سمنگان محلی مسئوللری، سهشنبه کونی، ۲۳ جوزا، اوشبو ولایت نینگ درهی صوف بالا تومنی تاش کومیر کانی ده گاز ترقهلیشی باعث ایکی کانچی هلاک بولیب و باشقه ۳۵ کیشی زهرلنگنیدن خبر بیرگنلر.
بیزلرنینگ فیسبوک صحیفهمیزگه باش اورینگ!
سمنگان ولایتی درهی صوف بالا تومنی اولسوالی محمدنسیم خیبرشکن نینگ ایتیشیچه، مذکور تومن ده تاش کومیر کانی ده گاز ترقهلیشی عاقبتیده ایکی کانچی هلاک بولیب و باشقه ۳۵ کیشی زهرلنگن.
اوتگن کونی شام چاغی درهی صوف بالا تومنی «مرک دهانه تور» کانی دهلیزلریدن بیری ده، کاربن مونوکساید ترقهلیشیدن کیین واقعه یوز بیرگن.
سمنگان ولایتی ساغلیقنی سقلش باشلیغی محبالله بهاری گه کوره، گاز طفیلی زهرلنگنلر مذکور تومن نینگ ساغلیک مرکزلریدن بیری گه انتقال بیریلگن و ساغلیک احواللری حاضر یخشی دیر.
بیزلرنینگ توییترده هم تعقیب قیلینگ!
ایتیش کیرهک که، مملکت نینگ قطار ولایتلری اینیقسه سمنگان ده تاش کومیر کانی ناقانونی قازیب چیقریلیشی باعث، انده_سنده کانچیلردن قربانلیک آلهدی.