اعتراضچی فعال عیاللردن بیری پروانه ابراهیم‌خیل قویباریلیشی‌دن کیین، قریب اوچ هفته آلدین ایش و اوی‌لریدن حبس گه آلینگن اوچ فعال عیال قویباریلیشی حقیده گزارش‌لر ترقه‌لدی، بیراق اوشبو گزارش‌لر رسمی شکلده تصدیقلنمه‌گن.
بیرلشگن ملتلر تشکیلاتی نینگ افغانستان ده‌گی اورین باسرلیک هیأت دفتری یا یوناما، مذکور فعال عیاللر قوریباریلیشی گه عاید ترقه‌لگن گزارش‌لرنی خوش قرشی‌لب ایتیشیچه، آزاد ایتیلگن عیاللر نینگ ساغلیگی و خوفسیزلیگی مهم دیر.
بیزلرنینگ توییترده هم تعقیب قیلینگ!
مذکور دفتر بیر توییت آرقلی یازیشیچه: «بیرلشگن ملتلر تشکیلاتی خورسندلیک بیلن هفته‌لردن بیری یوقالگن ۴ فعال عیاللر نینگ اویلری گه قیته بارگنلری خصوصیده‌گی یخشی گزارشلردن خوش قرشی‌له‌یدی. اولرنینگ ساغلیک و تینچ‌لیگی اساسی تشویش دیر.»
یوناما نینگ کوپه‌یتیریشیچه، افغانستان یشاوچیلری نینگ حقوقلریدن حمایت قیلیش اوچون اوز سعی و حرکتی گه دوام بیره‌دی.
گزارش‌لر اساسیده، اوشبو معترض عیاللر آره‌سیده تمنا زریاب پریانی، پروانه ابراهیم‌خیل، مرسل عیار و زهرا محمدی شامل دیر که اوتگن هفته‌لرده کابل‌ده اسلامی امارت تامانیدن قولگه آلینگن ایدی.
بیزلرنینگ فیسبوک صحیفه‌میزگه باش اورینگ!
گرچند اسلامی امارت رسمی‌لری حاضرکچه مذکور عیاللر نینگ قولگه آلینگنی خصوصیده‌گی خبر نی تصدیق قیلمه‌گن، بیراق بوندن آلدین قولگه آلینگن عیاللر نینگ عایله‌لری و شونینگدیک معترض عیاللردن قطاری اولرنینگ اسلامی امارت کوچلری تامانیدن اوی و ایش ییرلریدن قولگه آلینگنی توغریسیده ادعا قیلگنلر.
اوشبو عیاللر نینگ قولگه آلینگنی خلق‌ارا عکس‌العمل‌لر بیلن روپه‌رو بولگن. بیرلشگن ملتلر تشکیلاتی، خلق‌ارا کیچیریم تشکیلاتی، انسان حقوق کوزه‌تووچیسی و باشقه ۲۰دن آرتیق نهاد و خلق ارا تشکیلات‌لر بو عیاللر نینگ قولگه آلینگنی نی قاره‌لب و اسلامی امارت‌دن بو عیاللر نینگ تیزلیککه قوییب یوباریلشی نی سوره‌گنلر.
