قندوز ده دهقانلردن قطاری نینگ ایتیشلریچه، ایکیش نوبتلری رعایت ایتیلیشی، حاصل بیریش اوچون ییرلر نینگ دواملی بولیشی و حاصلات کوپه‌یشی گه سبب بوله‌دی؛ انه شوو باعث کوپینچه حاصل قولگه کیلتیریش اوچون ایکیش نوبتلری نی رعایت ایتیب و تورلی محصول ایکه‌دیلر.
ایکینچیلیک نی آته‌سیدن اورگنگن ۴۵ یاشر عبدالخالق نینگ ایتیشیچه، ایکینچیلیک محصول نینگ تکرار شکلده ایکیلیشی، حاصلات کمه‌یشی و آفتلر کوپه‌یشی گه سبب بوله‌دی.
اونینگ کوپه‌یتیریشیچه: «هر ییل‌ده بیر محصول نی ایککنی‌میز صورت‌ده، ییر حاصل بیرمه‌یدی؛ تورلی نرسه ایکیش گه مجبور‌میز؛ پخته یا-ده لوبیا ایکسک. ایکینچیلیک ریاستی بو توغریده درس هم بیرگن.»
بیزلرنینگ فیسبوک صحیفه‌میزگه باش اورینگ!
شونینگدیک دهقانلردن باشقه بیری نظرمحمد نینگ ایتیشیچه، دهقانلردن کوپینچه‌سی ایکی موسوم‌ده ایکین‌زارلریدن تورلی محصول قولگه کیلتیره‌دیلر. «بوغدای اورنیده قیته بوغدای ایکسک، حاصل بیرمه‌یدی؛ مثلا بیر محصول فایده بیرمه‌گنی‌ده باشقه بیر محصول ایکه‌میز؛ هر ییل بیر محصول نی کیت‌مه-کیت ایککنیمیزده فایده‌سی یوق.»
باشقه بیر تاماندن، قندوز ایکینچیلیک، سووغاریش و چاروه‌چیلیک ریاستی مسئوللری نینگ ایتیشلریچه، اوشبو ولایت‌ده دهقانلردن ۹۰دن آرتیغی ایکیش جریانیده ایکینچیلر ایکیش نوبتلری نی رعایت ایته‌دیلر.
قندوز ایکینچیلیک، سووغاریش و چاروه‌چیلیک ریاستی نماینده‌سی عبدالبصیر فقیری نینگ ایتیشیچه، ایکینچیلیک بیلیمی کوپه‌یشی و ایکیش توبتلری رعایت ایتیلیشی اوچون، تعلیمی برنامه‌لرنی یولگه قوییگنلر.
اونینگ کوپه‌یتیریشیچه: «ایکیش نوبتلری جوده‌یم فایده‌لی؛ بیر دهقان ایکیش نوبتلری نی رعایت ایتمه‌گنی و کیت‌مه-کیت شکلده بیر محصول نی ایککنی صورت‌ده، حاصلات کمه‌یشی و ایکین‌زارلرده آفتلر ترقه‌لیشی گه سبب بوله‌دی.»
افغانستان نینگ شمال‌شرقی جایلشگن قندوز، یخشی حال بیره‌دیگن ییرلر گه ایگه بولگنی سبب، افغانستان کندوسی گه شهرتی بار و بوغدای، برنج، قاوون و تربوز بو ولایت نینگ اساسی ایکینچیلیک محصولاتی‌دن دیر.
شونینگدیک ایکینچیلیک بوییچه ایش بیلرمانلردن قطاری نینگ ایتیشلریچه، ایکیش نوبتلری نی رعایت ایتیش یاوای اوتلر، اوسیم‌لیک آفتلر و کیمیاوی کودلردن قوللنیشی نینگ کمه‌یشی گه سبب بوله‌دی.
بیزلرنینگ «ایکس» ترماغی ده هم تعقیب قیلینگ!
ایکینچیلیک ایشلری بوییچه ایش بیلرمان فرید‌الله نینگ ایتیشیچه، ایکینچیلیک ییرلر نینگ کوچلنیشی و حاصلات کوپه‌یشی اوچون یگانه یول، ایکیش نوبتلری نی رعایت ایتیش دیر. اونینگ کوپه‌یتیریشیچه: «ایکیش نوبتلری نی رعایت ایتیش، کوپینچه حاصل بیریش، آفتلر نی کنترول قیلیش، یاوای اوتلر نی کنترول قیلیش، توپراق نینگ یخشی ماده‌لری کوپه‌یشی، توپراق نینگ خراب بولمسلیگی، محصول کوپه‌یشی و اقتصادی ریسک نینگ کمه‌یشی گه سبب بوله‌دی. دهقانلر حاصلاتی کوپه‌یشی نینگ اساسی سبب‌لردن بیری ایکیش نوبتلری نی رعایت ایتیش دیر؛ چونکه ایکیش نوبتلری نی رعایت ایتیش توپراق نینگ کوچلنیشی و حاصلات کوپه‌یشی گه سبب بوله‌دی.»
ایکیش نوبتلری نی رعایت ایتیش، ایکین‌زار نینگ تقویت بولیشی و اوسیم‌لیک آفتلری کمه‌یشی گه سبب بوله‌دیگن دورانی شکلده تورلی اوسیم‌لیک‌لر نینگ ایکیش خصوصیده بیر برنامه دیر. دنیا بویلب دهقانلر کیمیاوی دارولر و کودن‌دن قوللنیلیشی کمه‌یشی و توپراق نینگ حاصل بیریش پروسه‌سی یخشی‌لنیشی اوچون ایکیش نوبتلریدن قوللنه‌دیلر.
