۳۵ ییل آلدین ۲۶-دلو ده، سابق ساویت اتفاقی قوشین‌لری، افغانستان ده ۱۰ ییل حضوری دن سونگ بو مملکت نی ترک قیلیب و افغانستان دن اینگ سونگی عسکرینی آلیب چیقردی. سابق ساویت نینگ اینگی سونگی عسکری افغانستان چیگره‌سیدن اوتیشی بیلن، افغانستان تاریخی ده اینگ قانلی واقعه‌لردن بیری گه چیک قوییلدی.
افغانستان ده سابق ساویت اتفاقی نینگ ۱۰ ییل‌لیک حضوری ده بو مملکت ده سان-سناق‌سیز کیشی‌لر قربان بولیب و باشقه میلیون‌لرچه کیشی اوی-جای‌لرینی ترک قیلیب چیت‌ایل مملکت‌لر گه باش پنهایزلب باریش گه مجبور بولدیلر.
حاضر بوکون‌دن ۳۵ ییل اوتگچ سیاسی ایش بیلرمان‌لردن بیرقطاری نینگ ایشانچی گه کوره، افغانستان وضعیتی یخشی باشقریلمسلیگی و سیاست ضعیف‌لیگی باعث، بو مملکت ده حاضرگچه سیاسی ثبات تامین بولمه‌گن.
سیاسی ایش بیلرمان ضیا حسینی گه کوره: «شرایط نی توشینمسلیک و خلق‌ارا وضعیت باعث افغانستان ده سیاسی تیزیم و دایمی ثبات برقرار بولمسلیکّه سبب بولدی، بو مرته اوتگن اچیق تاریخ دن تجربه آلیش گه امید بیلدیره‌من.»
اوشبو ایش بیلرمان، مملکت‌لر اینیقسه سابق ساویت اتفاقی قوشین‌لری نینگ حربی حضوری گه تاکیدلب ایتیشیچه، افغانستان باشقه مملکت‌لر و دنیا قدرت‌لری بیلن یانده‌شوو ده، ملی منفعت‌لرنی اوستون قرار بیریشی کیره‌ک.
شونینگدیک، ایش بیلرمان‌لر مملکت ایچیده سیاسی ثبات تامین ایتیلیشی، سیاسی اجماع شکللنیشی اوچون زمینه یره‌تیلیشی، خارجی سیاست ده برابرلیک نظر گه آلینیشی و دنیا بیلن کیلیشوو اوستیگه تاکید ایته‌دیلر.
ملت واحد افغانستان همبسته‌لیک حزب رهبری محمدزلمی افغانیار پوپل نینگ ایتیشیچه: «بوگون روس‌لر افغانستان بیلن یخشی مناسبتی‌میز بولیشنی ایسته‌یمیز دیدی، بو سیاسی حماقت دیر، اولر اوز سیاسی منفعت‌لرینی عملگه آشیره آلمسدن آته‌لریمیز چیقرگن روسیه‌لیک‌لر ریجه‌سیز ایمس، افغانستان ده اتفاق‌لیک و سیاسی اجماع شکللنیشی قیزیق موضوع و اسلام امیرلیگی بونی نظرگه آلیش گه امید بیلدیره‌من.»
باشقه تاماندن، سیاسی ایش بیلرمان عبدالشکور دادرس نینگ ایشانچی گه کوره: «بیز بوگون مملکت ده تعلیم زمینه‌سینی یره‌تیشی‌میز درکار و بیز برچه دنیا بیلن علاقه و مناسبتی‌میز بولیشی کیره‌ک و بوندن کیین افغانستان خلقی آره‌سیده مین و سین‌لیک بولمه‌سین.»
افغانستان دن سابق ساویت اتفاقی قوشین‌لری چیقیشیدن سونگ، بو قوشین‌لر گه قرشی ییل‌لر بویلب اوروشگن کوچلر و جبهه‌لر، بیر-بیری بیلن کیلیشه آلمه‌ی و بو موضوع افغانستان ده ایچکی اوروش‌لر باشلنیشی گه سبب بولدی.