افغانستان مرکزی بانک نینگ ینگی لایحه‌سی اساسیده، صراف‌لر تجارتی جواز اوچون ۵ میلیون افغانی و صراف‌لیک شرکت اوچون ۵۰ میلیون افغانی، کفالت صفتیده مذکور بانککه توللش‌لری کیره‌ک. صراف‌لر نینگ ایتیشلریچه، کابل و ولایت‌لرده‌گی برچه صراف‌لر، بو مقدار پول‌نی توللـه‌ی آلمه‌یدیلر.
شهزاده سرای صراف‌لر اتفاقی سوزلاوچیسی عبدالرحمان زیرک نینگ سلام‌وطندار گه ایتیشیچه، مرکزی بانک نینگ اوشبو قراری عادلانه ایمس. اونگه کوره، حکومت نینگ اقتصادی کمیسیونی ییغینیده، بوتوغریده مالیه وزیرلیگی، مرکزی بانک و صراف‌لر اتفاقی آره‌سیده ییغین اوتکزیلیشی‌گه قرار قیلینگن ایدی؛ بیراق بو ییغین حاضرگچه اوتکزیلمه‌گن.
بیزلرنینگ فیسبوک صحیفه‌میزگه باش اورینگ!
جناب زیرک نینک کوپه‌یتیریشیچه، مملکت بویلب صراف‌لر مرکزی بانک نینگ اوشبو قراری گه قرشی دیر و بو طرح‌نی توان‌لریدن یوقاری بیله‌دیلر. اونینگ ایتیشیچه: «بیز اولرگه مکتوب یوللب، بو کبی جوازنی آلالمسلیکنی ایتگن‌میز.»
عین‌حالده، افغانستان مرکزی بانک سوزلاوچیسی صابر مومند گه کوره، اقتصادی کمیسیون تامانیدن آلینگن طرح‌نی اوزگرتیریش ممکن‌سیز دیر. اونینگ کوپه‌یتیریشیچه، بو طرح حاضر عملی طرزنی اوزیگه آلگن و اکثر صراف‌لر جوازلرینی تمدید قیلیب و بو جریان حاضر هم دوام ایتماقده.
افغانستان مرکزی بانک سوزلاوچیسی نینگ ایتیشیچه: «بو جریان حاضر باشلنگن. اولر بیلن اویغون‌لیکده ایشله‌یمیز و نتیجه‌سی یقین کونلرده سیزلر بیلن پایله شیله‌دی.»
بیزلرنینگ توییترده هم تعقیب قیلینگ!
ایتیش کیره‌ک که، مذکور لایحه سابق تیزیم‌ده مرکزی بانک تامانیدن ایجاد بولیب و او زمانده قبول قیلینمه‌گن ایدی؛ بیراق اسلامی امارت حاکم بولیشی بیلن اوشبو طرح تصویب بولدی. برچه‌سی بیلن، صراف‌لر مرکزی بانک نینگ قراری گه عکس‌العمل کورسه‌تیب، مذکور طرح‌نی عملی قیله آلمسلیکلرینی ایته‌دیلر.