بادغیس مدنی فعال‌لری و یشاوچیلری قادس_قلعۀنو سوو ییتکزیش پروژه نینگ بوزیلگنیدن خواطر بیلدیریب و ایتیش‌لریچه، مذکور پروژه موسمی سوو تاشقین‌لر باعث، نابود بولیش خطری گه دوچ کیلگن. اولر اوشبو ولایت نینگ محلی مسئوللریدن مذکور پروژه نینگ حفظ و مراقبتی اوچون جدی توجه قیلیش‌لری نی سوره‌گنلر.
قلعۀنو شهر یشاوچیلریدن بیری محمد‌یار ناظم نینگ ایتیشیچه: «قادرآباد نینگ قلعۀنو گه وصل قیلگن پایپ، تخریب بولیب و توپراق آستیدن چیقگن دیر. اسلامی امارت حکومتی نینگ جدی اقدام قیلیب و بو پروژه گه توجه قیلیشی اوچون امید‌وارمیز؛ چونکه مذکور پروژه گه میلیون‌لر افغانی مصرف بولگن دیر.»
بیزلرنینگ فیسبوک صحیفه‌میزگه باش اورینگ!
شونینگدیک قلعۀنو شهر یشاوچیلریدن باشقه بیری عید‌محمد نینگ ایتیشیچه: «سوو نی انتقال بیره‌ٔیگن پایپ توپراق آستیدن چیقگن دیر. بو خصوص‌ده توجه قیلینمه‌گن صورت‌ده، میلیون‌لر افغانی هزینه مصرف قیلینگن اوشبو پروژه نینگ بولیمی تخریب بولیشی ممکن. مذکور بولیم‌ده رسمی‌لر و مسئوللری نینگ توجه قیلیش‌لری اوچون امید‌وارمیز.»
شونده‌ی بیرحالده، بادغیس مدنی فعال‌لری نینگ آگاه‌لنتیریشیچه، بو پروژه نینگ قیین‌چیلگی گه تیزلیکده اقدام قیلینمه‌گن صورت‌ده، تخریب بوله‌دی و اهالی ایسه کوپینچه قیین‌چیلیک بیلن روپه‌رو بولیشی ممکن. بادغیس مدنی فعال‌لریدن جمشید حسینی نینگ ایتیشیچه، مذکور پروژه کامل شکلده توزه‌لمگن بیرحالده، تخریب بولیش گه دوچ کیلگن دیر.
بیزلرنینگ توییترده هم تعقیب قیلینگ!
عین حالده، بادغیس سوو ییتکزیش ریاست مسئوللری قادس_قلعۀنو سوو ییتیکزیش پایپ بولیم‌لری نینگ طبیعی واقعه‌لر باعث، تخریب بولگنی نی قبول قیلیب و اونینگ قیته قوریلیشی اوچون سعی و حرکت قیلیش‌لری نی بیلدیرگنلر. بادغیس سوو ییتکزیش ریاستی نینگ سوو ییتکزیش آمری عبدالسلام محمدی گه کوره، اولر بو موضوع نی کابل و غرب حوزه مسئوللری بیلن شریک قیلگنلر.
بادغیس یشاوچیلری و مسئوللری نینگ بیاناتی اساسیده، اوشبو پروژه نینگ اوزین‌لیگی تخمینا ۴۰ کیلومتر دیر و سوو نی «قادس خوردک» منطقه‌سیدن شهر نینگ مرکزی گه انتقال بیره‌دی.
مذکور پروژه نینگ ایشی ۱۳۹۲-ییل ده دنیا بانکی نینگ مالی حمایه‌سی بیلن باشلنگن ایدی لیکن حاضرگچه کامل شکلده ایشی یکونلنمه‌گن. شهر مرکزی گه سوو ییتکزیش شبکه ایجاد قیلیش ایسه اوشبو پروژه نینگ ایکینچی بولیمی دیر که بادغیس محلی مسئوللری نینگ معلوماتی اساسیده، اونینگ ایشی ۷۰ فایز پیش کیتگن و ۳۶۰ میلیون افغانی‌دن آرتیق هزینه مصرف بولگن.
