قندوزده‌گی سوداگرلردن قطاری اوشبو وضعیتدن خواطر بیلدیریب ایتیشلریچه، تجارتی ماللر یوزی ده شیرخان بندرگاهی یاپیلیشی بیلن قندوز، تخار، بغلان و بدخشان ولایت‌لریده تعمیراتی ماده و سمنت نرخی آشگن.
قندوزده‌گی سوداگر ضیاالحق ضیایی نینگ ایتیشیچه، حمل و ثور آیی‌لریده پروژ‌ه‌لر و بنالر نینگ قوریلیش ایشلری باشلنه‌دی و اهالی تعمیراتی ماده‌لر گه ضرورت تاپه‌دیلر، بندر یاپیلیشی باعث سوداگرلر و اهالی آغیر نقصان کوره‌دیلر.
بیزلرنینگ فیسبوک صحیفه‌میزگه باش اورینگ!
جناب ضیایی اسلامی امارت مسئوللری و تاجیکستان تامانیدن، بو قیینچیلیکنی تیزلیک بیلن حل قیلیش‌لرینی سوره‌یدی.
باشقه تاماندن قندوز ولایتی تجارت اتاق‌لری سوزلاوچیسی مسعود وحدت نینگ ایتیشیچه، ۸ کوندن بویان شیرخان بندری سوداگرلر یوزی گه یاپیق و بو تامانده تجارتی مال یوکلنگن قریب ۴۰۰ موتر توخته‌گن.
جناب وحدت نینگ ایتیشیچه، بو وضعیت دوام ایتگن تقدیرده، خصوصی سکتور اینیقسه سوداگرلر آغیر زیان کوره‌دیلر.
بیزلرنینگ توییترده هم تعقیب قیلینگ!
قندوز تجارت اتاق‌لرسوزلاوچیسی نینگ کوپه‌یتیریشیچه، سبزی و پمیدار (رومی) یوکلنگن موترلر گه رخصت بیریله‌دی بیراق سمنت کبی تعمیراتی ماده، یاغ و کود کمیاوی یوکلنگن موترلر گه رخصت بیریلمه‌یدی.
اسلامی امارت مسئوللری و تاجیکستان تامانی، حاضرگچه بو توغریده هیچ نرسه دیمه‌گنلر.