قندوز شهری نینگ اوچینچی ناحیه یشاوچیلریدن قطاری، ساغلیق خذمتلر کملیگیدن شکایت قیلیب سلام‌وطندار گه ایتیشلریچه، ساغلیق ایشلاوچیلری کسل‌لر قیین‌چیلیگی نی درست بیرشکلده حل قیلمه‌ی و کسل‌لر یقین‌لری بیلن درست رفتار قیلمه‌یدیلر.
قندوز شهری اوچینچی ناحیه یشاوچیسی بولمیش محمد‌سلیم نینگ ایتیشیچه، «باغ شرکت» ساغلیق مرکزی ایشلاوچیلری، کسل‌لر قیین‌چیلیگی نی درست بیر شکلده حل قیلمه‌ی و اولر نینگ یقین‌لری بیلن درست رفتار قیلمه‌یدیلر.
بیزلرنینگ فیسبوک صحیفه‌میزگه باش اورینگ!
اونگه کوره، مذکور ساغلیق مرکز ایشلاوچیلری کسل یقین‌لریدن ساوغه آلیش نی ایسته‌یدیلر و ایسته‌کلری نینگ قبول بولگونگه قدر، کسل‌لر گه خذمتلر ارائه بولمه‌یدی.
محمد‌سلیم نینگ کوپه‌یتیریشیچه: «شفاکارلر ساغلیق خذمتلر اورنیده ساوغه و بعضی ایکینچی‌لیک محصول‌لر نی ایسته‌یدیلر. اهالی بیلن درست رفتار قیلمه‌یدیلر، درست اخلاق‌لری یوق، اهالی نی کوپ آزار بیره‌دیلر. شفاکارلر ایسته‌کلری بیریلمه‌گن صورت‌ده، کسل‌لر درست معاینه بولمه‌یدی. اهالی اذیت بولگنی اوچون کلینیککه بارمه‌یمیز دیه‌دیلر؛ چونکه داکترلر درست توجه قیلمه‌یدی.»
شونینگدیک قندوز شهری اوچینچی ناحیه یشاوچیلریدن باشقه بیری احمد‌فرید، «باغ شرکت» ساغلیق مرکزی ایشلاوچیلری نینگ نادرست رفتاری‌دن شکایت قیلیب و حکومت‌دن اهالی قیین‌چیلیگی نینگ حل قیلینیشی نی ایسته‌یدی.
اونگه کوره، مذکور کلینیک‌ده قابله و باشقه شفاکارلر بار؛ بیراق کسل‌لر نی درست درمان قیلمه‌ی و اولر بیلن درست رفتار قیلمه‌یدیلر.
شونده‌ی بیرحالده، قندوز ساغلیق نی سقلش ریاستی مسئوللری نینگ ایتیشلریچه، اولر نینگ نظارت تیم‌لری دایم مذکور ولایت تومن‌لری و قندوز شهری ساغلیق مرکزلری نی تیکشیره‌دیلر و نادرست بیر نرسه نی کورگن‌لری صورت‌ده، مذکور کیشی‌لر بیلن جدی یانده‌شیلیشی ممکن.
قندوز ساغلیق نی سقلش ریاستی سرپرستی رحمت‌الله توتاخیل، «باغ شرکت» ساغلیق مرکزی‌ده‌گی قیین‌چیلیک‌لر نی رد قیلیب؛ بیراق ایتیشیچه، بو کبی قیین‌چیلیک‌لر نینگ حل قیلینیشی اوچون تیزلیککه بیلن اقدام قیلیش‌لری ممکن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «حقیقتاً ساغلیق بولیمی بویوک بیر بوییم دیر و کلینیککه مراجعت قیلووچیلر سانی کوپ دیر. بو کبی کیچیک قیین‌چیلیک‌لر بار؛ بیراق الحمد‌الله ساغلیق نی سقلش رهبری‌لیگی‌ده نظارت تیم‌لری بار و مذکور تیم‌لر ایش و فعالیت‌لری نی اوزلری انجام بیره‌دیلر. قیرده بو کبی قیین‌چیلیک بولگنی صورت‌ده، باریب تیکشیره‌میز و مسئول کیشی گه بو رقم مسئولیت‌سیزلیک قیلمه‌یشی خصوصیده توصیه بوله‌دی.»
ایتیش کیره‌ک که، قندوز نینگ تورلی‌خیل تومن‌لر یشاوچیلری، بوندن آلدین هم ساغلیق خذمتلر کم‌لیگی یا-ده قول تاپه آلمسلیک خصوصیده شکایت قیلگن ایدیلر.