آمریکا قوشمه ایالت‌لری و هندوستان اوتگن کونی (سه‌شنبه، ۲۳ حمل) قوشمه بیر بیانیه ترقه‌تیب پاکستان‌دن، تروریسم گه قرشی کوره‌ش اوچون «تیزلیک) بیلن اقدام قیلیشینی سوره‌گنلر.
آمریکا و هندوستان رسمی‌لری مذکور بیانیه‌لریده، پاکستان کنترولی‌ده بولگن هیچ بیر منطقه‌دن، تروریستیک هجوم‌لر اوچون استفاده بولمسلیکلریدن ایشانچ‌لری کامل بولیشنی تأکید ایتگن‌لر.
بیزلرنینگ فیسبوک صحیفه‌میزگه باش اورینگ!
بیانیه‌ده کیلیشیچه، هندوستان «تروریستیک یاشیرینچ کوچلر)دن هرقنده‌ی فایده‌لنیشنی محکوم قیله‌دی و ۱۱ سپتامبر، ۲۶ ممبئی و پتانکوت هجوم عامل‌لری محکمه بولیشنی سوره‌یدی.
شونینگدیک هندوستان اسلامی امارت‌دن، بیرلشگن ملت‌لر تشکیلاتی نینگ خوفسیزلیک کینگشی قطع‌نامه‌سی گه بیرگن وعده که اونگه اساس، افغانستان توپراغیدن باشقه اولکه‌لرگه هجوم بولمسلیگی کیره‌ک، توخته‌ب و بشر حقوقی اینیقسه خاتین قیزلر، باله‌لر و آزچیلیک قوم‌لر نینگ حقوقی گه حرمت قیلیشینی طلب قیلگن.
بیزلرنینگ توییترده هم تعقیب قیلینگ!
اوشبو بیانیه، اوتگن کونی آمریکا قوشمه ایالت‌لری و هندوستان آره‌سیده «۲+۲» تورتینچی مذاکره‌لر یکونیده ترقه‌لگن. مذکور مذاکره‌لرده هندوستان نینگ تشقی ایشلر و مدافعه وزیرلری آمریکالیک همکسب‌لری بیلن اشتراک ایتگن ایدیلر.
