بوگون (چهارشنبه، ۲۷-سپتمبر)، خلق‌ارا سیاحتچی‌لیک کونی گه ماس دیر. معلومات و مدنیت وزیرلیگی مسئوللری کابل نینگ دارالمان سرایی‌ده بیر برنامه یولگه قوییش بیلن، خلق‌ارا سیاحتچی‌لیک کونی نی نشانله‌گنلر.
مذکور برنامهده معلومات و مدنیت وزیرلیگی نینگ نشرات ایشلری بوییچه معینی حیات‌الله مهاجر فراهی نینگ ایتیشیچه، اوتگن ایکی ییل جریانیده ۴۲۰۰ خارجی سیاحتچی، افغانستان نینگ قیزیقرلی جای‌لری نی کوزه‌تگن دیر.
معلومات و مدنیت وزیرلیگی نینگ نشرات ایشلری بوییچه معینی نینگ کوپه‌یتیریشیچه، سیاحتچیلر گه آسایشته‌لیک ایجاد بولیشی مقصدیده، غور، پکتیا، کاپیسا و نورستان ولایت‌لریده‌گی دم آلیش ییر‌لریده، دنیا ستندرد‌لری اساسیده سالون‌لر توزه‌تیلیشی ممکن.
بیزلرنینگ فیسبوک صحیفه‌میزگه باش اورینگ!
اونینگ تاکید قیلیشیچه: «اسلام امیر‌لیگی نینگ قدرت گه ایریشگنی‌دن کیین، تورلی مملکت‌لردن ۴۲۰۰ خارجی سیاحتچی، افغانستان نینگ تورلی بولیم‌لری نی کوزه‌تگنلر و بو آمار کون اوتیشی بیلن کوپه‌یه‌دی.»
باشقه بیر تامان‌دن، معلومات و مدنیت وزیرلیگی سرپرستی خیرالله خیرخواه، اوشبو برنامهده افغانستان نینگ قیزیقرلی جای‌لریدن خارجی سیاحتچیلر نینگ کوزه‌تیشی نی، مملکت اقتصادی ترقیاتی اوچون فایده‌لی بیله‌دی. اونینگ کوپه‌یتیریشیچه: «افغانستان گه مهمان کبی کیله‌دیگن سیاحتچیلر بیلن، اهالی یخشی رفتار قیلیشی کیره‌ک. سیاچیچی‌لر نینگ کیلیشی مملکت اقتصادی ترقیاتی گه سبب بوله‌دی.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، مذکور ییغین گه شرکت قیلگن تشقی ایشلر وزیرلیگی نینگ سیاسی معینی شیرمحمد عباس استانکزی، خارجی سیاحتچیلر و منطقه و قوشنی مملکت‌لر یشاوچیلریدن، افغانستان نینگ تاریخی جای‌لریدن کوزه‌تیش‌لری نی ایسته‌گن.
اونینگ ایتیشیچه: «افغانستان ده اونملی تاریخی بنا‌لر بار و اوشبو تاریخی بنا‌لر خارجی و ایچکی سیاحتچیلر اوچون قیزیقرلی دیر و منطقه و قوشنی مملکت‌لر یشاوچیلریدن افغانستان گه سفر قیلیب و تارخی مکان‌لری و آب‌وهوا‌سیدن بهرمند بولسینلر.»
معلومات و مدنیت وزیرلیگی مسئوللری نینگ کوپه‌یتیریشلریچه، سیاحتچی‌لیک صناعتی ترقیاتی اوچون ایکینچی‌لیک، سووغاریش و چاروه‌چیلیک وزیرلیگی همکارلیگی بیلن بامیان نینگ امیر توغانی‌ده، بیر لایحه خصوصیده ایشله‌یدیلر.
