بوگون معلومات و مدنیت وزیرلیگی، خلق‌ارا مطبوعات کونی ۳_ می مناسبتی گه اوشبو وزیرلیکده یولگه قوییلگن برنامه‌ده، رسانه‌یی تخطیلری و شکایتلری نی حل قیلووچی کمیسیونی نینگ قیته فعال بولگنیدن خبر بیرگن.
اسلامی امارت سوزلاوچیسی و معلومات و مدنیت ریاست معینی ذبیح‌الله مجاهد، اوشبو برنامه‌ده مذکور کمیسیون ایشی نینگ نهایی بولگنی نی ایتگن.
افغانستان رسانه‌یی نهادلر و ژورنالیست‌لر فدراسیونی بیر اعلامیه آرقه‌لی معلومات و مدنیت ریاست وزیرلیگی نینگ اقدامی‌دن خورسندلیک بیلدیریب و اونینگ رسانه‌یی جماعه و افغانستان خبرچیلیگی اوچون خوش خبرلیک دیگن.
بیزلرنینگ فیسبوک صحیفه‌میزگه باش اورینگ!
بیراق اعلامیه‌ده کیلگن که، اوشبو فدراسیون گه عضو بولگن ۱۰دن آرتیق نهاد نینگ مذکور موضوع‌دن هیچ خبری یوق و شونینگدیک اوشبو فدراسیون اعضاسی بیلن مشوره بولمه‌گن.
افغانستان رسانه‌یی نهادلر و ژورنالیست‌لر فدراسیونی تاکید قیلگن که، تخطی‌لر و شکایتلری نی حل قیلووچی کمیسیونی مکمل استقلالیت‌دن برخوردار بولسین و کمیسیون اعضاسی خبرچیلیک و رسانه‌یی بولیم‌لریده فعالیتی بولگن مسلکی و حقوقی کیشی‌لردن انتخاب بولسین.
بیزلرنینگ توییترده هم تعقیب قیلینگ!
شونینگدیک اعلامیه‌ده کیلگن که فدراسیون ایشانچی گه‌کوره، رسانه‌یی تخطی‌لر و شکایتلر نی حل قیلووچی کمیسیونی نینگ فعالیتی، «مستقل، مسلکی و شفاف شکلده فعالیت قیلگن صورت‌ده» فایده‌لی بولیشی ممکن.
کمیده سونگی ۹ آی‌ده رسانه‌یی ایشلاوچیلر و خبرچیلردن قطاری اسلامی امارت تامانیدن قولگه آلینیب و بعضی موردلرده کلتک‌لنگن که، رسانه‌یی جدی عکس‌العمل‌لر بیلن روپه‌رو بولگنی بیرحالده، رسانه‌لر تخطیلری و شکایتلری نی حل قیلووچی کمیسیون فعالیتی نینگ قیته باشلنگنی‌دن خبر بیریلگن.
