آمریکا قوشمه ایالاتی نینگ افغان عیاللر ایشلری بوییچه خاص وکیلی رینا امیری نینگ ایتیشیچه، ا.ا نینگ هرقنده‌ی ترقیاتی اوچون خاتین-قیزلرنینگ حقوقی تأمین ایتیلیشی و افغانستانده حیات کیچیره‌یاتگن خوف آستیده‌گی آزچیلیک جمعیت‌نی قوریقلش ضروری دیر.
بیزلرنینگ فیسبوک صحیفه‌میزگه باش اورینگ!
شونینگدیک او اسلامی امارت تشقی ایش‌لر وزیرلیگی نینگ وقتینچه‌لیک باشلیغی امیرخان متقی بیلن اوتکزگن تیلفونی سوزلشووده اوشبو موضوع اوستیگه تأکید قیلگن.
رینا امیری نینگ توییتر صحیفه‌سیده یازیشیچه، مذکور سوزلشووده انسان حقوقی کمیسیونی، باش قانون‌نی کوزه‌تیش کمیسیونی و ملی مصالحه عالی کینگشی یوق ایتیلیشی خصوصییده خواطر بیلدیرگن.
آمریکا قوشمه ایالاتی نینگ افغان عیاللر ایشلری بوییچه خاص وکیلی نینگ کوپه‌یتیریشیچه، اوشبو دولتی نهادلر نینگ یوق ایتیلیشی افغانلر نینگ جواب‌گرچیلیک خصوصیده‌گی ایستکلریگه قرشی دیر و اصلاح قیلینیشی کیره‌ک.
شونده‌ی بیرحالده، اسلامی امارت تشقی ایش‌لر وزیرلیگی بیر اعلامیه ترقه‌تیب ایتیشیچه، اوشبو وزیرلیگ سرپرستی آمریکا قوشمه ایالاتی نینگ افغان عیاللر ایشلری بوییچه خاص وکیلی بیلن اوتکزگن صحبتی‌ده عیاللر تعلیمی، ساغلیک و پاسپورت بولیم‌لریگه ایش قیله‌دیلر اونینگ کوپه‌یتیریشچه، عیاللر یاپینیش‌لری خصوصیده‌گی بویروغ توغریسیده «عیاللر نینگ هیچ قنده‌ی قیینچیلیگی یوق.»
باشقه بیر تاماندن آمریکا نینگ افغانستان ایشلری بوییچه خاص وکیلی توماس وِست امیرخان متقی بیلن اوتکزگن صحبتی‌ده اسلامی امارت تامانیدن یره‌تیلگن چیکلاولر دوامی ایتیشی و خاتین- قیزلر حقوقی ایاق آستی ایتیلیشی خصوصیده دنیا جماعه‌سی نینگ قرشی‌لیگینی اعلام قیلگن.
اونینگ تأکید قیلیشیچه، قیزلر مکتب‌لرگه باریب، عیاللر ایرکیین شکلده هیچ قنده‌ی چیکلاو یره‌تیلمسدن مملکت تریاقی اوچون ایش- فعالیت قیلیشلری کیره‌ک.
اونینگ کوپه‌یتیریچه، افغانستانده اقتصادی ثبات تأمین ایتیلیشی، افغانستان یشاوچیلریدن آرقه‌داشلیک قیلینیشی، بیرقطار دولتی نهادلرنینگ یوق ایتیلیشی و عادی اهالی هجوم آستیده قرار تاپیشی و باشقه تورلی موضوع‌لر حقیده صحبت قیلینگن دیر.
مذکور سوزلشوولر شونده‌ی بیرحالده، صورت تاپگن دیرکه سونگی کونلرده اسلامی امارت تامانیدن تلویوزیونلرده‌گی عیال مجریلر برابریده یره‌تیلگن ینگی چیلاولر کوپینچه عکس‌العمللرگه سبب بولگن.
بیزلرنینگ توییترده هم تعقیب قیلینگ!
عین‌حالده، اسلامی امارت تامانیدن ۶ دولتی نهاد نینگ یوق ایتیلیشی عکس‌العمللرگه سبب بولیب، دنیا جماعه‌سی اوشبو نهادلرنینگ یوق ایتیلیشنی آرتده قیتیش و بشر حقوقینی ایاق آستی قیلیش عنوان قیلگن.
