اوتگن ییل ایشچی‌لیک اوچون ناقانونی شکلده ایران گه مهاجرت قیلگن نیمروز یشاوچیسی بولمیش غلام‌نبی نینگ ایتیشیچه، قانونی حجتی یوقلیگی سبب، ایران پولیسی آرقه‌لی قولگه آلینیب و اوندن کیین، نیمروز چیگره‌سی آرقه‌لی جبری شکلده افغانستان گه قیتریلگن.
غلام‌نبی نینگ کوپه‌یتیریشیچه: «ایرتنگ چاغی ایش گه باریشم پیتده، یول‌ده ایران پولیسی تامانیدن قولگه آلیندیم و اوچ کون حبس‌دن کیین، قیته افغانستان گه جبری شکلده چیقردی.»
ینگی‌لیکده هرات نینگ اسلام‌قلعه چیگره قتناو یولیدن جبری شکلده افغانستان گه قیتریلگن ایران ده‌گی افغانستان‌لیک قاچقین‌لردن باشقه بیری محمد‌عارف نینگ ایتیشیچه: «نیچه کون آلدین ایران مأمورلری بیزلر نی قولگه آلدیلر و بیزلر بیلن یامان یانده‌شدیلر، ایران‌دن چیقردیلر. حاضر ایسه هرات ده‌میز و حتا یول کرایه‌میز یوق که اوی‌میز گه باره‌یلیک.»
بیزلرنینگ «ایکس» ترماغی ده هم تعقیب قیلینگ!
بولر گه علاوه، ایران میدیالری نینگ گزارش بیریشیچه، اوشبو مملکت ایش وزیرلیگی نینگ اعلامی اساسیده، وقتینچه‌لیک حجت یا-ده ایش جوازی گه ایگه بولمه‌گن افغانستان‌لیک قاچقینلر گه، مذکور مملکتده ایشلش گه رخصت بیریلمه‌یدی. بو وزیرلیک ایران مملکتی‌ده‌گی ایش بیرووچیلری گه، ایش جوازی بولمه‌گن افغانستان‌لیک قاچقینلر نینگ ایش گه آلینگنی صورتده، جریمه بولینیشی خصوصیده آگاه‌لنتیرگن.
ایران ده‌گی افغانستان‌لیک قاچقین‌لردن ریحانه عزیزی نینگ ایتیشیچه، تورموش اورتاغی نینگ ایش‌سیزلیگی سبب، ایران گه مهاجرت قیلگن. اونینگ ایتیشیچه، ویزالری نینگ وقتی یکونلنگن و ایران حکومتی آرقه‌لی تمدید بولمه‌گن.
ریحانه ایران ده افغانستان‌لیک قاچقینلر وضعیتی‌دن خواطر بیلدیریب کوپه‌یتیریشیچه، افغانستان گه جبری شکلده قیتریلیشی خصوصیده خواطرلنگن دیر. «ویزا تمدید قیله‌دیگن دفتر گه بار‌من، هر آی‌ده هر بیری‌میزدن آلتی میلیون تومان ایسته‌یدی، درآمدی‌میز یوق، قنده‌ی قیله‌یلیک؟ جبری شکلده چیقیریلیش خصوصیده خواطرده‌میز.»
شونده‌ی بیرحالده، ایران ده‌گی افغانستان‌لیک قاچقین‌لردن قطاری، اوشبو مملکتده مهاجرلر وضعیتی‌دن خواطر بیلدیریب ایتیشلریچه، بیرلشگن ملت‌لر تشکیلاتی ایران دن افغانستان‌لیک قاچقینلر نینگ جبری شکلده چیقیریلیش پروسه‌سی نینگ توخته‌تیشی کیره‌ک.
ایران ده‌گی افغانستان‌لیک مهاجرلردن باشقه بیری شریف متین نینگ ایتیشیچه: «بیرلشگن ملت‌لر تشکیلاتی، یاردم بیرووچی نهاد‌لر و ایران اسلامی جمهورلیگی‌دن، افغانستان‌لیک قاچقینلر گه یاردم بریب و قاچقینلر نینگ جبری شکلده چیقریلیش پروسه‌سی نینگ توخته‌تیشلری نی ایسته‌یمیز؛ عکسینچه حالده، قاچقینلر نینگ جبری شکلده چیقریلگنی صورتده، تلف بولیشلری ممکن.»
هرات و نیمروز چیگره مسئوللری نینگ ایتیشلریچه، سونگی هفته‌لر ایران دن قاچقینلر نینگ جبری چیقریلیش پروسه‌سی کوپه‌یگن و کونده قریب ۸ مینگ کیشی، نیمروز ده پل‌ابریشم و هرات ده اسلام‌قلعه چیگره قتناو یولیدن افغانستان گه قیتریله‌دی.
بیزلرنینگ فیسبوک صحیفه‌میزگه باش اورینگ!
اسلام‌قلعه چیگره قتناو یولی‌ده قاچقینلر ایشلری بوییچه چیگره آمری عبدالله قیومی نینگ ایتیشیچه: «اوتگن آی‌لرده، ۱۵۰۰-۲۵۰۰ افغانستان‌لیک قاچقین، ایران دن چیقریلگن و حاضر ایسه ۳۰۰۰-۴۰۰۰ کیشی جبری شکلده ایران دن چیقریله‌دی و کیله‌سی کون‌لر بو رقم نینگ کوپه‌یشی ممکن.»
شونینگدیک نیمروز نینگ پل ابریشم کمیساری محمدهاشم حنظله نینگ ایتیشیچه: «ایران دن قیتریلگن برچه مسافرلر، کونده ۳۰۰۰-۳۵۰۰ کیشی دیر و کونده بیللی بیر معیار بولگن که، اولر گه آزیق-آوقات و نقدی یاردم بولسه.»
قاچقینلر وزیرلیگی نینگ آماری اساسیده، ایران ده اوچ میلیون افغانستان‌لیک یشاوچی حیات کیچیرماقده و ایران رسمی‌لری نینگ ادعا قیلیش‌لری اساسیده، حاضر ایسه مذکور مملکت بیش میلیون افغانستان‌لیک مهاجردن میزبان‌لیک قیله‌دی.
