سلام‌وطندار نینگ، سابق مسئوللر و حاضرگی تینچ اوی‌لر یا که عیاللر نینگ قوللب_قوتلاوچی مرکزلر مسئوللری بیلن اوتکزگن صحبت‌لری نتیجه‌سیدن آلینگن خلاصه‌لر گه کوره، سابق حکومت زمانیده تشکیل ایتیلگن ۲۷ تینچ اوی دن حاضر یالغیز بیر تینچ اوی فعال بولیب و قالگنی یاپیلگن.
عیاللرنی قوللب_قوتلاوچی سابق نهادلر مسئوللری و عیال حقوقی فعاللری نینگ ایتیشلریچه، زوروانلیک طفیلی تینچ اوی‌لر گه باش پناه ایزلب بارگن عیاللر نینگ سانی و تقدیری دن هیچ خبرلری یوق.
اولر نینگ معلوماتی اساسیده، مذکور عیاللردن قطاری قیته دن اوی‌لری گه قیتیب و باشقه بیرقطاری زوروانلیک‌لر باعث هلاک بولگنلر.
اولر نینگ ایتیشلریچه، یالغیز نیچه عیال فعال عیاللر حمایتی مرکزی گه قوشیلیب و قالگن کوپ سانده عیاللر نینگ تقدیری دن هیچ خبرلری یوق.
افغان عیاللرینی کوچلنتیریش ترقیاتی مرکز (WSTC) مملکت ده قوریلگن بیرینچی تینچ اوی بولیب و حاضرگه قدر فعالیت قیلماقده.
میلادی ۲۰۰۳_ییل ده اوشبو مرکزنی قورگن ماری اکرمی و مذکور مرکز نینگ حاضرگی مسئولی محبوبه سراج نینگ ایتیشلریچه، جمهوریت توزومی ده مملکت ده ۲۷ تینچ اوی فعال ایدی، بیراق حاضر یالغیز بیر مرکز (افغان عیاللرینی کوچلنتیریش ترقیاتی مرکز) فعال دیر.
بیزلرنینگ فیسبوک صحیفه‌میزگه باش اورینگ!
سابق نظام ده افغان عیاللری ترماغی نینگ اجرائیه باشلیغی و مذکور مرکز اساسچیسی ماری اکرمی گه کوره، جمهوریت توزومی قولشی بیلن عیاللرنی قوللب_قوتلاوچی مرکزلر یا که تینچ اوی‌لر مسئوللری و اوشبو مرکزلرده بولگن عیاللر نینگ برچه‌سی، سرپرست حکومت دن قورقیب قاچیب کیتگنلر.
اونگه کوره، زوروانلیک دن زیان کورگن عیاللرنی حمایت قیلووچی افغان عیاللرینی کوچلنتیریش ترقیاتی مرکز فعال دیر.
او نینگ ایتیشیچه: «دستلب برچه شیلترلر یاپیلدی حتا آچیق قوییلدی، بار کیشی چیقدی چونکه برچه قاچیب کیتدی، یالغیز WSTC دفتری قالگن. اساسی گپ بو که، خانم محبوبه سراج قاچمه‌دی.»
عیال حقوقی فعاللریدن بولمیش محبوبه سراج، حاضرگی کونده کابل ده افغان عیاللرینی کوچلنتیریش ترقیاتی مرکزنی باشقریب کیلماقده ایتیشیچه، اوشبو مرکز ده ۵۹ عیال حمایت بولیب و مذکور عیاللر امنیتی حوزه‌لر و یاپیلگن تینچ اوی‌لردن او ییرده مراجعت قیلیشگن.
اونگه کوره، سرپرست حکومت مذکور تینچ اوی دن حمایت قیلیب و اولر نینگ ایشی قیینچیلیک بیلن روپه‌ره بولمه‌گن.
خانم سراج نینگ ایتیشیچه: «عیاللر سابق خاتین قیزلر وزیرلیگی و انسان حقلری کمیسیونی آرقه‌لی اوزلری درخواست بیرر ایدیلر، بیراق حاضر حوزه‌لر تامانیدن بیز گه معرفی بولیشه‌دی. سابق کبی عیاللرنی قوللب_قوتله‌یپمیز. حاضر تینچ اوی ده ۵۹ عیال بار.»
شو بیلن بیرگه، سرپرست حکومت سوزلاوچیسی ذبیح‌الله مجاهد، محبوبه سراج نینگ سوزلرینی رد قیلیب سلام‌وطندار گه ایتیشیچه، حاضرگی حکومت نینگ قانون_قاعده‌لری اساسیده تینچ اوی‌لر گه فعالیت قیلیش ایزینی بیریلمه‌یدی.
اونگه کوره: «سرپرست حکومت حاکمیتیدن کیین، قانون_قاعده‌لریمیز ده تینچ اوی آتیده هیچ نرسه یوق دیر، حاضر کابل یا که افغانستان ده تینچ اوی آتیده هیچ نرسه یوق دیر.»
جناب مجاهد، سابق نظام ده عایله‌لرنی بوزیش اوچون تینچ اوی‌لرنی تشکیل ایتگن دیب ایتیشیچه، جمهوریت توزومی قوله‌شیدن کیین برچه تینچ اوی‌لر یاپیلگن.
او نینگ ایتیشیچه: «عادی مسئله اوستیده عیاللر اوینی ترک قیلیب و تینچ اوی‌لر گه باش پناه ایزلب کیلیش اوچون بو اوی‌لر تشکیل ایتیلگن ایدی.»
شو بیلن بیرگه، سابق تیزیم ده خاتین قیزلر وزیرلیگی دن ایشانچلی بیر منبع و مملکت ده فعال تینچ اوی اساسچیسی، ذبیح‌الله مجاهد نینگ سوزلرینی رد قیلیب ایتیشیچه، بیر تینچ اوی حاضر هم فعال دیر.
بیرینچی تینچ اوی اساسچیسی و حاضرگه قدر نهادی فعال بولگن ماری اکرمی نینگ ایتیشیچه، سرپرست حکومت دستلب اولر نینگ فعالیتی گه قرشی‌لیک کورستگن، بیراق مذکور نهاد تیکشیریلیشی و عیاللر نینگ نیازمندلیگی اساسیده اوشبو نهاد نینگ فعالیتی گه توسیق بولمه‌گن.
خانم اکرمی گه کوره: «اولر کیلیب تینچ اوینی تیکشیردی ایکی_اوچ هفته تینچ اوی کوچه‌لری قمراو گه آلینگن ایدی، بو ییرده باشقه هیچ گپ یوق، حقیقتن خاتین قیزلر نینگ هیچ کیمی یوق. یقین‌لری بولگنلر نینگ کیسی نی قبول قیلدیلر، بیراق کوپ سانده قیزلر یتیم دیر هیچ کیمی یوق.»
بیزلرنینگ توییترده هم تعقیب قیلینگ!
برچه‌سی بیلن، تینچ اوی‌لر ایشیگی یاپیلیشی دن کیین، زوروانلیک طفیلی مذکور اوی گه باش پناه ایزلب بارگن عیاللر نینگ تقدیری حاضرگچه نامعلوم دیر.
عیاللرنی قوللب_قوتلاوچی نهادلر نینگ سابق مسئوللری و عیال حقوقی فعاللری نینگ ایتیشلریچه، اولر نینگ معلوماتی اساسیده مذکور عیاللردن قطاری قیته دن اوی‌لری گه قیتگن و باشقه بیرقطاری زوروانلیک‌لر باعث هلاک بولیب و باشقه بیر قطاری زندانی بولگنلر.
افغان عیاللرینی کوچلنتیریش ترقیاتی مرکز مسئولی محبوبه سراج گه کوره: «اسلام امیرلیگی تامانیدن تینچ اوی‌لر یاپیلدی، قطار عیاللر اوی‌لری گه قیتدی، بیرقطاری بیر مدت گه قدر زندانی بولدیلر. برچه‌سی نینگ تقدیری دن احوالیم یوق. بعضی عیاللر بو ییر گه کیلگن.»
افغانستان انسان حقلری مستقل کمیسیونی نینگ سابق باشلیغی شهرزاد اکبر نینگ ایتیشیچه، او نینگ معلوماتی اساسیده قطار تینچ اوی‌لر توزوم اوزگریلیشیدن کیین یاپیلیب و عیاللر زوروانلیک بیلن تیریکچیلیک نی قبول قیلیب یا که اوزلرینی اولدیرگن. عیاللرنی قوللب_قوتلش اوچون حقوقی هیچ میکانیزم یوق دیر.
او نینگ کوپه‌یتیریشیچه: «سان‌لری حقیده معلوماتیم یوق، اولردن بیرقطاری زوروانلیک قربانی بولیب و باشقه بیرقطاری حیات‌لری گه چیک قویگن. هر کونی اوزینی اولدیریش خبرلرنی اوقیمیز، چونکه اسلام امیرلیگی حاکمیتیدن کیین اولر کوپراق عایله‌وی زوروانلیک قربانی بولیشگن.»
برچه‌سی بیلن، دایکندی و بامیان ولایت‌لری خاتین قیزلر ریاستی نینگ سابق باشلیغی ذکیه رضایی، تینچ اوی‌لر تقدیری باره‌سیده ایتیشیچه، تینچ اوی ده‌گی عیاللردن بیرقطاری قولگه آلینیب و باشقه بیرقطاری کابل ده یالغیز فعالیتی بولگن تینچ اوی گه انتقال بیریلگنلر.
اونگه کوره: «بیز کوپ توتقینلیکلر گواهی ایدیک، سرپرست حکومت اولرنی حبس گه آلدی. جمهوریت توزومی ده تینچ اوی‌لرده بولگن عیاللردن قطاری کوپ زیان کورمسلیک اوچون عایله اعضالری یا که قرینداش‌لری گه تاپشیریلیشی تلاش قیلینگن، جمعیت گه قیتیش امکانیتی بولمه‌گن عیاللر، کابل ده تینچ اوی گه انتقال بیریلگن.»
شو بیلن بیرگه، سرپرست حکومت سوزلاوچیسی ذبیح‌الله مجاهد، نظام اوزگریشیدن کیین تینچ اوی‌لر تقدیری باره‌سیده ایتیشیچه، سرپرست حکومت حاکمیتیدن کیین تینچ اوی‌لر فعال ایمس ایدی و تینچ اوی‌لرده‌گی عیاللر قاچیب کیتگن ایدیلر.
اونگه کوره: «سرپرست حکومت قدرت گه ایریشگنیدن کیین تینچ اوی آتیده هیچ نرسه یوق ایدی. عیاللر تینچ اوی‌لردن قاچیب کیتگن ایدیلر. بیرقطاری خارج کیتگن بولسه‌لر ممکن، بعضی‌لری اوی‌لری گه قیتگن. حاضر تینچ اوی آتیده هیچ بیر مکان یوق، بیز کیلگنده سابق بولگن ییرلر قماقخانه‌لر کبی بوش ایدی.»
برچه‌سی بیلن، حقوقی مسئله‌لر ایش بیلرمان‌لری مملکت ده تینچ اوی‌لرنی جدی نیاز دیب ایتیشلریچه، جمعیت ده کوپ سانده یشاوچیلر نینگ سوادسیزلیگی و آگاهی‌سیزلیگی باعث عیاللر کوپراق زیان کوره‌دی، شونی اوچون تینچ اوی بارلیگی نیاز دیر.
سابق حکومت ده مدافع وکیل و حاضرگی حکومت ده حقوقی مصلحتچی (مستعار اسملی) صفامحمدی نینگ ایتیشیچه: «یشش جای‌لری بولمه‌گن و سرپرست‌سیز عیاللر اوچون تینچ اوی بولیشی نیاز دیر، چونکه اولر زوروانلیک و ایریم خطرلردن محافظت بوله‌دی.»
ایتیش کیره‌ک که، جمهوریت حاکمیتی زمانیده زوروانلیک بولگن عیاللر، قضیه مسئله‌سی حل بولگونچه تینچ اوی‌لر گه تیریکچیلیک قیلر ایدیلر.
مذکور مرکزلرده خاتین قیزلر نینگ زوروانلیگی حقیده کوپلب میش_میش‌لر بولسه ده، لیکن بو مسئله هیچ قچان اثباتلنمه‌گن.