کابل شهری نینگ اون اوچینچی خوفسیزلیک حوزه‌سی گه تیگیلشی دشت برچی ساحه‌سیده جایلشگن کاج تعلیمی مرکزیده یوز بیرگن پارتلش خصوصیده‌گی عکس‌العمل‌لر دوامی‌ده، افغانستان اوچون بیرلشگن ملت‌لر تشکیلاتی نینگ انسانی حقوق خاص گزارشگری ریچارد بنت، اوشبو هجوم نی قورقونچلی دیب و اونی قاره‌لگن.
جناب بنت توییتر صحیفه‌سیده تعلیمی مرکزلر گه داعش هجوم‌لری نینگ تکراری بیلن اوشبو واقعه نی تینگ‌لب، یازگن که: «افغانستان کیله‌جگی گه هجوم نی توخته‌تینگ، خلق‌ارا جنایت‌لر نی توخته‌تینگ.»
بیزلرنینگ فیسبوک صحیفه‌میزگه باش اورینگ!
افغانستان اوچون بیرلشگن ملت‌لر تشکیلاتی نینگ خاص گزارشگری یازگن که، افغانستان کیله‌جگی، خلق‌ارا جنایت‌لر نی توخته‌تیش، ییگیت‌لر تعلیمی و [بو کبی واقعه‌لر] عامل‌لری نینگ جوابگرلیگی گه باغلیق دیر.
بوگون کاج تعلیمی مرکزی گه اویوشتیریلگن هجوم نی، یوناما، افغانستان ایلچی‌خانه‌سی اوچون آمریکا شارژدافری کرن دیکر، یونیسف، مملکت سابق جمهوررئیسی حامد کرزی و سابق دولت ملی مصالحه عالی کینگش رئیسی عبدالله عبدالله قاره‌لگنلر.
بیزلرنینگ توییترده هم تعقیب قیلینگ!
بوگون ایرتنگ چاغی، کابل نینگ دشت برچی ساحه‌سیده تعلیمی بیر مرکز‌ده پارتلش یوز بیردی که، اوشبو پارتلش نتیجه‌سیده اونلرچه کیشی هلاک و یره‌لنگن.
کابل امنیه قوماندانلیگی سوزلاوچیسی خالد زدران، اوشبو واقعه تلفاتی نی ۱۹ کیشی هلاک و ۲۷ کیشی یره‌لنگن دیب اعلام قیلگن.
حاضرگچه اوشبو واقعه مسئولیتی نی بیرار گروه یا_ده شخص بوینیگه آلمه‌گن.