تأثیریده شکللنهدی.
اشتراک ایتگن عیاللرنینگ تخمینن ۷۲ فایزی سۉنگی آیلر دوامیده خرید قابلیتینینگ کمهیگنینی تأکیدلهگن، بونده اساسی سبب صفتیده عایلهنینگ درآمدینینگ پسهیشی کورسهتیلگن. بوندن تشقری، عیاللرنینگ بندلیگی هم اولرنینگ خرید قابلیتیگه ایجابی تأثیر کورستگن.
ایشسیز عیاللر آرهسیده ۷۱.۳۷ فایزینینگ ایتیشیچه، عایلهدهگی اساسی درآمد منبعی ایرککلر بولسه، فقطگینه ۱۰.۷۲ فایزی عیاللر اوزلرینی درآمد منبعی صفتیده حسابلشهدی، لېکن بند عیاللر آرهسیده ۳۸.۱۹ فایز عیاللر اوزلرینی اساسی درآمد منبعی دیب بیلیشهدی، ۲۴.۱۸ فایزی اېسه ایرککلر بیلن بیرگهلیکده بو رولنی بجرهدی.
ایشچی ۳۸.۱۹ فایز عیاللر درآمد اصلی تأمینلاوچیلری بولگن و ۲۴.۱۸ فایزی عایله ایرککلری بیلن قۉشمه شکلده بو رولنی بجریشماقده.
ایکله گروهنینگ (ایشسیز و ایشچی) کوپچیلیک عایلهلری آیی گه ۱۰ مینگ افغانیدن کم درآمد گه ایگه (ایشسیزلر ۷۵.۹۱ فایز ایشچیلر ۶۳.۷۳ فایز). فقطگینه ۵.۴۳ فایز ایشسیزلر و ۱۳.۴۶ فایز ایشچیلر آیی گه ۲۰مینگ افغانیدن آرتیق درآمدی بارلیگینی بیلدیرگن.
جمعلش گه امکانیتنینگ یوقلیگی اېنگ کتّه معمالردن بیری دیر؛ ۷۸.۵۶ فایز ایشسیز عیاللر و ۶۲.۷۱ فایز ایشچی عیاللر هېچ قندهی جمعلش قابلیتیگه ایگه اېمسلیگینی بیلدیرگن.
آزیق-آوقت، کییم-کیچک و دوالنیش، درآمدنینگ اېنگ کتته اولوشینی مصرف قیلهدیلر. ایکیله گروهده هم جواب قیترگنلرنینگ یریمیدن کوپراغی اېنگ کوپ مصرف آزیق-آوقتده صرفلنهدی اینیقسه ساغلیق، تحصیل و اوی بویوملری ضرورت بولگن حالده.
اوشبو سوراونامه، عیاللرنینگ حیات شرایطلرینی یخشیلش اوچون، خصوصاً اقتصادی امکانیتلرنی کېنگهیتیریش دستورلری، اجتماعی یاردملر، برقرار ایش اورینلری یرهتیش و قۉللب-قوتلش ترماقلرینی رواجلنتیریش بوییچه تیزکار چارهلر کوریش ضرورلیگینی تأکیدلهیدی. ثمرهلی ارهلشووسیز، جمعیتدهگی عیاللرنینگ اقتصادی فرقی و مالیهوی قرهملیگی ېنهده چقورلشهدی و بو کېنگراق اجتماعی همده اقتصادی عاقبتلر گه آلیب کیلهدی.
افغانستان عیاللرینینگ عمومی خرید قابلیتی تصویری
گزارش خلاصهسی
بو سوراونامه افغانستان ۲۹ولایتیدن ۱۰۴۵ عیالنینگ اشتراکی بیلن اوتکزیلگن، حاضرگی اقتصادی شرایطیده افغانستانلیک عیاللرنینگ خرید قابلیتی خواطرلی وضعیتینی عکس اېتّیرهدی.
۶۶ فایز افغانستانلیک عیاللر ایشسیز دیر و فقط اولرنینگ اوچدن بیر قسمی ایشلهیدی. بو مسئله عیاللرنینگ خرید قابلیتی کمهیشی و مالی قرهمگه کوپراق باغلیق بولیشلریگه سبب بولگن. ۷۱ فایزدن آرتیق ایشسیز بولگن عیاللرنینگ درآمدی کوپراق ایرککلر تامانیدن تأمینلنهدی؛ عینحالده ۳۸ فایز ایشی بولگن عیاللر، عایلهلرینینگ احتیاجلرینی اوزلری تأمینلهیدی.
عایلهلرنینگ درآمدی کمهیشی همهشمول بیر مسئله دیر. اوشبو سوراونامهده عیاللر اولرنینگ آیلیک درآمدلری ۱۰ مینگ افغانیدن آز بولگنینی ایتگنلر. بو آز درآمد بیلن اولر اساسی احتیاجلرینی تأمینلهی آلمهی و نتیجهده ۶۸ فایز ایشسیز عیاللر و ۶۰ فایز ایشی بولگن عیاللر، درآمدلریدن بیر قسمینی جمعلهی آلمسلیکلرینی بیلدیرگنلر.
آزیق-آوقت، کییم-کیچک، ساغلیق و اوی بویوملری کبی اساسی احتیاجلرنی خرید قیلیش قابلیتی آز دیر. ایشسیز بولگن عیاللردن ۳۲ فایزی، اصلا خرید قیلیش قابلیتی یوقلیگینی ایتگنلر و فقط ۵.۷ فایزی بعضی احتیاجلرینی خرید قیلیش قابلیتی گه ایگه ایکنلرینی بیلدیرگن. وظیفهسی بولگن عیاللر گروهیده ۷۰ فایزدن آرتیغی فقط بعضی احتیاجلرینی تأمینلش گه قوربلری یېتیشینی ایتگن.
ایشلهیاتگن عیاللر آرهسیده، عیاللر ساتیب آلالمهیدیگن محصولاتلر توریگه کوره، ۲۱.۳ فایزی اوی-روزغار بویوملرینی ساتیب آلیشگه قادر ایمسلر و ۹ فایزدن کوپراغی دوالنیش خرهجتلرینی تأمینلهی آلمهیدی. ایشسیز عیاللر آرهسیده ایسه اېنگ کتّه قیینچیلیک آزیق-آوقت، کییم-کیچک محصولاتلرینی ساتیب آلیشده کوزهتیلهدی، بو جمعی ۴۵ فایزدن آشهدی.
خرید قابلیتینینگ اساسی پسهیش سببلریدن بیری شخصی ایشسیزلیک، عایله اعضالرینینگ ایشسیزلیگی و درآمدنینگ کمهیشی حسابلنهدی.
گزارش تفصیلاتی
اوشبو سوراونامهده افغانستان ۲۹ ولایتیدن ۱۰۴۵ عیال قتنشگن، کابلدن ۱۲.۱ فایز یعنی ۱۲۶ نفر عیال اشتراک ایتگن، اوندن کېین هراتدن ۱۰.۹ فایز یعنی ۱۱۴ نفر عیال و بلخ ۸.۷ فایز یعنی ۹۱ نفر عیال بیلن اېنگ کوپ اشتراک ایتگن ولایتلردن سنلهدی. فراه و نیمروز ولایتلری اوچ فایزدن آزراق اشتراک ایتیش بیلن اېنگ کم قتنشگن ولایتلر قطاریگه کیرهدی.
اوشبو سوراونامهده اشتراک ایتگن ۵۴۰ عیالنینگ یاشی۲۰ دن ۲۵ یعنی ۵۱.۷ فایزنی تشکیل بیرهدی. اوندن سۉنگ ۲۶۸ عیالنینگ یاشی ۲۵ دن ۳۵ یعنی ۲۵.۶ فایزنی تشکیل بیرهدی و ۱۷۹ عیالنینگ یاشی ۱۵ دن ۲۰ بولیب و ۱۷.۱ فایزنی تشکیل بیرهدی. فقط ۵.۶ فایز یعنی ۵۸ نفر اشتراک ایتگنلرنینگ یاشی ۳۵ دن یوقاری بولگن. بو معلوماتلر اساسیده، جمعیتده یاش عیاللرنینگ حضوری کوپراق دیر.
اوشبو سوراونامه گه اشتراک ایتگن عیاللرنینگ سیزیلرلی قسمی اورته و عالی معلومات گه ایگه. جواب بیرووچیلرنینگ اېنگ کوپی یعنی ۴۵۴ نفر (۴۳.۴ فایز) لیسانس مدرککه ایگه، ۳۰۶ نفر (۲۹.۳ فایز) ۱۲-صنف بیتّیرووچیسی و ۱۴۱ نفر (۱۳.۵ فایز) ۱۴-صنف بیتّیرووچیسی. باشقه تاماندن ۹۹ نفر (۹.۵ فایز) فقط باشلنغیچ تعلیم آلگن؛ عینحالده ۲۶ نفر سوادسیز و ۱۹ نفر ایسه ماسترلیک درجهسیگه ایگه.
اوشبو سوراونامهده جواب بیرووچیلرنینگ کوپچیلیگی (۶۲.۶ فایز) بویداق عیاللر بولیب، ۳۴.۸ فایز اویلی و اتهگی ۲ فایز بیوه و ۰.۶ فایز اجرهشگن عیاللرنی تشکیل قیلهدی. اوشبو معلومات شونی کورستهدی که، بویداق عیاللر مقصدلی گروهنینگ کتّه قسمینی تشکیل ایتهدی و عایلهوی حالت عیاللرنینگ استعمال عادتلری همده اقتصادی قرار قبول قیلیش گه تأثیر کورسهتیشی ممکن.
بو سوراونامهده، عیاللرنینگ ۶۵.۲ فایزی ایشسیز، ۳۴.۸ فایزی ایسه ایشلهیدیگن عیاللرنی تشکیل قیلهدی. بو نتیجه شونی کورستهدی که، اشتراک ایتگن عیاللرنینگ کتّه قسمی محنت بازاریده فعال ایمس. ایش حالتی عیاللرنینگ خرید قابلیتی و اقتصادی احوالیگه سیزیلرلی تأثیر کورسهتیشی ممکن.
جواب بیرووچیلرنینگ اېنگ کتّه اولوشی ۵۴.۷ فایز – ۵ دن ۱۰ گچه اعضاسی بولگن عایلهلردن عبارت. ۲۸.۸ فایز کیچیک عایلهلر (۱ دن ۵ گچه اعضا) و ۱۳.۳ فایز ایسه کتّهراق عایلهلر (۱۰ دن ۱۵ گچه اعضا) و فقط ۳.۲ فایز عایلهلر ۱۵ دن آرتیق اعضا گه ایگه. اوشبو معلوماتلر مقصدلی جمعیتده عایلهلرنینگ اولچملریدهگی تورلیچه حالتنی کورستهدی.
فقط ۸.۴ فایز جواب بیرووچیلر اوزلرینینگ برچه اساسی احتیاجلرینی خرید قیلیش قابلیتیگه ایگه؛ قالگن ۹۱. فایز ایسه خرید قیله آلمهیدی، شوندن ۶۵.۱ فایز فقط بعضی احتیاجلرینی قاندیره آلهدی و ۲۶.۵ فایز ایسه عموماً اساسی احتیاجلرینی خرید قیله آلمهیدی. اوشبو معلوماتلر کوپچیلیک عایلهلرنینگ مالیهوی امکانیتلریده سیزیلرلی چېکلاولر موجودلیگینی کورستهدی.
جواب بیرووچیلرنینگ یریمیدن کوپی (۵۷.۱ فایز) خرید قیله آلمسلیکنینگ اساسی سببینی اوزلرینینگ یا که عایله اعضالرینینگ ایشسیزلیگی دیب کورستگن. شوندن کېین درآمدنینگ کمهیشی ۲۱.۱ فایز و نرخلرنینگ آشیشی ۱۵.۱ فایز بیلن کېینگی اورینلرنی ایگللهیدی. بو شونی کورستهدی که ایش و درآمد عایلهلرنینگ خرید قابلیتیده اساسی عامل دیر.
سوراونامهده اشتراک ایتگن عیاللرنینگ ۸۹.۸ فایز جوابیگه کوره، اولرنینگ عایلهلرنینگ درآمدی یشش خرهجتلرینی قاپلش اوچون ییترلی ایمس. شوندن ۶۴.۲ فایز «قیین بیلن ییترلی» دیب جواب بیرگن، ۲۵.۶ فایز ایسه عموماً ییترلی ایمس دیب کورستگن. فقط ۱۲.۱ فایز عایلهنینگ درآمدی تولیق ییترلی حسابلنهدی. بو عایلهلر گه کوچلی اقتصادی باسیم موجودلیگینی کورستهدی.
سوراونامه نتیجهلریگه کوره، خرید قابلیتیدهگی اېنگ کتّه معمالر اوی-روزغار بویوملرینی ساتیب آلیش بیلن باغلیق بولیب، جواب بیرووچیلرنینگ ۳۵.۴ فایزی بونی عملگه آشیره آلمسلیگینی بیلدیرگن. شونینگدیک، عیاللرنینگ دییرلی ۱۹ فایزی ساغلیقنی سقلش و دوالنیش احتیاجلرینی قاندیریشده، تخمینن ۱۴فایز ایسه آزیق-آوقت خرید قیلیشده قیینچیلیکلر گه دوچ کیلگن. اوشبو نتیجهلر عایلهلرنینگ اساسی احتیاجلرینی قاندیریشدهگی کوچلی اقتصادی باسیم و مالیهوی چېکلاولرنی کورستهدی، بو ایسه اولرنینگ حیات صفتیگه سیزیلرلی تأثیر کورستگن.
عایلهلرنینگ اېنگ کتّه درآمد اولوشی آزیق-آوقت گه صرفلنهدی، جوابلرنینگ ۳۶ فایزدن آرتیغی بونی اساسی استعمال بویوم صفتیده کورستگن. شوندن کېین، بالهلرنینگ تعلیمی تخمینن ۲۷ فایز بیلن عایلهلرنینگ ایکینچی مالیهوی استوارلیگی حسابلنهدی. ساغلیقنی سقلش و دوالنیش ایسه یقین ۱۹ فایز اولوش بیلن اوچینچی اورینده تورهدی. اوشبو نتیجهلر کورستهدی که، عایلهلرنینگ درآمدینینگ کتّه اساسی و حیاتی احتیاجلرینی قاندیریش گه صرفلنهدی و باشقه خرهجتلر اوچون دییرلی امکان قالمهیدی.
سوراونامه نتیجهلریگه کوره، عایلهلرنینگ دییرلی ۷۲ فایزی آیلیک درآمدی ۱۰ مینگ افغانیدن کم؛ تخمینن ۲۰ فایز عایلهلرنینگ آیلیک درآمدی ۱۰ مینگیدن ۲۰ مینگ افغانیگچه؛ فقط ۸.۲ فایز عایلهلرنینگ درآمدی ۲۰ مینگ افغانیدن یوقاری. اوشبو رقملر عایلهلرنینگ کېنگ کولملی اقتصادی چېکلاولری و کوپچیلیکنینگ پست درآمد درجهسینی عکس ایتّیرهدی.
عایلهدهگی درآمدنی تأمینلشده اساسی رول ایرککلر گه تیگیشلی بولیب، جواب بیرووچیلرنینگ ۵۷.۳ فایزی بونی تنلهگن. تخمینن ۲۰.۳ فایز فقط اوزلری عایلهنینگ درآمدینی تامینلشگه مسئول ایکنلیگینی بیلدیرگن. شونینگدیک، «عایله ایرککلری و اوزیم» کبی قوشیلگن موردلر ۱۰.۹ فایز نی تشکیلاتلر و خیر کیشیلرنینگ حصهسی ایسه ۵. فایز دن کمنی تشکیل ایتهدی. اوشبو معلوماتلر عایلهلرنینگ درآمدی کوپراق ایرککلر گه باغلیقلیگینی کورستهدی.
عایلهلرنینگ یریمیدن کوپراغی (۵۲.۵ فایز) درآمدلرینی شخصی تدبیرکارلیکدن آلهدی. تخمینن تورتدن بیری (۲۶.۳ فایز) دایمی معاش گه ایگه. خارجی یاردم و خیریه حصهسی ایسه کمراق بولیب، ۸ فایز دن کمنی تشکیل ایتهدی. بو عایلهلرنینگ درآمدلرینی کوپراق شخصی فعالیت گه تیهنیشینی کورستهدی.
سوراونامه نتیجهلری شونی کورستهدی که، جواب بیرووچیلرنینگ ۷۲.۴ فایزی هېچ قندهی ییغیش قابلیتی امکانیگه ایگه اېمس. فقط ۳.۶ فایز منتظم تیجش قیلهیاتگنینی بیلدیرگن، ۲۳.۹ فایز ایسه جوده چېکلنگن مقدارده تیجیشگه قادر. اوشبو معلوماتلر عایلهلرنینگ مالیهوی باسیمی کوچلی ایکنلیگینی و کوپچیلیک عایلهلرده مالیهوی ذخیره یرهتیش امکانیتی یوقلیگینی کورستهدی.
سوراونامه نتیجهلری شونی کورستهدی که، اشتراکچیلرنینگ دییرلی ۷۵ فایز (۷۲۲ کیشی) سۉنگی بیر ییلدن اوچ ییلدن آرتیق دور مابینیده خرید قابلیتینینگ پسهیگنینی بیلدیرگن. بو ایسه سۉنگی ییللرده اقتصادی انقراض عایلهلرنینگ خرید قابلیتیگه دایمی سلبی تأثیر کورستگنینی کورستهدی. باشقه تاماندن ۲۴.۹ فایز جمهوریت باشیدن بویان چېکلنگن خرید قابلیتیگه ایگه بولگنینی و هېچ قچان اوز احتیاجلرینی تولیق قاندیره آلمهگنینی ایتگن.
ایشسیز و ایشلهیدیگن عیاللرنی درآمد منبعی اقتصادی حالت و خرید قابلیتی بوییچه سالیشتیرونی تحلیل قیلیش و گزارشی
عایلهنینگ درآمد منبعی
اوشبو بولیمده کوریشیمیز ممکن که ایشچی و ایشگه جایلشگن عیاللر اورتهسیده عایلهنینگ اساسی درآمد منبعی فرق قیلهدی. ایشچی عیاللر کوپراق دایمی معاش گه تینهدی، ایشگه جایلشگن عیاللر ایسه عایلهنینگ شخصی تدبیرکارلیگی و خیریه یاردملریگه کوپراق باغلیق.
عایله درآمدینی اصلی تأمین قیلووچیلر
سوراونامه نتیجهلریگه کوره، ایشچی عیاللرنینگ عایلهلریده درآمد تأمینلشده عیالنینگ اوزی مهمراق رول اوینهیدی؛ اما ایشگه جایلشگن عیاللرنینگ عایلهلریده درآمدنی کوپراق ایرککلر تأمینلهیدی.
عایلهلرنینگ آیلیک درآمد مقداری
ایشچی عیاللرنینگ عایلهلریده آیلیک درآمد عادتده یوقاریراق بولیب، ۵۰۰۰ افغانیدن کم درآمد گه ایگه عایلهلر اولوشی کمراق؛ ایشگه جایلشگن عیاللر ایسه پست درآمدلی عایلهلرده کوپراق اشتراک ایتهدی.
عایلهلرنینگ خرهجتلری اوچون درآمد ییترلیگی
کوپچیلیک ایشچی عیاللر عایلهنینگ درآمدینی قیین بیلن ییترلی دیب بیلهدی؛ اما اولرنینگ بیر قسمی درآمدنینگ تولیق ییترلیگینی حس قیلهدی، بو کورستکیچ ایشگه جایلشگن عیاللرنیکیدن ایکّی برابر کوپ. ایشگه جایلشگن عیاللر ایسه کوپراق ییترلی بولمهگن درآمددن اذیت چیکهدی.
عایلهلرنینگ درآمد مصرفی
هر ایکیله گروهده درآمدنینگ کتّه قسمی آوقت، کییم-کیچک و فرزندلرنینگ تعلیمی گه صرفلنهدی؛ اما ایشگه جایلشگن عیاللر آوقت و ساغلیقنی سقلش گه کوپراق خرهجت قیلهدی، ایشچی عیاللر ایسه فرزندلرینینگ تعلیمی گه کوپراق اعتبار قرهتهدی. (جوابلر ترکیبی بولیب، اوشبو بولیمدهگی معلومات تخمینی حسابلنگن.)
ییغیش قابلیتی
ایشچی عیاللرده ییغیش قابلیتی یوقاریراق اما کوپچیلیک هلی هم منتظم ییغیش گه ایگه ایمس یا که عموماً ییغیش امکانیگه ایگه ایمس.
اساسی احتیاجلرنی خرید قیلیش قابلیتی
ایشگه جایلشمهگن عیاللر ایشچی عیاللر گه نسبتن عموماً خرید قابلیتیگه ایگه ایمس.
خرید قیلیشده کوچسیزلیک حالتی
جواب بیرووچیلر کورستهدی که، اولرنینگ اینگ کتّه خرید قابلیتی ییتیشماوچیلیگی اوی-روزغار بویوملری، ساغلیقنی سقلش و آوقت گه تعلقلی کوپچیلیک بیر وقتنینگ اوزیده بیر نیچته ساحهلرده خرید قابلیتیگه ایگه ایمس.
خرید قیله آلمسلیک اصلی دلیلی
ایشگه جایلشگن عیاللر اوچون اینگ مهم سبب شخصی ایشسیزلیک ایکنینی ایتیشگن؛ ایشچی عیاللرده ایسه عایلهنینگ درآمدینینگ کمهیشی و عایلهدهگی باشقه اعضالر ایشسیزلیگی مهمراق حسابلنهدی. نرخلرنینگ آشیشی هم ایشچی عیاللر گه کوپراق تأثیر قیلهدی.
خرید قیلیش قابلیتی کمهیش وقتی
هر ایکیله گروهدهگی کوپچیلیک شخصلر سۉنگی ییللرده خرید قابلیتینینگ پسهیگنینی بیلدیرگن.
یکونی خلاصه
سوراونامه نتیجهلری شونی کورستهدی که، افغانستان عیاللرینینگ خرید قابلیتی اقتصادی و اجتماعی عامللردن کېسکین تأثیرلنهدی. اشتراک ایتگن عیاللرنینگ ۹۰ فایزدن آرتیغی اوزلرینینگ اساسی احتیاجلرینی تولیق قاندیره آلمهیدی و ایشسیزلیک، عایلهوی درآمدنینگ کمهیشی همده نرخلرنینگ آشیشی کبی اقتصادی باسیملر اولرنینگ حیات صفتی گه بیواسطه تأثیر قیلگن. اوشبو مالیهوی چېکلاولر نتیجهسیده عایلهلرنینگ اېنگ کتّه خرهجتلری آزیق-آوقت، ساغلیقنی سقلش و بالهلرنینگ تعلیمیگه صرفلنهدی، ییغیش قابلیتی یا که ضرور بولمهگن بویوملرنی ساتیب آلیش اوچون ایسه دییرلی امکان قالمهیدی.
شونینگدیک، ایشسیز عیاللر جدیراق قیینچیلیکلر گه دوچ کیلماقده و ایشلهیدیگن عیاللر گه نسبتن اساسی احتیاجلرینی قاندیریش و ییغیش امکانیتی کمراق. عایلهلرنینگ درآمد گه بولگن باغلیقلیگی کوپراق ایرککلر و شخصی تدبیرکارلیکّه تینهدی، بو ایسه اقتصادی انقراض شرایطیده عایلهلرنینگ ضعیفلیگینی آشیرهدی. سۉنگی ییللرده خرید قابلیتینینگ پسهیشی یشش شرایطلرینینگ یامانلشگنینی و عیاللر همده عایلهلرنی اقتصادی قۉللب-قوتلش بوییچه تیزکار و مقصدلی چارهلر ضرورلیگینی کورستماقده.
برقرار ایش اورینلری یرهتمسدن، درآمدنی آشیرمسدن و عیاللرنی اقتصادی جهتدن قۉللب-قوتلش دستورلرینی عملگه آشیرمسدن، اوشبو یشش انقراضی قشاقلیکنینگ کېنگهیشی، حیات صفتینینگ پسهیشی و اجتماعی ضعیفلیکنینگ آرتیشیگه آلیب کیلیشی ممکن. شو سببلی، عیاللر و عایلهلرنینگ اقتصادی حالتینی مستحکملش مقصدیده دولت، نادولت و فقرالیک جمعیتی انستیتوتلری اشتراکیده کېنگ قمراولی و سکتورلر ارا سیاستلرنی ایشلب چیقیش بیرینچی درجهلی وظیفه حسابلنهدی.
