سلام‌وطندار نینگ کابل ده ایش‌سیز ۳۰ ییگیت بیلن اۉتکزگن تېکشیرووی گه کۉره، اوشبو ییگیت‌لردن یریمی‌دن آرتیغی جمهوریت قولشیدن کېین ایش‌سیز بولگن. مذکور تېکشیروده ۱۱ عیال و ۱۹ ایرکک بیلن صحبت اۉتکزیلگن که اولر ارا ۱۸ ته‌سی سرپرست حکومت نینگ قدرت گه ایریشگنی‌دن سۉنگ ایش‌سیز بولگنلری نی اېتگنلر.
اوشبو تېکشیروده ۱۵ یاشردن ۳۵ یاشر کیشی‌لر قتنشیب و اولردن کوپینچه‌سی اقتصادی احواللری یخشی اېمس‌لیگینی بیلدیرگنلر. تېکشیروده قتنشگن ۳۰ کیشی‌دن ۱۲ ته‌سی، تحصیل‌لری یکونیدن کېین ایش تاپه آلمه‌گنلرینی معلوم قیلگن.
تورلی اداره‌لرده بیش ییل‌دن آرتیق تجربه گه ایگه بولیب و حاضر ایسه ایش‌سیز بولگن روهیداحمد خیرخواه و عمران صافی نینگ ایتیشلریچه، سرپرست حکومت حاکمیت نی آلگندن سۉنگ، وظیفه‌لرینی قولدن بیرگنلر.
جمهوریت توزومی قولشیدن کېین ایش‌سیز بولگنلردن روهید احمد خیرخواه گه کۉره: «دولت و شخصی اداره‌لرده ایشله‌گن من، ۱۳۹۰ ییل دن بېری دولت و خصوصی اداره‌لرده تورتینچی بست گچه مامور و مدیر صفتیده ایشله‌گن من، جمهوریت توزومی قولمه‌گونچه وظیفه‌م بار اېدی و حکومت قولگندن سۉنگ دولت اداره‌لریده تورتینچی بست گچه بولگن کیشی‌لر برچه‌سی ایش‌سیز بولیب و وظیفه‌لریدن چیقریلگنلر.»
شونینگدېک عمران نینگ ایتیشیچه: «یالغیز اۉزیم اۉزگریشدن کېین ایکّی ییل اۉتگچ ایش‌سیز بولگن من و ایش‌سیز بولیشیم سببی هم مملکت ده سیاسی اۉزگریشدن سۉنگ ایچکی و خارجی برچه کمپنیه‌لر فعالیت‌لرینی توخته‌تدی و مین ایشله‌یدیگن جای‌لر نینگ کوپینچه‌سی اهالینی ایش بیلن تامین له‌گن اېدی برچه‌سینی فعالیت‌لرینی توخته‌تدی.»
بیزلرنینگ «ایکس» ترماغی ده هم تعقیب قیلینگ!
مملکت ده سیاسی اۉزگریشدن کېین ایش‌سیز بولگنلر بیلن صحبت اۉتکزیلگن ۱۸ ییگیت‌دن ییتّی نفرینی عیاللر تشکیل بیره‌دی. سرپرست حکومت خاتین قیزلرنی کوپینچه حکومت اداره‌لری و خلق‌ارا تشکیلات‌لرده ایشلش‌لرینی منع قیلگچ، کوپ سانده عیاللر ایش‌سیز بولیب و اقتصادی قیینچیلیک بیلن دوچ بولگنلر.
بوندن آلدین خلق‌ارا تشکیلات‌لرده ایشله‌گن کابل یشاوچیلریدن تمنا هاشمی و صفیه رحیمی نینگ ایتیشلریچه، حاضرگی کونده ایشسیزلیک طفیلی قیین احوال‌ده تیریکچیلیک قیلماقده‌لر.
تمنا نینگ ایتیشیچه: «ادبیات فاکولته‌سی انگلیسچه بولیمیدن فارغ بولگن من و ایکّی ییل مکتب‌لردن بیری ده اوقیتووچی اوله‌راق ایشله‌دیم، شونینگدیک موسسه‌لرده بیری ده هم ایشلش تجربه‌م بار، بیراق مملکت ده سۉنگی سیاسی اۉزگریش باعث ایش‌سیز بولیب و حاضرگچه ایش تاپه آلگنیم یوق.»
شونینگدېک صفیه نینگ ایتیشیچه: «حکومت قوله‌گونچه وظیفه‌م بار اېدی و WFP موسسه‌سیده ایشلر اېدیم و اداره‌لر و موسسه‌لرده عیاللر نینگ ایشلشی تقیق‌لنگنیدن سۉنگ عیاللر بیکار بولدی و اولردن بیری من.»
باشقه تاماندن، تحصیل‌لرینی بیتیریب و حاضرگچه ایش تاپه آلمه‌گن یاش‌لر نینگ ایتیشلریچه، کوپینچه حکومت و خصوصی اداره‌لرده ایش ایسته‌گینی اۉزه‌تگنلر، بیراق حاضرگچه مثبت جواب آلیشه آلمه‌‌گنلر.
کابل یشاوچیسی و تحصیلی دوری نی بیتیرگن عبدالوهاب رحمانی نینگ ایتیشیچه: «اۉزیم زراعت بولیمیدن فارغ بولگن. نیچه مرته سیناو بیردیم؛ لېکن دولتی اداره‌لرده بعضی قیین‌چیلیک‌لر بار و هر کیم اۉزی نینگ یقین‌داشلرینی تورلی بست‌لر گه آلیب کیله‌دی و مین سیناوده کامیاب هم بولدیم؛ بیراق بست باشقه بیر کیشی گه بیریلدی. اوندن کېین اۉزیم بیر ایش گه باشلش گه قرار آلدیم.»
شونینگدېک کابل یشاوچیلریدن باشقه بیری و تحصیلی نی بیتیرگن ذکرالله مشعل نینگ ایتیشیچه: «حقوق بولیمی نی بیتیرگن‌‌من؛ افغانستان ده ایش یوق و اداره‌لرده تانیشیمیز بولمه‌گن گه قدر، ایش گه آلمه‌یدیلر؛ اوچ ییل بولدی که ایش‌سیزمین.»
سلام‌وطندار نینگ اختیاری گه قرار تاپگن احصائیه و معلومات اداره‌سی نینگ آماری اساسیده، افغانستان ده ۱۷ میلیون یاش ییگیت ایشلش شرایطی گه برابر بولیب و اولر ارا، ۱۰ میلیون‌دن آرتیغی ایشسیزلیک خوفی آستیده قرار تاپگن.
افغانستان نینگ محنت‌کش و یالنمه ایشچیلر بوییچه بیرلشمه‌سی مسئوللری گه کوره، ایش ایشچی نینگ حقی دیر و دولت اولر گه ایش زمینه‌سی نینگ یره‌تیشی کیره‌ک.
افغانستان محنت‌کش و یالنمه ایشچیلر بوییچه باشلیغی لیاقت عادل نینگ سلام‌وطندار گه ایتیشیچه، افغانستان ده سیاسی اوزگریشلر، ایش بیرووچیلر آرقه‌لی ایشچیلر حقوقی مصادره قیلیش، اداره‌لرده کینگ فساد و کرونا کسللیگی نینگ ترقه‌لگنی، افغانستان ده ییگیتلر آره‌سیده ایشسیزلیک میزانی نینگ کوپه‌یگنی سببلریدن دیر.
اونینگ کوپه‌یتیریشیچه: «ییگیتلر خصوصیده بونی ایته آله‌میز که سونگی ییل‌لر افغانستان ده ایش‌سیزلردن انیق معلومات یوق؛ لیکن مملکت‌دن ییگیتلر نینگ کیتیشی و اولر نینگ کوپینچه شکلده مهاجرت قیلیشی، ییگیتلر آره‌سیده ایشسیزلیک میزانی کوپه‌یگنی نی کورسته‌دی.»
باشقه بیر تاماندن، جمعیت‌شناسلر نینگ ایتیشلریچه، ایشسیزلیک روحی تهدید و اوندن کیین جمعیت گه توغری بیر تهدید دیر و ییگیتلر ایش تاپه آلمه‌گنلری گه قدر، مذکور جمعیت نینگ یخشی بیر کیله‌جگی بولمه‌یدی.
بیزلرنینگ فیسبوک صحیفه‌میزگه باش اورینگ!
بو توغریده جمعیت شناس‌لردن ضیا شمس نینگ ایتیشیچه: «افغانی جمعیت، بو کبی تهدیدلر بیلن روپه‌ره بولگن بیر جمعیت دیر و انه شوو سبب، ثبات تامان مناسب بیر حرکتی یوق. ییگت‌لر آره‌سیده ایشسیزلیک بار. بو وضعیت‌دن جمعیتیمیز نی مصون قیلسه‌ی، متحرک بیر جمعیت گه نیازیمیز بولگنی‌ده، جمعیت نینگ تن آلیشی ممکن بولگن حرکتی نی کورسته‌دیگن دینامیزم‌لر، جمعیت حرکتی نی کورسته‌دی. کوپ ایش و کوچلی صادق نهاد‌لر گه نیازیمیز بار.»
شونده‌ی بیرحالدده، ایش و اجتماعی ایشلر وزیرلیگی سوزلاوچیسی سمیع‌الله ابراهیمی نینگ سلام‌وطندار گه ایتیشیچه، سرپرست حکومت نینگ قدرت گه ایریشگنی بیلن اوشبو وزیرلیک ۳۰۰ مینگ گه یقین کیشی گه ایش جوازی نی صادر قیلگن.
ابراهیمی نینگ کوپه‌یتیریشیچه: «اسلام امیرلیگی نینگ قدرت گه ایریشگنی بیلن، ایشچیلر گه ایش زمینه‌سی یره‌تیلیشی خصوصیده سعی‌وحرکت بولگن؛ انه شوو سبب اداره‌لرده بوش بولگن بستلرنی اهالی و ییگیتلر اختیاری گه قرار بیردیک و کوپینچه کیشی جذب بولدی که ایته آله‌میز که جاری ییل‌ده ۱۱۰مینگ‌دن آرتیق کیشی ایش جوازی نی قولگه کیلتیرگن.»
شونینگدېک ایش و اجتماعی ایشلر وزیرلیگی سوزلاوچیسی نینگ ایتیشیچه، سکتورلر و ایش‌خانه‌لر فعالیتی و ایشسیزلیک گرافی قویی کیلیشی اوچون یخشی فضا یره‌تیلشی خصوصیده، یقین‌ده ایش ملی کنفرانسی یولگه قوییله‌دی. «ایشسیزلیک گرافی کمه‌یشی اوچون، ایش ملی کنفرانسی یولگه قوییلیشی خصوصیده بیر قطار برنامه‌لر خصوصیده ایش قیله‌میز که خصوصی سکتور یانیده، خلق‌ارا ایش تشکیلاتی همکارلیگی بیلن، اهالی گه یخشی‌راق ایش زمینه‌سینی یره‌تسه‌ک. آسایشته‌لیکلر یره‌تسه‌ک و حقوقی حجتلر بولیمی‌ده یوتوق‌لر نی قولگه کیلتیرسه‌ک. بولردن برچه‌سی جمعیت‌ده ایشسیزلیک گرافی قویی کیلیشی گه سبب بوله‌دیگن برنامه‌لر دیر.»
بوندن آلدین هم افغانستان ده ایشسیزلیک میزانی کوپ بولگنی بیلن؛ لیکن جمهوریت توزومی قولیشی و خلق‌ارا جمعیتی نینگ ترقیاتی پروژه‌لریدن کوپ قطاری توخته‌تیلگنی و عیاللر ایشی برابریده یره‌تیلگن چیکلاولردن کیین، باشقه بیر قطار کیشی ایش‌سیزلر سانی گه قوشیلدی. ییگیتلر آره‌سیده ایشسیزلیک و عایله‌لر آره‌سیده قشاق‌لیک سبب، ییل‌ده ایش تاپیش اوچون یوزلب مینگ یشاوچیسی قوشنی و منطقه مملکت‌لر گه مهاجرت قیله‌دیلر.
