اوزبیکستان مملکتی نینگ سمرقند شهری بوگون‌دن باشلب، شانگهای همکارلیک تشکیلاتی گه اعضا مملکت‌لر رهبرلری ییغین‌نی میزبان‌لیک قیلماقده و بوگون و ییرته بو تشکیلات رهبرلری سمرقند ده ییغیلیب دنیا و منطقه مقیاسیده‌گی اونملی موضوع‌لر خصوصیده بحث قیلیش‌لری ممکن.
دیمک افغانستان ییل‌لردن بویان اوشبو تشکیلات‌گه قوشیلیش نی کوتیب تورگن و حاضرگچه کوزه‌تووچی اعضا اوله‌راق قتنشماقده ایدی، لیکن بو دور ییغیلیشیده افغانستان‌دن هیچ بیر هیئت چقیریلمه‌گن.
بیزلرنینگ توییترده هم تعقیب قیلینگ!
بو ییل شانگهای ییغینی شوندی بیرحالده یولگه قوییلماقده که، افغانستان اوتگن ییل‌ده‌گی ییریک اوزگریش‌دن کیین دنیا آلدیده مشروع بیر حکومتی یوق و بو بیر ییل ایچیده اسلامی امارت حاکمیتی ده بولگن افغانستان‌دن تروریزم خواطرلری تشقی مملکت‌لر تامانیدن تیلگه آلینگن.
سیاسی ایش بیلرمان‌لر گه کوره، رسمیت‌سیز حاکمیت و شونینگدیک سیاسی، اقتصادی و امنیتی قیینچیلیک‌لر باعث افغانستان شانگهای کبی ییغیلیش‌لردن چیت‌گه اوریلگن.
شانگهای همکارلیک تشکیلاتی منطقه‌ده سیاسی، اقتصادی و خوفسیزلیک همکارلیک‌لری بوییچه مهم تشکیلات تانیله‌دی.
افغانستان نینگ ترکمنستان دن باشقه برچه قوشنی مملکت‌لر اوشبو تشکیلات‌گه اعضا، لیکن افغانستان شو حاضرگچه بولیب کیلگن کوزه‌توووچی‌لیککه هم بوییل قول تاپه آلمه‌گن.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان هادی عدالت‌جو گه کوره، مشروع حاکمیت یوق‌لیگی همده ایچکی و تشقی قانقرلی سیاست‌سیزلیک افغانستان نینگ ملی منفعتی‌گه کوپلب زیان ییتیشتیرگن.
شانگهای همکارلیک‌لر تشکیلاتی رهبرلری ییغین نینگ حاشیه‌سیده اوزبیکستان و چین مملکت‌لری نینگ جمهور باشلیغی اوچره‌شیب، افغانستان‌ده تینچیلیک تامین ایتیلیشی همده اقتصادی کوچه‌ییش اوچون بولگن سعی و حرکت‌لر داومی‌گه تاکید قیلگن‌لر.
