ایچکی ایشلر وزیرلیگی سرپرستی سراج‌الدین حقانی، ینگی‌لیکده خوست ولایتی‌ده شیخ زاید بیلیم یورتی طلبه‌لری گه خطاب قیلیب ایتگن که، مسلکی کیشی‌لر گه نیاز بولگن بیرحالده، مسلک‌سیز کیشی تعینله‌نیشی اچینرلی دیر.
جناب حقانی طلبه‌لردن فارغ بولگنلریدن کیین، دولتی اداره‌لر گه استخدام بولیش اوچون سعی و حرکت قیلیش‌لری نی ایسته‌گن.
سراج‌الدین حقانی نینگ کوپه‌یتیریشیچه «مسلکی کیشی‌لر گه نیاز بولگن حالده، مسلک‌سیز کیشی تعینله‌نیشی اچینرلی دیر.»
بیزلرنینگ توییترده هم تعقیب قیلینگ!
شونده‌ی بیرحالده، خلق‌ارا رابطه‌لر بوییچه ییریک تخصص گه ایگه بولگن کابل یشاوچیسی مختاراحمد احمدی نینگ ایتیشیچه، نیچه مرته اسلامی امارت نینگ تورلی نهاد‌لری گه مراجعت قیلیب و تخصصی گه تیگیشلی بولیم‌لر گه استخدام بولیش نی ایسته‌گن؛ بیراق حاضرگچه هیچ بیر نهاد‌‌ده ایش گه آلینمه‌گن.
اونینگ کوپه‌یتیریشیچه: «قیین‌چیلیک بیلن درس اوقیدیم و لیسانس و ماستری سندیم نی آلدیم؛ بیراق حاضرگچه حکومتی اداره‌لر گه استخدام بوله آلمه‌دیم.»
کابل ده تعلیم کورگنلردن بیری خلیل تیموری نینگ ایتیشیچه، حاضرگی وضعیت‌ده دوکترا و خلق‌ارا رابطه‌لر بوییچه ییریک متخصص سندی گه صاحب بولگن کیشی‌لر، ایش‌سیز دیر.
اونینگ کوپه‌یتیریشیچه، نیچه مرته حکومتی نهاد‌لرده ایش تاپیش اوچون سعی حرکت قیلگن؛ بیراق موفق بولمه‌گن.
عین حالده، بیلیم یورت اوقیتووچیلریدن قطاری نینگ ایتیش‌لریچه، دولتی اداره‌لرده متخصص کیشی‌لر نینگ استخدام بولمه‌یشی بیر تامان‌دن اوشبو اداره‌لر نینگ ناکام‌لیگی و باشقه بیر تامان‌دن دانش‌لری نینگ سطحی نی یوقاری ایلتیش اوچون سعی و حرکت قیله‌دیگن طلبه‌لر نینگ ناامید‌الیگی گه سبب بوله‌دی.
بیزلرنینگ فیسبوک صحیفه‌میزگه باش اورینگ!
کابل ده خصوصی بیلیم یورت اوقیتووچیلریدن بیری رحیم‌حسین حسینی نینگ سلام‌وطندار گه ایتیشیچه، اسلامی امارت مسلکی بولیم‌لر گه متخصص کیشی‌لر نینگ استخدام قیلیشی کیره‌ک.
باشقه بیر تامان‌دن، ایشلر اداره‌سیدن بیر منبع نینگ سلام‌وطندار گه ایتیشیچه، اسلامی امارت مسلکی بولیم‌لر گه متخصص کیشی‌لر نینگ استخدام قیلیش اوچون سعی و حرکت قیله‌دی.
ایتیش کیره‌ک که، اسلامی امارت نینگ قدرت گه ایریشگنیدن کیین، بیر قطار دولتی و غیردولتی اداره‌لرده یشاوچیلردن قطاری ایش‌لری نی قولدن بیرگنلر که، اوشبو ایش اجتماعی ترقیات پروسه‌سی نی توخته‌تیب و عمومی خذمت‌لر نینگ مناسب بیر شکلده ارائه بولیشی نی قیین‌چیلیک بیلن روپه‌ره قیلگن.
