ایکینچیلیک، چاروه‌چیلیک و سوغاریش وزیرلیگی بیرلشگن ملت‌لر نینگ آزیق-آوقات و ایکینچیلیک تشکیلاتی همکارلیگی بیلن، مملکت نینگ ۳۴ ولایتی‌ده «لمپی اسکین» کسللیگی گه قرشی ایملش کمپاینی نی باشلگن.
اوشبو وزیرلیک معینی صدراعظم عثمانی نینگ ایتیشیچه، لمپی اسکین کسللیگی گه توسیق بولیش اوچون ۳ میلیون ۹۷۵ مینگ سیگیر نینگ اوشبو ویروس گه قرشی ایملنیشی ممکن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، سیگیرلر نینگ لمپی اسکین گه چلینمه‌‌یشی اوچون، تخنیکی تیم‌لر ایکینچیلیک و چاروه‌چیلیک بیلن شغللنگن یشاوچیلر ساحه‌سی گه، لمپی‌اسکین خطرلری حقیده معلومات بیریش خصوصیده یوباریلگنلر.
جناب عثمانی گه کوره: «افغانستان یشاوچیلریدن ۸۰ الی ۸۵ فایزی ایکینچیلیک و چاروه‌چیلیک بیلن شغللنگن. اوشبو کسل‌لیک‌دن توسیق بولیش اوچون تخنیکی تیم‌لری‌میز نی ساحه گه یوباردیک و ۲ لک ۷۵ مینگ اهالی گه آگاهی‌لیک پیغامی نی چاپ قیلدیک که بو رقم، اهالی اوشبو ویروس خطرلری خصوصیده معلومات‌لری کوپه‌یسین.»
حیوانی کسل‌لیک‌لر و آفت‌لر بولیمی آمری عبدالحسن قانع نینگ ایتیشیچه، لمپی اسکین کسللیگی نینگ ترقه‌لیشی‌دن توسیق بولینمه‌گنی پیتده، سیگیرلردن کوپ قطاری تلف و اولر نینگ محصول‌لری کمه‌یب و نهایت‌ده، اقتصادی قیین‌چیلیک‌لر گه سبب بوله‌دی.
بیزلرنینگ توییترده هم تعقیب قیلینگ!
جناب قانع نینگ کوپه‌یتیریشیچه: «اوشبو ویروس اقتصادی تاثیرلری کوپ دیر. مملکت اقتصادی خصوصیده سلبی تاثیری بار که، اوتگن ییل حیوان محصول‌لری کمه‌‌یدی. اوشبو کسل‌لیک‌دن توسیق بولیش اوچون واکسین قیلیش فایده‌لی یول‌لردن بیری دیر. قرنطین کبی باشقه بیر قطاری معیار‌لر هم بار.»
لمپی اسکین، سیگیرلرده ویروسی بیر کسل‌لیک دیر که، سیگیرلر پوستی‌ده اورته گه کیلیب و حیوان‌لر نینگ اریغ‌لیگی، کم‌اشتها بولیشی، سوتی قوریشی و نهایت سیگیر نینگ اولیمی گه سبب بوله‌دی.
