مملکت شمال_شرقی ده جایلشگن قندوز، قاوون ایکیش اوچون مناسب ولایتلردن سنلهدی. دهقانلر اوشبو ولایت نینگ خانآباد، علیآباد، چهاردره، امامصاحب تومنلری و قندوز شهری عسقلان منطقهسیده سوولیک و للمی ییرلرده قاوون ایکهدیلر.
قندوزدهگی دهقانلردن قطاری نینگ ایتیشلریچه، بو ییل مذکور ولایتده قاوون حاصلاتی نسبتن یخشی دیر، بیراق وقتیده یامغیر یاغمسلیگی، محصولاتلری تورلی کسللیکلر گه چلینیشی، سودا اوچون بازار و مارکیت یوقلیگی و موتر اجارهسی قیمتلیگی باعث، اولر ایریم قیینچیلیکلر گه روپهره بولگنلر.
قندوز دهگی دهقانلردن بولمیش غلام محمد نینگ سلاموطندار گه ایتیشیچه، بو وضعیت دوام ایتگن تقدیرده، پالیزلرده قاوونلری خراب بولیب و کتته زیان کورهدیلر.
بیزلرنینگ فیسبوک صحیفهمیزگه باش اورینگ!
قندوز ده دهقانلردن باشقه بیری محمدالله، موترلر اجارهسی قیمتلیگی باعث، قاوونلرینی قوشنی ولایتلر و مرکز گه انتقال بیره آلمسلیک لریدن شکایت قیلهدیلر.
دهقانلر گه کوره، مذکور ولایت قاوونلری صفت لحاظ دن مثلسیز دیر و اسلامی امارت اولر نینگ محصولاتی گه بازار تاپیشی کیرهک.
عینحالده، قندوز دهگی سوداگرلردن بیری گلاعلی، تیل قیمتلیگیدن خواطر بیلدیریب ایتیشیچه، بو وضعیت اولرنی قیینچیلیککه روپهره قیلگن.
اونگه کوره، اوتگن ییللرده بیر موتر قاووننی پاکستان گچه انتقال بیریش اوچون ۱۷۰ مینگ افغانی اجاره توللر ایدیلر، بیراق بو ییل موتر اجارهسی ۴۰۰ مینگ افغانی تمام بولهدی.
سوداگرلر نینگ ایتیشلریچه، حاضر قندوز ده بیر سیر قاوون ۱۲۰ افغانی ساتیلهدی، قوشنی ولایتلر و چیت ایل گه صادر بولمهگن تقدیرده، دهقانلر نینگ چیککن زحمتلری ضایع بولهدی.
شو بیلن بیرگه قندوز ایکینچیلیک، سوغاریش و چارواچیلیک سرپرستی عبدالغفار صدیقی نینگ ایتیشیچه، بو ییل دهقانلر ۳۶۰۲ هکتار سوولی ییر و ۱۳۶۰هکتار للمی ییرده قاوون ایککنلر.
بیزلرنینگ توییترده هم تعقیب قیلینگ!
اونگه کوره، پالیزلردهگی محصولاتلرنی کسل آلیشی باعث، دهقانلر نینگ ۲۰ فایز حاصلاتی زیان کورگن. ایکینچیلیک ریاستی سرپرستی نینگ کوپهیتیریشیچه، ایکینچیلیک محصولاتلری زیان کورمسلیگی اوچون دهقانلر گه دارو بیریلگن.
هر ییلی قندوز قاوونی قوشنی ولایتلر، کابل و پاکستان گه صادر بولر ایدی؛ بیراق بو ییل حاضرگه قدر صادر بولمهگن. قندوز ده اینگ اعلا قاوون عسقلانی، زرمتی، قندک و استامبولی دیر.
