سیلاب جمغرمه‌سی، بوگون کابل ده ۵۰ ییگیت نینگ توپلم توی مراسمی نی یولگه قویگن. اوشبو جمغرمه مسئوللری، توپلم توی مراسمی نینگ یولگه قوییلگنی‌دن مقصد، ناتوغری فرهنگ‌لر آلدی آلینیشی و آز خره‌جت بیلن توی مراسمی یولگه قوییلیشی عنوان قیلگنلر.
مذکور جمغرمه مسئولی سیداحمد سیلاب نینگ ایتیشیچه، اوشبو برنامه گه ۵۰۰ ییگیت ثبت نام قیلگن و اولر ارا، ۵۰ ییگیت شرایط گه ماس تانیلیب و اولر نینگ توی مراسمی بوگون اوتکزیلگن. اونینگ کوپه‌یتیریشیچه: «بیرینچی شرط، مخدره ماده گه چلینگن بولمه‌سین، روحی قیین‌چیلیگی بولمه‌سین، ایش‌سیز بولمه‌سین، ۳۰۰-۵۰۰ افغانی درآمدی بولسین، قرض‌دار بولمه‌سین و قلین کیچیریلسین.»
بیزلرنینگ «ایکس» ترماغی ده هم تعقیب قیلینگ!
سیلاب جمغرمه‌سی مسئوللری نینگ ایتیشلریچه، اوشبو توپلم توی مراسمی نینگ خره‌جتی ۶ میلیون افغانی بولگن و اولر هر بیر زوج گه ۱۶۰ قلم اوی وسیله‌لری نی سیپ (جهیزیه) صفتیده بیریش نی نظر گه آلگنلر.
کابل شهری سروبی تومنی یشاوچیسی و اوشبو مراسم‌ده‌گی کویاو‌لردن بیری حکمت‌الله نینگ ایتیشیچه، اوچ ییل‌دن بیری توی مراسمی نینگ یولگه قوییلیشی نی کوتیب تورگن؛ بیراق حاضرگچه قلین نینگ یوقاریلیگی سبب، توی مراسمی نی یولگه قویهآلمهگن ایکن.
بیزلرنینگ فیسبوک صحیفه‌میزگه باش اورینگ!
کابل شهری میربچه‌کوت تومنی یشاوچیسی رامین نینگ ایتیشیچه، قلین نینگ یوقاریلیگی سبب، قریب بیش ییل‌دن بیری توی مراسمی نی یولگه قویهآلمهگن. او، عایله‌لردن یوقاری قلین آلمه‌سلیکلری نی ایسته‌گن. «بو کبی برنامه آرقه‌لی توی مراسمی‌میز نینگ یولگه قوییلگنی‌دن خورسند‌میز، عایله‌لردن ییگیت عایله‌سی‌دن آز قلین آلیشلری نی ایسته‌یمیز، چونکه قیزلری قیین‌آته‌سی نینگ اویی‌ده آرام حیات کیچیرسین.»
ایتیش کیره‌ک که، بیرینچی مرته توپلم توی مراسمی ۱۳۸۷-ییل مزارشریف شهری‌ده، دین عالم‌لر نینگ حمایتی بیلن یولگه قوییلیب و اوندن کیین، ولایت‌لردن قطاری‌ده هم دوام تاپگن.
