هرات یشاوچیلریدن قطاری، اوتگن کون شام چاغی (دوشنبه، ۱۱-میزان) شمع یاقیش بیلن کابل غربی‌ده جایلشگن کاج تعلیمی مرکزی‌ده قربان بولگنلر نینگ عایله‌لری بیلن همدرد‌لیک بیلدیرگنلر.
مذکور برنامه طلبه‌لر آرقه‌لی یولگه قوییلیب و اوشبو برنامه گه شرکت قیلگنلردن کوپ قطاری نی هرات بیلیم یورتی نینگ قیز طلبه‌لری تشکیل بیرگن ایکن که، طلبه‌لر بیر بیانیه صادر قیلیش بیلن افغانستان ده تیرورچیلیک قان‌لی هجوم‌لر نینگ توخته‌تیلیشی نی سوره‌گنلر.
بیزلرنینگ توییترده هم تعقیب قیلینگ!
شونینگدیک مذکور طلبه‌لر بیانیه آرقه‌لی، کشفی و امنیتی نهاد‌لردن کیله‌جک‌ده بو کبی واقعه‌لر نینگ تکرار بولمه‌یشی نی ایسته‌گنلر.
مذکور برنامه گه شرکت قیلگنلر، انسان حقوقی، خلق‌ارا کیچیریم و خلق‌ارا نهاد‌لردن هزاره‌لر نسل‌کش‌لیگی نی رسمیت گه تانیب و دقیق گزارش‌لر نی تیار قیلیش بیلن، اوشبو قومی گروه نینگ نسلکشلیگیدن توسیق بولیش‌لری نی ایسته‌گنلر.
جمعه کونی اوقووچیلردن قطاری کانکور آزمایشی سیناوی نی اوتکزیش‌لری بیرحالده، کاج تعلیمی مرکزی خودکش هجوم آستیده قرار تاپدی.
بیزلرنینگ فیسبوک صحیفه‌میزگه باش اورینگ!
خودکش هجوم‌چی اوشبو مرکزی قوروق‌چیلری نی اولدیریش بیلن صنف گه کیریب و اوقووچیلر آره‌سیده اوزی نی پارتلتگن.
اوتگن کون توش‌دن کیین، یوناما تامانیدن ترقه‌تیلگن آمار اساسیده، مذکور واقعه‌ده ۵۳ کیشی هلاک و ۱۱۰ کیشی ایسه یره‌لنگن.
