سلاموطندارنینگ ۲۰ نفر یاش (۱۲ قیز و ۸ اوغیل) بیلن اۉتکزگن صحبت نتیجهلری شونی کورستهدی کی، اوشبو یاشلر تیری و گوزهللیک معمالرینی دوالش اوچون تجارت محصولاتلریدن فایدهلنگن، بیراق ۱۵ نفری عکس تأثیریگه دوچ کیلگن. سۉنگی ییللرده ایشسیزلیکنینگ آشیشی و فیسبوک، اینستاگرام و تلگرام کبی اجتماعی ترماقلر کېنگهیشی بیلن گوزهللیک محصولاتلرینی ساتیش سیزیلرلی درجهده آشگن. اوشبو محصولاتلر – آقرتوچی کریم، اکنی (جوش) گه قرشی واسطهلر، قریش گه قرشی کریملر و سیمریش یا کی آزیش دارولری کبی – کوپینچه نرسهلر شفاکارلرنینگ نظارتسیزلیگیده ساتیلماقده؛ بو حالت شفاکارلر تامانیدن خوفلی عاقبتلر گه آلیب کیلیشی ممکنلیگی سببلی تقیقلنگن و توصیه ایتیلمهیدی.
اوشبو حسابات نتیجهلری شونی کورستهدی کی، صحبت قیلگنلرنینگ جمعی ۱۲ نفری بو محصولاتلردن اۉز اختیاری بیلن فایدهلنگنیدن سۉنگ تیری معمالری و ساچ گه ضرر یېتکزیش حالتلریگه دوچ کیلگن، ېنه بیر نفری اېسه هورمونی بوزیلیشلر گه اوچرهگن. پروانلیک ۲۰ یاشر دیانا احمد گه کوره، آلتی آی دوامیده تیریده داغ کسللیگیگه چلینگن و اونی دوالش اوچون آنلاین محصولاتلردن فایدهلنگن؛ بیراق اونینگ ایتیشیچه، بو محصولاتلر نهفقط فایده بیرمهگن، بلکه معماسینی ېنهده کوچهیتیرگن.
او شوندهی دیېدی: «فیسبوکده ریکلمه کوردیم، اولر دوالهیمیز، دارونگیزنی آنلاین یوبارهمیز دیېشدی. مین ایکیته کریم آلدیم، اولردن فایدهلنیشیمنی مصلحت بیریشدی، یخشی بولهسیز دیېشدی؛ بیراق عکسینچه بولدی – هېچ قندهی فایدهسی بولمهدی، تیریمدهگی داغلر اېسه بیر نیچه برابر کوپهیدی.»
کابللیک ۲۰ یاشر زینب عمران علی، یوزیدهگی اکنی (جوش) سبب آنلاین محصولاتلردن فایدهلنگنینی اېتهدی و اولرنینگ ایشلهتیلیشی اونینگ یوزیدهگی یاغ مقدارینی بیر نیچه برابر آشیرگنینی بیلدیرهدی.
اونینگ کوپهیتیریشیچه: «ایکی آی بولدی یوزیمده یاغ چیقیشی کوچهیب کیتدی. فیسبوکده ریکلمه کوردیم، اولر دوالهیمیز، دارونی آنلاین یوبارهمیز دیېشدی. مین کریم آلدیم، اولردن فایدهلنیشیمنی مصلحت بیریشدی، یخشی بولهسیز دیېشدی؛ لېکن عکسینچه بولدی – هېچ قندهی فایدهسی بولمهدی، یوزیمدهگی یاغ مقدار بیر نیچه برابر آشدی، تیریم قوروق و پوستلی بولیب، جوده یامانلشدی.»
پروانلیک ۲۲ یاشر هدیه زاهد، یوزیدهگی جوش سبب ایکی ییلدن بیری دوستینینگ مصلحتی گه بناً آنلاین مصلحتلردن فایدهلنیب کیلگنینی و شو سببلی تیریسیده کوچلی سیزگیرلیک تاپیلگنینی ایتهدی. او شوندهی دیېدی: «بیر دوستیم دیېدی، آنلاین دارو آل و سینینگ اوچون یاغ گه قرشی کریم بیرهدی، آقرتووچی هم بار، یاغلرنی یوق قیلهدی، مین بیر کریمنی ۳۰۰ افغانی گه آلدیم، واتساپ آرقهلی بویورتمه بیردیم، ایشیک آلدیمگه یېتکزیب بیریشدی. کریمنی ایشلتگنیمده اېسه هېچ قندهی فایدهسی بولمهدی، تیریم سیزگیرلندی و یوزیمدهگی یاغ مقداری ایکی برابر آشدی.»
یاشلرنینگ ناراضیلیگی فقط تیری معمالری بیلن چېکلنمهیدی. پروانلیک ۲۵ یاشر حلیمه بشری، وزنی یېترلی بولمهگنی سبب سیمریتووچی محصولاتدن فایدهلنگنینی و بو محصولات اونینگ اورگانیزیمیده هورمونی اوزگریشلر و ساغلیق معمالریگه آلیب کیلگنینی ایتهدی. اونگه کوره: «بیر ییلدن بیری آنلاین محصولاتلردن فایدهلنهیپمن، سیمریتووچی کاکاو آلدیم، بیراق او سلبی تأثیرلر بیردی؛ هورمونلریمده اوزگریشلر آلیب کیلدی. آنلاین محصولاتلرنینگ نرخیدن راضی اېمس من، نرخلری جوده یوقاری.»
قیزلرنینگ آنلاین تیری دوالشیده ناراضیلیگی بیلن بیر وقتده، بیر قطار اوغیللر هم آنلاین محصولاتلر طفیلی ساچ توکیلیشی و ضرر کورگنلیکلری حقیده شکایت قیلماقده. پنجشیر یشاوچیسی ۲۵ یاشر عبدالباسط امیری، آنلاین ساچ توکیلیشی گه قرشی محصولاتلر اونینگ ساچلرینی آرتیقچه توکیب یوبارگنینی و معماسینی بیر نیچه برابر کوچهیتیرگنینی ایتهدی.
اونینگ کوپهیتیریشیچه: «مین کوپلب دارولرنی آنلاین خرید قیلیب استعمال قیلدیم، لېکن اولردن هېچ قندهی ایجابی نتیجه کورمهدیم. نهفقط دوالنمهدیم بلکی معمالریمیز افسوس کی کوچهیدی. صفتلی بولمهگن و مدتی اوتگن دارولرنی اوییمیز آرقهسیگه آلیب کیلیشیب ساتیشردی، اولر بیزنینگ کسللیگیمیز گه ماس کیلمس اېدی.»
کابللیک ۲۲ یاشر محمد حکیم حکیمی، یوزیدهگی اکینه و ساچ توکیلیشینی دوالش اوچون آنلاین محصولاتلردن فایدهلنگنینی اېتهدی و او نهفقط محصولاتنینگ صفتیدن، بلکی نرخیدن هم ناراضیلیک بیلدیرهدی. او شوندهی دیېدی: «مین بو محصولاتلرنی آنلاین خرید قیلدیم. معمالریم حل بولسین دیب، لېکن بولمهدی عکسینچه کوچهیدی؛ تنهمده سیزگیرلیک تاپیلدی، داغلر و قیزیل داغلر چیقدی، ساچیم کوپراق توکیلدی و باس تیریمده قوروقلیک تاپیلدی. کوز آستیدهگی قرانغولیک آشدی؛ بولرنینگ برچهسی آنلاین کمپنیهلرنینگ صفتلی بولمهگن محصولاتلری طفیلی. جوده کوپ خرهجت بولدی – نهفقط پولیم کیتدی، بلکی وقتیم و تیریم هم دوالنمهدی.»
اوشبو یاشلر آرهسیده بیش نفری آنلاین محصولاتلرنی صفت و نرخ جهتیدن معقول دیب بیلهدی، شونینگدیک اولر وقتنی تیجش (صرفهجویی)گه هم یاردم بیریشینی ایتهدی. کابللیک عرفان احمدی و پروان یشاوچیسی ۲۳ یاشر فیروزه عینی، یېترلیچه وقتی بولمهگنی، نرخی معقول و صفتی یخشی اېکنلیگی سببلی آنلاین محصولاتلردن فایدهلنگنلیکلرینی بیلدیرهدی.
عرفاننینگ ایتیشیچه: «اۉزیم خرید قیلگن دارولر – اکینه قرشی کریم، ساچنی مستحکملاوچی سرم و ساچ توکیلیشی گه قرشی شامپونی آنلاین صحیفهلردن آلدیم. آنلاین خرید قیلیشنی افضل کورهمن، چونکی بعضاً داروخانه گه باریشگه وقتیمیز یوق. آنلاین محصولاتلر یخشیراق، نرخی هم یخشی.»
فیروزه هم شوندهی دیېدی: «اساساً عطر محصولاتلرینی خرید قیلدیک، صفتی یخشی اېدی، ایشلهتدیک و بو مین اوچون مهم اېدی. آنلاین خرید دن دایما ممنون من، چونکی بعضاً آدمده وقت یېتیشمهیدی و خرید قیلیش امکانیتی بولمهیدی. آنلاین صحیفهلردن خرید قیلگنیمده اېسه، یخشی تامانی شوکی، محصولات اۉز وقتیده یېتکزیب بیریلهدی.»
آنلاین محصولات ساتووچیلریگه کوره، اولر بیپول ساغلیق بوییچه مصلحتلر بیریشهدی، صفتلی و کفالتلی دارولرنی مجازلر گه یېتکزیب بیریشهدی همده مجازلر تولیق ساغهیگونچه مصلحتلشوو جریانینی دوام ایتیرهدیلر.
آنلاین محصولاتلر بوییچه ساغلیق مصلحتچیسی و ساتوو بوییچه متخصص سمیعالدین عزیزی، آلتی آیدن بیری آنلاین ساتوو فعالیتی بیلن شغللنیشینی و مجازلری مصلحتلردن تولیق ممنون اېکنلیگینی اېتهدی.
او شوندهی دیېدی: «مجازلر طبیعی مصلحتلر، مثلاً گوریچ سبوسی، قاره سریمساق (سیر) و عسل محصولاتلردن کتته ممنونلیک بیلدیریشدی؛ چونکی ساغلیغیده سېزیلرلی تأثیرلرنی حس قیلگنلیکلری سببلی هېچ قندهی شکایت یوق. فقط بعضیلر نتیجهنی تیزراق کوریشنی کوتیشهدی، بیز اولر گه توشونتیرهمیز کی صبر-طاقت و منتظملیک اوشبو محصولاتلرنینگ ساغلیککه تأثیر کورسهتیشی اوچون ضرور شرط دیر.»
گوزهللیک و تیری محصولاتلری بوییچه آنلاین ساتووچی لیلا عزیزی، محصولاتلرینی ایراندن آلیب کیلیشینی و مجازلری اولردن ممنون اېکنلیگینی ایتهدی. اونگه کوره: «محصولاتلریمیز ایراندن افغانستانگه آلیب کیلینهدی؛ مجازلریمیز نهفقط شخصاً بلکی آنلاین هم خرید قیلهدیلر؛ آنلاین مراجعتلر اساساً واتساپ آرقهلی بولهدی. حاضرگچه مجازلریمیز هېچ بیر محصولاتدن شکایت قیلمهگن، عکسینچه آلگن برچه محصولاتلریدن جوده ممنون.»
تیری و گوزهللیک کسللیکلری بوییچه متخصص شفاکار محمداسلم فواد، تیری کسللیکلری متخصصلیک ساحهسیگه کیریشینی و اولرنی فقط ملَکهلی شفاکارلر تامانیدن تشخیص قیلینیب دوالنیشی کېرهکلیگینی ایتهدی. اوشبو شفاکارنینگ تأکیدلشیچه، تجارت محصولاتلرینی اۉز اختیاری بیلن ایشلهتیش یا کی ساتیش تیری و گوزهللیک معمالرینی دوالشده طبیات تمایللری نقطهی نظریدن رخصت ایتیلمهگن بولیب، آدملر ساغلیغی گه خوفلی عاقبتلر کېلتیریشی ممکن.
او شوندهی دیېدی: «بو تأثیرلر تیرینینگ قیزهریشی، یوپقهلنیشی، داغلر تاپیلیشی، اکینه (جوش) یوزهگه کیلیشی و عادتی بولمهگن جایلرده مثلاً یوز، پیشانه و تنهنینگ باشقه قسملریده ساچ اوسیشیگه آلیب کیلیشی ممکن. اوشبو دارولرنینگ تأثیرلری دارونینگ توریگه، شونینگدیک اونی قنچه مدت و قیسی حدود گه قوللنگنیگه باغلیق.»
تیری بوییچه شفاکار رنا کمال، تیری کسللیکلری و ساچ توکیلیشی سیزگیر کسللیکلر قطاریگه کیریشینی و بیمارلر اولرنی اۉز اختیاری بیلن دوالهمسلیگی کېرهکلیگینی ایتهدی. اونینگ ایتیشیچه: «تیری و ساچ مسئلهسی گوزهللیک ساحهسیده جوده سیزگیر حسابلنهدی؛ بو موضوعنی یېنگیل قبول قیلمسلیک و اۉز اختیاری بیلن دوالهمسلیک کېرهک. کسل شفاکار بیلن مصلحتلشیشی ضرور. یقیندن کوریلمهی، تشخیص قوییلمهی دوالش عملگه آشمهیدی. ریکلمه یا کی ویدیو اساسیده دوالشنی باشلش بیلن بو مسئلهنی یېنگیل قبول قیلمسلیک لازم.»
صحبتداش یاشلر آنلاین محصولاتلر و دارولرنینگ صفت و نرخیدن شکایت قیلهیاتگن بولسهده، اسلام امیرلیگی ساغلیقنی سقلش وزیرلیگی مسئوللریگه کوره، مملکت باجخانهلریدهگی برچه وارد قیلینهدیگن توارلرنینگ صفتی تېکشیریلهدی. ساغلیقنی سقلش وزیرلیگی سۉزلاوچیسی شرافتزمان امرخیل، سلاموطندار بیلن صحبتده تیری و گوزهللیک معمالرینی دوالش اوچون تجارت محصولاتلریگه بیریلگن رخصت درجهسی حقیده معلومات بیرمهیدی.
اونینگ ایتیشیچه: «باجخانهلرده لابراتوارلر فعالیت یوریتماقده، برچه وارد قیلینهدیگن محصولاتلر – آزیق-آوقت بولهدیمی یا کی گوزهللیک واسطهلریمی –نظارتدن اۉتکزیلهدی. سۉنگی پیتلرده لابراتوارلرنی ېنهده جهازلش اوچون قریب ۳۹۶ میلیون فغانی بودجه اجرهتیلدی. بو بارهده ایشلر دوام اېتماقده انشاءالله یخشی نتیجه بیرهدی.
سۉنگی بیر نیچه ییلده ایشسیزلیک سبب، ایریم یاشلر تورلی ساحهلرده آنلاین ایشگه کیریشگن؛ بیراق شفاکارلر گه کوره، اوشبو محصولاتلرنی شفاکار مصلحتسیز ساتیش ساغلیق بیلن باغلیق کوپلب معمالرنی کیلتیریب چیقریشی ممکن.
