شهرسازلیک وزیرلیگی مسئوللری، بوگون «دولت نینگ ملت گه حساب بیریش برنامه‌سیده» ایتیشلریچه، اوتگن بیر ییل‌ده اوشبو وزیرلیک آرقه‌لی ۲۷ شهری ریجه تیارلنگن.
بونگه قوشیمچه مملکت بویلب ۱۶۰ منطقه نی شهرچه همده بنالر قوریلیشی بوییچه توپوگرافی‌سی تیکشیریلیشی، توققیز ولایت‌ده ۱۸ آستقورمه نی ریجه‌سی یکونلنیشی، کمیده ۱۲۹ شهرچه نینگ ریجه‌سی توزه‌لیب تومنلر و ولایتلر گه یوباریلیشی و شهرلرده ریجه‌سیز قوریلگن منطقه‌لر توغریسیده ۲۱ یخشی قوریش ریجه‌سی تیارلنیشی، بو وزیرلیک نینگ اوتکن بیر ییل ایچیده گی مهم یوتوق‌لریدن دیر.
بیزلرنینگ فیسبوک صحیفه‌میزگه باش اورینگ!
شهرسازلیک وزیرلیگی معینی مدارعلی کریمی بامیانی نینگ ایتیشیچه: «ماسترپلان، ملی هرتامانلمه ریجه‌لر طرح‌لری، تفصیلی ریجه، منطقوی ریجه‌لر، اصلاحی ریجه‌لر طرح و تیارلنگن.»
باشقه بیر تامان‌دن، شهرسازلیک وزیرلیگی مسئوللری نینگ ایتیشلریچه، شهرسازلیک بولیمی‌ده اوشبو وزیرلیک آرقه‌لی قطری پروژه‌لر تطبیق ایشی باشلنیب و ۴۵ فایزگچه ایشی آلغه کیتگن.
شونینگدیک، مذکور وزیرلیک مسئوللری نیلی‌باغ پروژهلری نینگ باش ایش‌لری نینگ باشلنگنی و اونینگ ۱۰ فایز ایشی آلغه کیتگنی‌دن خبر بیرگن. اولر «کابل جدید» پروژه نینگ تطبیق ایشی باشلنیشی اوچون تیارگرلیک‌لری نی ایتگنلر.
بیزلرنینگ توییترده هم تعقیب قیلینگ!
شهرسازلیک وزیرلیگی سرپرستی حمد‌الله نعمانی نینگ ایتیشیچه: «بیزلر گه اینگ اونملی پروژه، اداری تاسیس‌لر پروژهلری دیر که، ایشی بوندن آلدین هندوستان آرقه‌لی باشلنگن و حاضر ایسه توخته‌گن دیر و ایشی نینگ قیته باشلنیشی اوچون هندوستان نینگ ایلچی‌سی و شارژدافری بیلن اوچره‌شیب و صحبت قیلگن‌میز؛ بیراق حاضرگچه ایجابی بیر جواب آلگنی‌میز یوق.»
شهرسازلیک وزیرلیگی مسئوللری نینگ اورغولشیچه، ۱۴۰۱-ییل‌ده بوتون شهر‌ده شهری اوزباشیمچه‌لیک توزه‌تیشلر نینگ آلدی آلینیش ایشی باشلنیب و اوشبو پروسه نینگ حاضرگچه دوامی بار.
