بغلان ترافیک مدیریتی مسئوللری اوشبو ولایت‌ده یوز بیرگن اَیری ایکی ترافیکی حادثه‌دن خبر بیرگنلر.
بغلان ترافیک مدیری نذیر عابدی نینگ ایتیشیچه، خنجان تومنی بغلان-کابل قتناو یولی‌ده یوز بیرگن ترافیکی حادثه‌ده هیداوچی شامل ایکی کیشی اولیب و بیر عیال شامل باشقه اوچ کیشی ایسه یره‌لنگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، مذکور حادثه‌لر اوتگن کون شام چاغی کرولا تیپلی بیر موتر بیلن یوک تاشووچی بیر موتر نینگ توقشنگنی سبب، یوز بیرگن.
بغلان ترافیکی مدیری گه کوره، اوشبو حادثه یره‌دارلری کسل‌خانه گه انتقال بیریلگن.
عین حالده، نذیر عابدی نینگ ایتیشیچه، بغلان ولایت نینگ دوشی تومنی‌ده بیر اوقووچی قیز مکتب گه کیته‌دیگن چاغده یولاوچی تاشووچی بیر موتر بیلن توقنشیب و هلاک بولگن.
بیزلرنینگ توییترده هم تعقیب قیلینگ!
مذکور ۱۲ یاشر قیز، دوشی قیز لیسه‌سی نینگ ۶-صنف اوقووچیسی ایکن. بغلان ترافیک مدیری نینگ کوپه‌یتیریشیچه، اوشبو یولاوچی تاشووچی موتر نینگ هیداوچیسی قولگه آلینگن.
شونده‌ی بیرحالده، اوچ کون آلدین هم بغلان ولایتی مرکزی پلخمری شهریده یوز بیرگن ترافیکی حادثه‌ده اوچ کیشی اولگن ایدی.