افغانستان‌نی قیته قوریش اوچون آمریکا نینگ عمومی تیکشیریش اداره‌سی یا-ده سیگار، افغانستان ده بشری حقوق وضعیتی گه تیگیشلی ینگی بیر گزارش ترقه‌تگن.
سیگار نینگ گزارشی‌ده کیلگن که، افغانستان ده اسلامی امارت نینگ قدرت گه ایریشگنیدن کیین، اوشبو مملکت‌ده انسانی حقوق وضعیتی یامان‌لنگن.
افغانستان‌نی قیته قوریش اوچون آمریکا عمومی تیکشیریش اداره‌سی نینگ گزارشی گه کوره، مذکور مملکت‌ده بشری وضعیت نینگ یامان‌لنگنی بیلن، ۲۴.۴ میلیون کیشی عاجل انسان‌دوستلیک یاردم‌لر گه نیاز تاپگنلر.
بیزلرنینگ توییترده هم تعقیب قیلینگ!
سیگار نینگ گزارشی اساسیده، افغانلر نینگ ییگولیک ماده خصوصیده‌گی نیازلری ایکی برابر بولگن. گزارش‌ده کیلگن که، میلادی ۲۰۲۱-ییل‌ده ۱۸.۴ میلیون کیشی ییگولیک ماده گه نیازمند ایدیکن‌لر که، اوشبو رقم میلادی ۲۰۲۲-ییل‌ده ۲۲.۸ میلیون کیشی گه ییتیشگن.
شونینگدیک سیگار نینگ اورغولشیچه: «انسان‌دوستلیک تشکیلات‌لر نینگ پیش‌بینلیک قیلیشی گه کوره، کیله‌جک ۶ آیده، قوروق‌چیلیک، سوو‌دن تاپیلگن کسل‌لیکلر نینگ کوپه‌یشی و ییگولیک ماده آزلیگی نینگ یامان‌لنیشی ممکن.»
شونده‌ی بیرحالده، اسلامی امارت سوزلاوچی اورین‌باسرلریدن بلال‌کریمی نینگ سلام‌وطندار گه ایتیشیچه، اسلامی امارت سرپرست حکومتی گه قرشی وضع بولگن تحریم‌لر، اوشبو مملکت اقتصادی قیین‌چیلیکلری نینگ اصلی دلیلی دیر.
اونینگ کوپه‌یتیریشیچه: «اسلامی امارت نینگ قدرت گه ایریشگنیدن کیین، اورته گه چیقگن بعضی قیینچیلیکلر، تشقی قیینچیلیکلر گه ارتباطی بار. جریان‌ده ایدینگیز که افغانستان پول‌لری باغلندی و حاضرگچه تحریم‌لر اورته‌دن کیتمه‌گن. کیلگن یاردم‌لر هم آز مدت‌لی دیر گرچند اوشبو یاردم‌لر هم فایده‌لی، لیکن آز مدت‌لی بولگن اوچون ییترلی ایمس.»
عین حالده، مملکت یشاوچیلری ایش یوقلیگی و ییگولیک ماده‌لر بهاسی نینگ کوپه‌یگنیدن شکایت قیله‌دیلر.
مملکت یشاوچیلریدن فدامحمد نینگ سلام‌وطندار گه ایتیشیچه: «بو مملکت‌ده ایش و کار یوق. سگرت ساته‌من. ایرتنگ‌دم آخشم‌گچه ۱۵۰ افغانی قولگه کیلتیره‌من. بیر آیده ۵ مینگ اوی کرایه بیره‌من. حتی بو پول بیلن اوی خره‌جتی نی هم تولدیره آلمه‌یمن.»
بیزلرنینگ فیسبوک صحیفه‌میزگه باش اورینگ!
یشاوچیلردن باشقه بیری محمد کاظم نینگ سلام‌وطندار گه ایتیشیچه: «پول دخلی بوش دیر. ایشانینگ بو وضعیت بیلن قنده‌ی اوی گه باره‌ی و اوی گه قنده‌ی نان آلیب باره‌ی. وضعیت کوپ خراب بولگن، اوشبو کراچی آرقه‌لی قنده‌ی روزغار نی اوتکزه‌ی.»
شونینگدیک افغانستان نی قیته قوریش اوچون آمریکا نینگ عمومی تیکشیریش اداره‌سی یا-ده سیگار، ایچکی اوروش‌لر نتیجه‌سیده ایچکی آواره‌لر نینگ کوپه‌یشیدن خبر بیرگن.
سیگار نینگ آماری گه کوره، ایچکی آواره‌لر میلادی ۲۰۲۱-ییل‌ده ۶۷۰ مینگ ایکن که ۲۰۲۲-ییل‌ده بو رقم ۷۱۰ مینگ کیشی گه ییتیشگن.
