بوگون (یکشنبه ۱۵- حمل) مصالحه عالی کینگش رهبرلیک کمیته‌سی نینگ تینچلیک لایحه‌سینی تیارلش و توحید کمیته‌سی، مذکور کینگش رهبرلیک اعضاسی محمدیونس قانونی ریاستی ده سپیدار قصری ده یولگه قوییلدی.
مذکور کمیته تینچلیک توغریسیده ارایه ایتیلگن ریجه‌لرنی توحید قیله‌دی. حاضر ۲۵ سیاسی حزب و ملی مصالحه عالی کینگش رهبرلیک کمیته اعضالری تینچلیک خصوصیده بولگن ریجه و فکرلرینی مذکور کمیته گه یوبارگن کیم اونگه ۳۰ ریجه شامل بوله‌دی.
ملی مصالحه عالی کینگشی نینگ اعلام قیلیشیچه، مذکور کینگش لایحه‌لرنی تیارلش و توحید کمیته‌سی، سیاسی حزب‌لر، ملی مصالحه عالی کینگش کمیته اعضالری و مملکت یشاوچی‌لری نینگ فکرینی توپله‌ش و توحید قیلیش خصوصیده ایش قیلگن.
ملی مصالحه عالی کینگشی نینگ اعلامیه‌سی اساسیده، بوگونگی ییغینده ارایه ایتیلگن ریجه‌لر تیکشیریلگن و فکرلر توحید بولیشی و اولرنینگ مذکور کمیته رهبرلیک ییغینی گه ارایه ایتیلگونگه قدر، بو کمیته ییغینلری دوام تاپه‌دی.
ملی مصالحه عالی کینگش رهبرلیک کمیته‌سی نینگ ییغینی جاری هفته سه‌شنبه کونی یولگه قوییلیشی گه قرار قیلینگن. ملی مصالحه کینگشی نینگ ایتیشیچه، افغانستان اسلامی جمهوریتی بیر فکر بیلن ترکیه تینچلیک ییغینی گه شرکت قیلیشی ممکن.
