سرپرست حکومت عالی اوقوو وزیرلیگی‌نینگ، تخنیکی و مسلکی تعلیمات انستیتیوت‌لریدن فارغ بولگنلر رشته‌لریگه ضد باشقه بولیم‌لرده تحصیل قیله آلمسلیک ینگی قراری، یاشلرنینگ تشویشی گه سبب بولگن. قویاش ۱۴۰۳-ییل، ۲۲-جدی، عالی اوقوو وزیرلیگی تامانیدن خصوصی بیلیم یورت‌لر گه یوللنگن مکتوب اساسیده، تخنیکی و مسلکی تعلیمات انستیتیوتلرنینگ اوقووچیلری ۱۲- و ۱۴-صنف‌لردن فارغ بولگنیدن کېین رشته‌لریگه ضد بو بیلیم یورت‌نینگ باشقه بولیم‌لریده تحصیل گه دوام بیره آلمه‌یدی.
سلام‌وطندار، تخنیکی و مسلکی تعلیمات انستیتیوت‌لریدن فارغ بولگن ۱۲ یاش و بو انستیتیوتلرنینگ ۱۲ اوقووچیسی شامل ۲۴ یاش بیلن صحبت قیلگن، اولر اوشبو قرار عملگه آشیریلگن حالده رویالریگه اېریشه آلمسلیک‌لرینی اېتگنلر.
بو گزارش‌ده صحبت قیلگن یاشلر، تخنیکی و مسلکی تورلی بولیم‌لرده اوقیگن یا-ده اوشبو بولیم‌لردن فارغ بولگنلر.
تخنیکی و مسلکی انستیتیوت‌ده برق انجینیری بولیمی اوقووچیسی احمدرشاد-تیش بولیمیده اوقیشنی دوام بیریش گه قیزیقه‌دی ایتیشیچه، برق انجینیرلیک بولیمیده قیزیقمسلیگی اوچون، اوقیشنی ترک اېتیش گه قرار قیلگن. «عالی اوقوو وزیرلیگی‌نینگ قراری بیزنی تشویش گه سالیب و ایکّی یولگه قالدیرگن؛ کوپینچه یاشلر قیزیقه‌دیگن بولیم‌لرده حاضر اوقیمه‌یپتیلر؛ اوقیشنی ترک اېتیش گه مجبورمیز.»
تخنیکی و مسلکی تعلیمات انستیتیوت‌ده زراعت بولیمی اوقووچیسی قدرت‌الله گه کوره، بو بولیمده قیزیقمسلیگی و ایش امکانیت‌لری یوق‌لیگی اوچون اوقیش بولیمینی اوزگرتیریش گه قرار قیلگن. «عالی اوقوو وزیرلیگی‌نینگ قراری اساسیده اوقیشنی ترک اېتیش گه مجبور بوله‌میز؛ طب اوقیش گه قیزیقه‌من؛ ینگی‌لیکده بو قراردن خبر بولدیم؛ نهادلر تامانیدن بیز گه خبر بیریلمه‌دی و قیینچیلیک بیلن دوچ بولگن‌میز.»
بیزلرنینگ فیسبوک صحیفه‌میزگه باش اورینگ!
برق انجینیرلیک بولیمیدن فارغ بولگن ناشراحمد، ماسترلیک درجه‌سیگه قدر اوقیشنی اېسته‌یدی، ایتیشیچه: «حکومت بیز گه اعتبار بیرمه‌یدی؛ بیلیم یورت بونده‌ی بولسه، اوقیشنی اېستمه‌یمیز؛ بیر یاش اوله‌راق کېله‌جک و تقدیریم حقیده تشویش‌ده من و نیمه قیلیش‌نی بیلمه‌یپمن؛ برق انجینیرلیگیگه قیزیقمه‌ی من.»
باشقه تاماندن، تخنیکی و مسلکی تعلیمات انستیتیوت‌لردن فارغ بولگن سکیز ییگیت، اوقیگن بولیم‌لریده ایشلش گه قرار قیلگنلرینی اېته‌دیلر.
الکترونیک بولیمیدن فارغ بولگن رسول سروری گه کوره، اوقیگن بولیمی آرقه‌لی جامعه گه خذمت قیلیش‌نی اېسته‌یدی. «قیله آله‌دیگن ایشیم شو که اوقیگن بولیم‌دن فایده‌لنسم؛ قیینچیلیک‌نینگ چېکی یوق؛ بو بیزمیز که قیینچیلیک‌لر گه غالب بولسه‌ی.»
تخنیکی و مسلکی انستیتیوت‌لردن بیریده کان انجینیری بولیمیدن فارغ بولگن حشمت‌الله‌نینگ ایتیشیچه، فارغ بولگنیدن کېین بو بولیمده ایشله‌ماقده. «فارغ بولگندن سۉنگ موتر اتومکانیک و تخنیک بولیمیده ایشله‌ی من؛ نیچه مراتبه دولت و خصوصی بیلیم یورت‌لر گه مراجعت قیلدیم؛ بو بوتون یاشلرنینگ قیینچیلیگی دیر و ناامید قیله‌دی.»
بیزلرنینگ «ایکس» ترماغی ده هم تعقیب قیلینگ!
بو قراردن تشویش‌ده بولگن یاشلردن باشقه بیری احمدفرشید، باشقه بولیم‌لرده اوقیش امکانیتی بولمه‌گن حالده، مهاجرت یولینی تنلش گه مجبورلیگینی معلوم قیله‌دی. «اوقیش اوچون بیران یول آچیلیش گه امیدوار من عکس‌حالده ایشلش اوچون چیت‌ایل گه باریشنی اویله‌ی من؛ امکانیت یره‌تیلگن تقدیرده، ۱۴-صنف گه قدر اوقیشنی اېسته‌ی من.»
برچه‌سی بیلن، ایش بیلرمانلردن بیرقطاری، یاشلر گه هر بولیم گه اوقیش امکانیتی یره‌تیلیشی کېره‌ک دیېدی.
بیلیم یورت اوقیتووچیسی شهزاد آرین، یاشلرنینگ اوقیگن بولیمی گه ضد اوقیش گه دوام بیریش‌نی افغانستان ایش کوچی و تخصصی گه سلبی تأثیری بارلیگینی اېته‌دی. «بیز گواه اېدیک که مسلکی و تخصصی ۱۴-صنف‌دن فارغ بولگنلر ایکّی ییل بیلیم یورت‌لرده باشقه بولیم‌لرده اوقیدیلر یا-ده باشقه بولیم‌لرنی اېزلر اېدیلر؛ افسوس بیلن بو ایش افغانستان تخصص و ایش کوچی گه نقصان یېتکزه‌دی.»
رَنا بیلیم یورتی طلبه‌لر ایشلری بوییچه معاونی عادل‌شاه امین‌یار، سرپرست حکومت تامانیدن مکتوب یوللنگنینی تصدیقله‌یدی. اونینگ کوپه‌یتیریشیچه: «بیز گه عالی اوقوو وزیرلیگی تامانیدن مکتوب یوللنگن اونگه اساس، مسلکی و تخنیکی انستیتیوت‌لردن فارغ بولگنلر، اوچ ییل اوقیگن بولیم‌لرده اوقیش‌لری ممکن و بولیم‌لریگه ضد اوقیشنی دوام بیریش گه حق‌لری یوق.»
تخنیکی و مسلکی تعلیمات اداره‌سی افغانستان مقیاسیده ۳۷۸ لیسه و انستیتیوت‌ده فعالیت قیلماقده. بو نهاد ۲۰۰ انستیتیوت، ۱۵۸ لیسه و ۲۰ خاص تعلیمات مرکزی شامل دیر.
تخنیکی و مسلکی تعلیمات اداره‌سی‌نینگ یېتکرمه‌لر بیلن هماهنگ قیلیش مسئولی سیدصفیر منصوری، هر ییل‌ده بو اداره‌دن ۲۰ مینگ اوقووچی فارغ بولیشینی بیلدیریب، سرپرست حکومت عالی اوقوو وزیرلیگی تامانیدن یوللنگن مکتوب، عملی بولماقده‌لیگینی معلوم قیله‌دی.
اونگه کوره: «عالی اوقوو وزیرلیگی تامانیدن اعلام بولگن-بو مرکزدن فارغ بولگن اوقووچیلر، اوقیگن بولیم‌لریگه ضد اوقیش گه دوام بیره آلمه‌ی و تحصیلی نهادلرده جذب بوله آلمه‌یدیلر؛ بو اداره‌ده هر بولیم اوچون جهازلنگن ورکشاپ‌لری بار، بو ورکشاپ‌لر عملی اوقیش برچه امکانیت‌لر گه ایگه دیر.»
افغانستان مسلکی و ملَکه‌لی اینیقسه یاشلر گه احتیاجی بولگن بیرحالده، یاشلر تخنیکی و مسلکی بولیم‌لردن رشته‌لرینی اوزگرتیریش گه قیزیقیش‌لرینی اېته‌دیلر.
