رستاق ۱۸۳ قیشلاق و قریب ۳۰۰ مینگ اهالی بیلن تخار شمالیده جایلشگن تومن؛ اونینگ قیشلاق دهگی اهالیسی تومن مرکزی کسلخانهسیگه مراجعت قیلیش اوچون ساعتلرچه کیزیش گه مجبور.
رستاق اهالیسی، اوشبو تومن مرکزی کسلخانهسیده ایش سُستلیگی و اساسی شکلده طبی خذمت کورسهتیلمسلیگیدن نالیماقدهلر.
اولرنینگ ایتیشیچه، اهالی اوزاق حدودلردن اوشبو کسلخانه گه مراجعت قیلیشهدی، بیراق نیچه ساعت و حتا نیچه کون کوتیشدن سۉنگ نوبت آلالمهیدیلر و انده-سنده شفاکار معاینه قیلمسدن اویلریگه قیتیش گه مجبور بولیشهدی.
رستاق تومنی یشاوچیلریدن نقیبالله شوندهی دیېدی: «بو تومن اهالیسینینگ اقتصادی ضعیف. اکثر یشاوچیلر محنتکار و قورغاقچیلیک بار یشاوچیلرنینگ شفاکار گه مراجعت قیلیش اوچون امکانیتی یوق، اۉزیمنی دارو ساتیب آلیشگه قوربیم یېتمهیدی شونینگ اوچون کوتیب توریب من.»
رستاق تومنی یشاوچیلریدن باشقه بیری سیمیننینگ ایتیشیچه: «ایکی کوندن بیری کیلهمن بالهلریم کسل، ایرتهلب ساعت ۷ ده کیلدیم شفاکار اتاقی گه کیریش اوچون نوبت بیریشمهیدی، بالهلریم کسل، پولیمیز یوقلیگی اوچون شخصی شفاکار گه مراجعت قیله آلمهیمیز، ایکی پاکت دارو بیریش اوچون شو ییرگه کیلگنمیز.»
شو بیلن بیرگه، رستاق تومنی مرکزی کسلخانه مسئوللری، بو کسلخانه ۳۰ بسترلیک دیر، بیراق کسلخانه ظرفیتی گه قرهمسدن کوپ سانده کیشیلر مراجعت قیلیشنی ایتهدیلر.
اولر، اوشبو کسلخانه بستری ۷۰ دن ۱۰۰گچه آشیریلیشنی سورهیدیلر.
رستاق تومنی ساغلیقنی سقلش مسئوللریگه کوره، اوشبو کسلخانهده طبی خذمت کورسهتیلهیاتگنی گه قرهمی، مراجعتچیلر کوپلیگی سببلی، کسللر وقتیده معاینه قیلینیب و دوالنمهیدی.
رستاق تومنی ساغلیقنی سقلش اداره باشلیغی حکیمالله نوری گه کوره: «اهالیسی کوپ بولگن بو کتته تومنده ۳۰ بسترلیک کسلخانه یېترلی اېمس، عینحالده کسلخانه خادملری تون-کون دیمسدن خذمت کورستماقده، شو بیلن هم اهالی کوپ مراجعت قیلهدی و برچهنینگ احتیاجلری حل بولمهیدی.»
تخار رستاق تومنی کسلخانهسیده جراح شفاکار فریداحمد کشتورزنینگ ایتیشیچه: «بو ییرده نهفقط ریزرف بسترلر یوق، بلکی باری هم مراجعت قیلووچیلرنینگ سانی گه قرهگنده یېتمهیدی.»
شو بیلن بیرگه، تخار ساغلیقنی سقلش مسئوللری، بو ولایتدهگی اکثر ساغلیق مرکزلری و کسلخانهلر انچه ییل آلدین اهالی سانی انابت گه آلینیب قوریلگن و سۉنگی ییللرده اهالی سانی کوپ بولیشی بیلن یشاوچیلرنینگ حاضرگی احتیاجلرینی قاندیره آلمهیدی.
اولرنینگ ایتیشیچه، اېندیلیکده تخارنینگ تورت تومنیده عمومی کسلخانه (دی.اچ) بار و ساغلیقنی سقلش وزیرلیگی بو ولایتنینگ ۱۱ تومنیده عمومی کسلخانه قوریش گه سعی-حرکت قیلماقده و اولرنینگ دستلبکی ایشلری بیر آز آلغه آلیب باریلگن.
تخار ساغلیقنی سقلش باشلیغی محمدولی احمدزینینگ ایتیشیچه: «رستاق تومنی کسلخانهسی ۳۰ بسترلیک دیر و ۷۰ بستر گه آشیریلگن و ساغلیقنی سقلش وزیرلیگی تامانیدن تصدیقلنگن، بودجهسی هم اجرهتیلگن و جهازلرینی ساتیب آلیشی باشلنهدی.»
ایتیش ضرور کی، رستاق تخارنینگ اهالیسی کوپ بولگن تومنلریدن حسابلنهدی؛ بیراق اساسی شکلده طبی خذمت کورسهتیلمسلیک کسللر اینیقسه اقتصادی ضعیف کیشیلرنینگ ناراضیلیگیگه سبب بولگن. ساغلیقنی سقلش مسئوللری بو معما اهالی سانی آشیشی دیب بیلهدیلر.
