ساغلیق‌نی سقلش وزیرلیگی نینگ مسئوللری افغانستان‌ده کرونا ویروسی نینگ ینگی تیپی ترقه‌لگنی‌دن خواطر بیلدیرگن‌لر. ساغلیق‌نی سقلش وزیرلیگی سوزلاوچیسی جاوید هژیر نینگ سلام‌وطندار بیلن اوتکزگن صحبتی‌ده ایتیشیچه، افغاستان‌ده اوشبو ویروس نینگ انیق‌لاوچی تجهیزاتی یوق، بیراق رویخط گه آلینگن علایم و نشانه‌لر گه کوره، اومیکرون شدت‌لی شکلده کوپه‌یماقده دیر.
جناب هژیرنینگ کوپه‌تیریشیچه، ساغلیق‌نی سقلش وزیرلیگی نیچه مراتبه خلق‌ارا ساغلیق تشکیلاتی‌دن بو ویروس‌نی انیق‌لاوچی کیت یاردم قیلیشی‌نی سوره‌گن، بیراق خلق‌ارا ساغلیق تشکیلاتی اولر گه حاضرگچه اومیکرون نی انیق‌لاوچی کیت‌لرنی یوبارمه‌گن. اونینگ ایتیشیچه: «بونی هم انکار قیله‌آلمه‌یمیز اومیکرون کرونا ویروس ینگی توری دیر و کیسکین ترقه‌له‌دی.»
بیزلرنینگ فیسبوک صحیفه‌میزگه باش اورینگ!
عین‌حالده، ساغلق‌نی سقلش وزیرلیگی‌نینگ ایتیشیچه، ۲۰۲۲_ییل باشلن‌گنی‌دن بویان ۱۱ مینگ و ۴۰۵ کیشی کرونا ویروسی‌گه چلینگن و ۳ مینگ و ۵۷۸ کیشی ساغه‌یگن.
جناب هژیر نینگ ایتیشیچه، کرونا ویروسی گه چلینیب جان بیرگن‌لر رقمی کوپه‌یماقده و یالغیز سونگی ایکی هفته‌ده ۶۶ کیشی و ۲۰۲۲ – ییل باشلنگن دن حاضرگچه ۱۱۵ کیشی اوشبو ویروس گه چلیگنی باعث جان بیرگن.
اونینگ ایتیشیچه، «جنوری آیی باشلنگن‌دن کیین اولگن‌لر آماری کوپه‌یگن. بیرینچی هفته‌ده ۹ کیش اولگن، ایکینچی هفته‌ده ۸ کیشی اولگن، اوچینچی هفته‌ده ۱۲ کیشی اولگن تورتینچی هفته‌ده ۲۰ کیشی اولگن، بیشینچی هفته‌ده ۲۸ کیشی اولگن و جاری هفته‌ده ۳۸ گه یقین کیشی اولگن»
عین‌حالده شفاکارلر کرونا ویروسی گه چلنیمه‌سلیک اوچون اجتماعی فاصله‌نی رعایت قیلیش، قول‌لرنی قیته قیته یوویش و ماسک تاقیش‌نی توصیه قیله‌دیلر.
بیزلرنینگ توییترده هم تعقیب قیلینگ!
شفاکارلردن بیری قاسم ستور سلام وطندار بیلن بولگن صحبتی‌ده ایتیشیچه: «اوتمیش ده‌گی ویروس لردن کوره یوقوملی دیر. بدن نینگ تورلی بولیم‌لرینی تاثیر آستیگه قرار بیره‌دی. بیرینچی‌دن شش‌لرنی و کیین دفاعی سیستم‌گه ضرر ییتکیزه‌دی. واکسین آلیش و ماسک تاقیش ویروس آلدینی آلیش اوچون مهم دیر.»
شونده‌ی بیرحالده، ساغلیق‌نی سقلش وزیرلیگی نینگ ایتیشیچه، اهالی طلبی کرونا ویروس واکسینی نینگ آلیش گه کوپه‌یگن.
ساغلیق‌نی سقلش وزیرلیگی آماریلری‌گه کوره، مملکت بوتون ولایت‌لریده کونیده ۱۱ مینگ کیشی کرونا ویروس واکسینی آلیش اوچون ساغلیق مرکزلریگه مراجعت قیله‌دیلر.
