دوحه‌ده افغانستان‌لیکلر ارا سوزلشوولر باشلنگنیدن سونگ، مملکت اینقسه کابل و باشقه بویوک شهرلرده زوروانلیکلر و هدفلی قتل‌لر کوپه‌یگن.
اوتگن “دوشنبه” کونی افغانستان بوییچه ملی خوفسزلیک ریاستی نینگ سابق باشلیغی رحمت‌الله نبیل نینگ توییتر صحیفه‌سیده یازیشیچه، ایرته‌دن باشلب مملکتده زوروانلیکلر رقمی کمه‌یشی ممکن.
رحمت‌الله نبیل نینگ یازیشیچه: « فکر قیله‌من ایرته‌دن باشلب زوروانلیکلر رقمی کمه‌یتیریله‌دی. اگر ده سونگی نیچه موردگه دقت قیلسگ، مین‌گه موافقت قیلینگ، کوره‌ی دیک وضعیت قنده‌ی بوله‌دی.»
عین‌حالده، کابل بیلیم یورتی اوقیتووچیسی و سیاسی ایش بیلرمانلردن بیری فیض‌الله جلال نینگ ایتیشیچه، خلق ارا فشارلر و آمریکا حربی‌لرینی افغانستان دن چیقاریش‌گه حاضر بولمه‌گنی سبب، طالبان گروهی زوروانلیک‌نی کمه‌یتیریش‌گه کیلیشگن.
شونینگدیک، حربی ایش بیلرمانلردن بولمیش عتیق‌الله امرخیل نینگ ایتیشیچه، ناتو اوشبو تشکیلات مدافعه وزیرلری نینگ ییغینیده مناسب زمان کیلمه‌گن صورتده، افغانستان نی ترک قیلمه‌یشی خصوصیده قرار قیلگن و ناتو نینگ بو قراری طالبان گروهی اوستیگه تاثیر قویگن. جناب امرخیل گه کوره، مملکتده زوروانلیکلر رقمی کمه‌یشی خصوصیده بیرقطار امیدوارلیکلر بار دیر.
اوتگن کونی جمهور رییس محمداشرف غنی، بی بی سی بیلن اوتکزگن صحبتیده تینچلیک نی ۵ ییل‌لیک دوره‌سی تکمیل ایتیلیشیدن اونملی عنوان قیلگن بیر حالده، اوشبو بیانات‌لر مطرح قیلینگن.
حربی ایش بیلرمانلرنینگ ایتیش‌لریچه، جمهور رییس غنی نینگ نرم یول باریشی زوروانلیکلر کمه‌یتیریلیشی اوستیگه تاثیرلی بولیشی ممکن.