کمپیوترلر گه آدملر کبی فکر یوریتیش، قرار قبول قیلیش و حتا انسان حرکتلرینی تقلید قیلیش امکانینی بیرووچی واسطه یعنی مصنوعی هوش‌دن قوللـه‌نیش، حاضرگی کونده یاشلر گه کېله‌جک‌لرینی توزیش، خلاقیت و مهارت‌لرینی ایشکه توشیریش امکانیتینی یره‌تیب بیرگن.
سلام‌وطندار، افغانستان یاشلری‌نینگ مصنوعی هوش بیلن تانیش درجه‌سینی آیدینلشتیریش اوچون، مملکت ۳۴ ولایتیده اوقیمیشلی ۳۹۵ یاش بیلن سوراو اۉتگزگن. سوراو گه قتنشگن ۷۳.۶ فایز یاشلر مصنوعی هوش و اوندن قنده‌ی قوللـه‌نیش حقیده تانیش بولگنلرینی اېتگنلر و ۲۶.۴ فایزی، مصنوعی هوش بیلن هېچ تانیش بولمه‌گنلرینی معلوم قیلگنلر.
اوشبو سوراو گه قتنشگنلرنینگ ۷۵.۴ فایزینی ایرکک‌لر و ۲۴.۶ فایزینی عیاللر تشکیل بیرگن. مصنوعی هوش بیلن تانیش بولگن یاشلر، بو واسطه‌دن کوپراق اوقیش، کونده‌لیک ایشلرینی بجریش و اویین-کولگو اوچون فایده‌لنیش‌لرینی اېتگنلر. سوراو گه قتنشگنلرنینگ ۴۱.۴ فایزی، تحصیل و ظرفیت‌لرینی آشیریش، ۳۴.۵ فایزی تحصیل، ایش و اویین-کولگو، ۱۵.۶ فایزی ایش ساحه‌لریده مصنوعی هوش‌دن فایده‌لنیش‌لرینی معلوم قیلگنلر؛ عین‌حالده، ۸.۵ فایزی مصنوعی هوش‌دن یالغیز دم‌آلیش و اویین-کولگو اوچون قوللـه‌نیشلرینی اېتگنلر.
کابل‌لیک ۲۳ یاشر رامین نیازی، مصنوعی هوش‌ده تحصیل اوچون قوللنه‌دی ایتیشیچه، مصنوعی هوش بیلیم یورت‌ده مونوگراف یازیش‌ده بیر استاد کبی اونگه یاردم بیرگن. اونینگ کوپه‌یتیریشیچه: «مایکروس آف بینگ، آهیرستارد آی و سماری کبی واسطه‌لردن مصنوعی هوش‌دن فایده‌لندیم، اوزون مقاله‌لر داکومنت‌لرینی بیز گه خلاصه‌سازلیک قیلردی، شخصی حیاتیم‌ده هم مصنوعی هوش کوپ فایده‌لی و تأثیرچن بولگن.»
افغانستانده ایش‌سیزلر سانی کوپ بولیب و ایش تاپیش یاشلرنینگ اساسی معمالریدن بولسه‌ده، مصنوعی هوش ییچیم یول صفتیده تاپیلگن.
اوشبو سوراو گه قتنشگن ۱۵ فایز یاشلر، مصنوعی هوش ینگی ایش امکانیت‌لرینی یره‌تیش و ایش جریانلرینی قولی‌لشتیریش بیلن، اولر گه اقتصادی فایده کېلتیریشی گه ایشانه‌دیلر.
بیزلرنینگ فیسبوک صحیفه‌میزگه باش اورینگ!
کابل یشاوچیسی ۲۶ یاشر حلیمه معروفی، گرافیک بولیمیده ایشله‌یدی و ایشی یخشی‌لنیشی اوچون مصنوعی هوش‌دن قوللنه‌دی و مصنوعی هوش ایشینی یخشی آلغه آلیب باریش اوچون یخشی یاردمچی دیېدی. «مینده یالغیز عمومی فکرلر بار، مصنوعی هوش گه تشله‌گن حالده دستلبکی ریجه‌لرینی تیارلش گه یاردم بیره‌دی و کېین اېسه اولر اوستیگه ایشله‌ی من.»
باشقه تاماندن، دم‌آلیش و اویین-کولگو ریجه‌لر مصنوعی هوش‌نینگ باشقه افضل‌لیک‌لریدن دیر که کوپینچه یاشلرنی اۉزیگه جذب قیلگن.
کابل‌لیک ۲۲ یاشر عمر ایزدیارنینگ ایتیشیچه: «گیم اوینش گه قیزیقه‌من و مصنوعی هوش بیلن توزه‌لگن اویینلر، جوده هم هیجانلی دیر؛ گرچند اوندن فایده‌لنیش بیر آز مرکب دیر بیراق بیر-ایکّی واسطه‌سیدن قوللنه‌من؛ فلم کوریشنی اېسته‌گنیمده، نتفلکس مصنوعی هوش یاردمی بیلن علاقه‌م گه تېنگ فلم‌لرنی تکلیف قیله‌دی.»
بیزلرنینگ «ایکس» ترماغی ده هم تعقیب قیلینگ!
باشقه تاماندن، تکنالوژی ایش بیلرمانلری یاشلرنینگ مصنوعی هوش‌دن یخشی طرزده فایده‌لنه آلمسلیگیدن تشویش بیلدیرماقده اېکن، کوپینچه یاشلر مصنوعی هوش‌دن قوللـه‌نیش گه قیزیقیش‌لرینی اېته‌دیلر.
تکنالوژی ایش بیلرمانی موسا محمد و قریب آرین، تکنالوژی گه باغلیق بولیش، خصوصی حریم گه کېریش و آدملر اوچون ایش بسترلری کمه‌یشینی، مصنوعی هوش‌دن قوللـه‌نیش خصوصیده‌گی خواطرلردن عنوان قیله‌دیلر.
موسا محمدی‌نینگ کوپه‌یتیریشیچه: «اېنگ کتّه خواطر مصنوعی هوش‌دن قنده‌ی قوللـه‌نیش دیر خصوصی حریم‌نینگ یوق بولیش خوفی بار؛ مصنوعی هوش‌دن یخشی طرزده قوللـه‌نیلمسه یاشلر آنلاین زوره‌وانلیک و سایبری هجوملر بیلن روپه‌ره بولیش‌لری ممکن.»
تکنالوژی ایش بیلرمانلریدن باشقه بیری قریب آرین گه کوره: «مصنوعی هوش ایریم قیینچیلیک و تهدیدلر بیلن بیرگه بولیشی ممکن؛ یاشلر ممکن اونینگ خوف-خطرلری حقیده آگاهی‌لیگی بولمسدن، اۉز معلومات‌لرینی مصنوعی هوش واسطه‌لری اختیاری گه قرار بیرسه‌لر؛ مصنوعی هوش‌دن یخشی قوللنمسلیک اجتماعی همکارلیک کمه‌یشی و حد دن آشه تکنالوژی گه باغلیق بولیش گه سبب بولیشی ممکن.»
اجتماعی ایش بیلرمانلرنینگ ایتیشلریچه، مصنوعی هوش‌دن فایده‌لنیش یاشلرنینگ تیریکچیلیگی و اجتماعی مناسبتی اسلوبی گه چقور تأثیر قوییب و اوندن یخشی فایده‌لنمسلیک، یاشلرنینگ تنبل‌لیکّه دوچ قیلیشی ممکن.
جمعیت‌شناس راشد صدیقی گه کوره: «افغانستانده هلیگچه کوپینچه کیشیلر بو واسطه‌دن اونچه‌لیک قوللنمه‌یدی؛ بیراق فایده‌لنووچیلر افسوس بیلن اوقیش و بیلیم قیدیریش آرتیدن باریشمه‌یدی؛ همه نرسه‌نی مصنوعی هوش‌دن تیارلب آلیشه‌دی و تیریکچیلیک اسلوبی گه تأثیر قیله‌دی.»
مسئله‌لر ایش بیلرمانی قیس محمدی، مصنوعی هوش انسانلرنینگ تیریکچیلیگی‌ده کېریشی، اقتصاد ساحه‌سیده کتّه اۉزگریش دیر، بشر، اقتصادی ترقیات و ایش بولیملریده امکانیت یره‌تیشی ممکن دیېدی. «افغانستان مصنوعی هوش بیلن تیزلیک‌ده تانیش بولیشی ممکن؛ مصنوعی هوش‌دن برچه دولتی و ایشلب چیقریش بولیملریده قوللـه‌نیب و مکتب‌لر، بیلیم یورت‌لر و باشقه عالی درگاه‌لرده که بو ساحه‌ده ییترلیچه ایش امکانیتی بار قوللـه‌نیش ممکن.»
برچه‌سی بیلن، مخابرات و تکنالوژی معلوماتی وزیرلیگی مسئوللری، کابل و باشقه ولایت‌لرده مصنوعی هوش کبی ینگی تکنالوژی واسطه‌لردن قنده‌ی قوللـه‌نیش حقیده آگاهی‌لیک بیریش برنامه‌لر اۉتکزیلیشیدن خبر بیره‌دیلر.
اوشبو وزیرلیک سۉزلاوچیسی عنایت‌الله الکوزی گه کوره: «ظرفیت‌نی آشیریش و تکنالوژی ترقیاتی حقیده آگاهی‌لیک بیریش اوچون مملکت مقیاسیده اوشبو وزیرلیک‌نینگ ریاست‌لریده تعلیمی مرکزلر فعالیت قیلماقده، طلبه‌لر، مصنوعی هوش همده تکنالوژی واسطه‌لری گه قیزیقه‌دیگنلر گه آگاهی‌لیک بیریله‌دی.»
منصوعی هوش، تکنالوژی‌نینگ رواجلنگن واسطه‌لریدن بولیب و بیلیمدانلر تورلی ساحه‌لرده اینیقسه ساغلیق بولیمیده بو واسطه‌دن قوللنماقده‌لر.
