هر ییل تعلیمی ییل باشله‌نیشی بیلن حکومت ییریک مقام‌لری معارف برابریده بولگن قیین‌چیلیکلرنی حل قیلیش‌لریدن ایشانچ بیره‌دیلر؛ بیراق مملکت بوتون ولایت‌لریده اوقووچی‌لر درس‌لیک صنف، کتاب و اوقیتووچی کم‌لیگی‌دن تنقید قیلیب کیلگن‌لر. پکتیا، خوست و پکتیکا ولایت‌لری بوییچه معارف ریاستی مسوول‌لری نینگ ایتیش‌لریچه، مذکور ولایت‌لرنینگ مکتب‌لرینی جاری ییلده ۷ مینگ اوقیتووچی‌گه نیازی بار.
پکتیا ولایتی بوییچه معارف ریاستی باشلیغی کوچی زازی نینگ ایتیشیچه، اوشبو ولایتده مکتب بناسی و کتاب کم‌لیگی چیککه‌سیده ۳ مینگ اوقیتووچی هم دیر. پکتیا معارف ریاستی باشلیغی نینگ ایتیشیچه: « پکتیا ده ۴ مینگ و ۲۴۵ رسمی اوقیتووچی موجود، باشقه ۳ مینگ اوقیتووچی‌گه نیازی‌میز بار و استخدام ایتیلیشی کیره‌ک.»
شونینگدیک، خوست ولایتی بوییچه معارف ریاستی باشلیغی نصیر روشان نینگ ایتیشیچه، جاری ییلده اوشبو ولایتده ۲ مینگ و ۵۰۰ اوقیتووچی‌گه نیاز بار. اونینگ ایتیشیچه، اوقیتووچی‌لرنینگ کم‌لیگی تعلیم جریانی اوستیگه سلبی تاثیر قویگن و اوشبو قیین‌چیلیک حل بولمه‌گن صورتده، خوست ده تعلیمات جریانی‌گه قرشی قیین‌چیلیکلرنی کوپه‌یشی ممکن.
پکتیکا ولایتی بوییچه معارف ریاستی باشلیغی محراب‌الدین شفق نینگ اوقیتووچی‌لر کم‌لیگی خصوصیده ایتیشیچه، اوشبو ولایتده ۳ مینگ و ۷۰۰ رسمی اوقیتووچی فعالیت قیله‌دی و باشقه ۱ مینگ و ۵۰۰ اوقیتووچی کم دیر. اونینگ ایتیشیچه، اوشبو ولایت بیرقطار تومن‌لریده مکتب یوق دیر.
عین‌حالده، مذکور ولایت‌لرنینگ ولایتی کینگش اعضالرینی ایتیش‌لریچه، اوشبو ولایت‌لرده اوقیتووچی کم‌لیگی گه دقت بولمه‌گن صورتده، ۲۰۰ مینگ دن آرتیق اوقووچی‌نی تعلیم دن محروم قالیش‌لری ممکن.
خوست ولایتی کینگش عضوی نورشاه درانی نینگ ایتیشیچه، جاری ییلده ۱۰۰ مینگ اوقووچی تعلیم کوریشدن محروم قالگن و اوشبو قیین‌چیلیک‌نی مرکزی حکومت تامانیدن حل ایتیلیشی کیره‌ک.
شونینگدیک، پکتیکا ولایتی کینگش باشلیغی بختیارگل همت نینگ ایتیشیچه، ۱ مینگ و ۵۰۰ اوقیتووچی اوشبو ولایت‌گه یوباریلمه‌گن صورتده، تعلیمات جریانی برهم اوریله‌دی.
عین‌حالده، معارف وزیرلیگی سوزلاوچیسی نجیبه آرین نینگ اوشبو قیین‌چیلیکلرنی تصدیق‌لب ایتیشیچه، تیزلیک بیلن اوقیتووچی‌سی کم بولگن مکتب‌لرگه رسمی و قراردادی اوقیتووچی یوباریله‌دی.
ایتیلیشیچه، مملکت جمهور رییسی محمداشرف غنی، نیچه پیت آلدین مملکت ۳۴ ولایتیده ۱۱ مینگ اوقیتووچی‌لیک ینگی بست نی منظور قیلگن.