ژورنالیست‌لردن بیرقطاری معلومات گه قول تاپیش اونگیده‌گی قیینچیلیک و چېکلاولردن نالیب، بو چېکلاولر اولرنینگ ایشینی تورلی قیینچیلیک بیلن دوچ قیلگنینی اېته‌دیلر.
پایتخت کابل‌ده ایکّی ژورنالیست هوتکی و ذکیه گه کوره، سرپرست حکومت سۉزلاوچیلریدن بیرقطاری ژورنالیست‌لر گه معلومات‌نی شریک قیلمه‌یدی و بیرقطاری هم ناقص معلومات‌نی یېتکرمه‌لر بیلن شریک قیله‌دیلر.
ژورنالیست زیارمل هوتکی‌نینگ ایتیشیچه: «بیرقطار وزیرلیک‌لرنینگ سۉزلاوچیلری همکارلیک قیلیشمه‌یدی؛ بیز نیچه مرته بو قیینچلیک بیلن دوچ بولدیک، اوتگن هفته سۉزلاوچیلردن بیریگه پیام قویدیم چونکه بعضی کیشیلر بو وزیرلیک‌دن شکایت قیلیشگن اېدی؛ بیراق گپیریشمه‌دی، مسئوللر و سۉزلاوچیلردن یېتکرمه‌لر بیلن همکارلیک قیلیشنی اېسته‌یمیز، عکس‌حالده ایشی‌میز ناقص قاله‌دی.»
بیزلرنینگ فیسبوک صحیفه‌میزگه باش اورینگ!
ژورنالیست‌لردن باشقه بیری ذکیه گه کوره: «بعضی قیینچیلیک‌لر همان بار بیرقطاری معلومات‌نی وقتیده شریک قیلمه‌یدیلر و بیرقطار وزیرلیک‌لر و اداره‌لرنینگ همکارلیگی جوده هم آز دیر یا معلومات نی اصلا شریک قیلیشمه‌یدی و شریک قیله‌دیگنلری هم یېتکرمه‌لرنینگ نیازی بولگن معلومات‌نی شریک قیلمه‌یدیلر، بونده‌ی حالده گزارش ناقص بولیب و نشر بولمه‌یدی.»
اسلام امیرلیگی سۉزلاوچیسی ذبیح‌الله مجاهد، سرپرست حکومت مسئوللری قاعده‌لرنی رعایت قیلیب و معلومات قوللریده بولگن تقدیرده، اونی یېتکرمه‌لر بیلن شریک قیلیشینی معلوم قیله‌دی.
اونینگ کوپه‌یتیریشیچه: «بیرقطار مسئله‌لر یا امنیتی وپالیسی نقطه‌ی نظردن جوابی قوللریده یوق؛ بونده‌ی حاللرده یېتکرمه‌لر صبر قیلیب و قاعده‌نی رعایت قیلسینلر؛ معلومات بولسه حتمن شریک قیلینه‌دی.»
بیزلرنینگ «ایکس» ترماغی ده هم تعقیب قیلینگ!
معلومات و مدنیت وزیرلیگی سۉزلاوچیسی خبیب غفران، بو وزیرلیک هردایم معلومات گه قول تاپیش اونگیده‌گی قیینچیلیک‌لرنی حل قیلیش اوچون سعی-حرکت قیلماقده‌لیگیدن ایشانچ بیلدیره‌دی.
اونینگ ایتیشیچه: «معلومات و مدنیت وزیرلیگی، معلومات گه قول تاپیش قیینچیلیگینی حل قیلیش اوچون هردایم سعی-حرکت قیلیب کېلگن؛ ینگی‌لیکده معلومات و مدنیت وزیرلیگی یېتکرمه‌لر، ژورنالیست‌لر، مسئوللر و دولت سۉزلاوچیلری آره‌سیده هماهنگ‌لیک برنامه اۉتکزگن؛ بیز بوتوغریده کېنگ قمراولی برنامه‌لرنی نظر گه آلگن‌میز.»
اسلام امیرلیگی حاکمیت‌نی قولگه آلگنیدن بیری، معلومات گه قول تاپیش اوچون ژورنالیست‌لر گه چېکلاو یره‌تیلیب و یېتکرمه‌لر تورلی چېکلاولر بیلن روپه‌ره بولگن.
