کاپیسا امنیه قوماندانلیگی مسئوللری نینگ ایتیش‌لریچه، اوشبو ولایت مرکزی اطرافیده یوز بیرگن ترافیکی بیر حادثه‌ده، ۱۱ یاشر بیر ییگیت هلاک بولگن.
کاپیسا امنیه قوماندانلیگی سوزلاوچیسی عبدالفتاح فائز نینگ سلام‌وطندار گه ایتیشیچه، مذکور حادثه اوتگن کیچه ساعت ۸:۰۵ اطرافیده، اوشبو ولایت مرکزی محمودراقی شهری حدودلریده جایلشگن «بازار ده‌بابا‌علی» منطقه‌سیده، «کرولا» رسولی بیر موتر بیلن بیر موترسایکل نینگ توقنشووی سبب، یوز بیرگن.
بیزلرنینگ فیسبوک صحیفه‌میزگه باش اورینگ!
عبدالفتاح فائز گه کوره، اوشبو حادثه نتیجه‌سیده، موترسایکل‌ده‌گی فیصل اسم‌لی ۱۱ یاشر ییگیت بیرینچی‌ده یره‌لنیب کابل ده‌گی کسل‌خانه‌لریدن بیری گه انتقال بیریلگنی‌دن کیین، هلاک بولگن.
کاپیسا امنیه قوماندانلیگی سوزلاوچیسی مذکور حادثه سببی نی، کرولا رسوملی موتر هیداوچیسی نینگ توجه‌سیزلیگی عنوان قیلیب و کوپه‌یتیریشیچه، هیداوچی موتری بیلن خوفسیزلیک کوچلری نینگ تیکشیرووی آستیده قرار تاپگن دیر.
