اوتگن کون سرپل ولایتی نینگ سانچارک تومنیده جایلشگن «تغایخواجه» تومنیده بیر احتفال آرقه‌لی، اوشبو منطقه مکتبی لیسه گه ارتقا بیریلدی.
بو قرار ایسه، سرپل شهری دن بیرآز اوزاق‌ده جایلشگن تغایخواجه یشاوچیلری تامانیدن خوش قرشی‌لنیب اولر معارف بولیمیده کوپراق توجه قره‌تیلیشی نی سوره‌یدیلر.
منطقه یشاوچیسی بولمیش عبدالصمد سراجی گه کوره، حاضرگه قدر بو منطقه بویلب معارف بولیمیده هیچ قندی توجه قره‌تیلمه گن.
بیزلرنینگ فیسبوک صحیفه‌میزگه باش اورینگ!
عبدالصمد سراجی بو خصوصده سلام‌وطندارگه ایتیشیچه: «بیز یعنی کتته تغای خواجه مکتب لری اوچون حاضرگه قدر هیچ قندی توجه قره‌تیلمه‌گن، هلیگچه بیزنینگ مکتبیمیزده توزیک اوقیتووچی بیرگن یوق و شونینگ‌دیک مکتبی‌میز، کتاب کبی امکانیت‌لر کمچیلیک‌لری بیلن یوز مه یوز دیر.»
عینی حالده؛ سرپل ولایتی محلی مسووللری بو ولایت بویلب معارف بولیمیده جدی توجه قره‌تیش‌لریدن ایشانچ بیلدیره‌دی.
سرپل ولایتی مدنیت و اخبارات باشلیغی مفتی عمیر سرپلی نینگ سلام‌وطندارگه ایتیشیچه: «اوتگن کون سانچارک نینگ تغایخواجه منطقه‌سیده شمس مکتبی، لیسه‌گه ارتقا قیلدی، شونینگ‌دیک باشقه منطقه‌لرده هم مکتب‌لرنی یوکسلیشی اوچون تلاش‌لر دوام ایتماقده.»
بیزلرنینگ توییترده هم تعقیب قیلینگ!
سانچارک سرپل نینگ بویوک تومن‌لریدن سنله‌دی، بیراق سانچارک یشاوچیلری مذکور منطقه ترقیاتی اوچون اونچه‌لیک دقت قیلینمه‌گنیدن شکایت قیله‌دیلر.