کوکلم موسومی کیلگنی بیلن، ارزگان نینگ منطقه‌لریدن کوپینچه‌سی طبیعی شکلده یم یشیل بوله‌دی که، اوشبو ولایت یشاوچیلری نینگ دم آلیش‌لری اوچون مناسب مکان‌لر نی تشکیل بیره‌دی.
شونده‌ی بیرحالده، ارزگان یشاوچیلریدن قطاری نینگ ایتیش‌لریچه، سونگی قورغاقچیلیک، دم آلیش و طبیعی مکان‌لر بوزیلیشی گه سبب بولگن.
اولر نینگ ایتیش‌لریچه، دم آلیش مکان‌لر نینگ قیته توزلیشی اوچون، اوشبو منطقه‌لرده کیچیک سوو توغان‌لری نینگ توزتیلیشی کیره‌ک.
بیزلرنینگ توییترده هم تعقیب قیلینگ!
ارزگان یشاوچیسی خدایداد الکوزی نینگ ایتیشیچه: «تاغ‌لر و دشت‌لر کوکلم موسومی‌ده یشیل بوله‌ر ایدی و میله و دم آلیش اوچون یخشی ییرلر ایدی، بیراق حاضر ایسه سوو کم‌لیگی سبب، اوشبو یشیل‌لیک‌لر اورته‌دن کیتگن. مذکور منطقه‌لر یشیل‌لیگی نینگ قیته قوریلیشی اوچون بیر حل یول تاپیلیشی نی ایسته‌یمیز.»
شونینگدیک ارزگان یشاوچیلریدن باشقه بیری آغاشیرین نینگ ایتیشیچه: «حکومت توزتگنی پارک‌لر ییگیت‌لر ایسته‌کلری گه مناسب ایمس. مسئوللردن ییگیت‌لر نینگ دم آلیش و میله گه باریش‌لری اوچون مناسب پارک‌لر توزتیلیشی نی ایسته‌یمیز.»
ارزگان یشاوچیلری نینگ کوپه‌یتیریش‌لریچه، حاضر ایسه مذکور ولایت‌ده ایکی دم آلیش مکان‌لر بار، بیراق اوشبو مکان‌لرده، اهالی نینگ خوشی کیله‌دیگن بیر موقعیت یوق دیر.
شونینگدیک ارزگان محلی مسئوللری، طبیعی دم آلیش مکان‌لر نینگ قورغاقچیلیک طفیلی بوزیلگنی نی تصدیقلگنلر.
ارزگان مرکزی ترینکوت بلدیه‌سی محمد‌رفیق هنر نینگ سلام‌وطندار گه ایتیشیچه، موجود بولگن دم آلیش مکان‌لر گه بلدیه نینگ توجه‌سی کوپراق بولگن و طبیعی دم آلیش مکان‌لر نینگ قیته توزتیلیشی اوچون هم، نیچه سوو توغانی ایجاد بولگن.
بیزلرنینگ فیسبوک صحیفه‌میزگه باش اورینگ!
جناب هنر نینگ کوپه‌یتیریشیچه: «خداوند ولایتی‌میز نی شونده‌ی یره‌تگن که، یخشی سوو و طبیعی مکان‌لر گه ایگه دیر. بوتون ولایت‌ده دم آلیش اوچون مناسب ییرلری بار. شونینگدیک ایکی پارکی‌میز هم بار و منطقه‌لردن قطاری‌ده سوو توغان‌لری هم توزتگن‌میز.»
عین حالده، مملکت‌ده سونگی قورغاقچیلیک باشقه وقت‌لر گه قره‌گنده کوپه‌یگن که، اوشبو مسئله ایکینچی‌لیک و چاروه‌چیلیک بولیم‌لری گه هم کوپینچه زیان‌لر ییتیشتیرگن.
