فاریاب ده‌گی محلی منبع‌لر، اوشبو ولایت نینگ قیصار تومنیده ییتتی یاشر بیر باله حوض ده چوکیب هلاک بولگنیدن خبر بیره‌دیلر. منبع‌لر گه کوره، مذکور واقعه شنبه کونی، ۹ ثور، قیصار تومنی «سیرآسیاب» قیشلاغیده یوز بیرگن. فاریاب امنیه قوماندان‌لیگی مطبوعاتی دفتری بیر بیانیه ترقه‌تیب ایتیشیچه، «سیدنادر» اسملی اوشبو باله ییتتی یاشر ایکن.
بیرلشگن ملت‌لر تشکیلاتی دوشنبه کونی، ۱۱ ثور، قطر پایتختی دوحه شهری ده اسلام امیرلیگی بیلن قنده‌ی تعامل قیلیش اسلوب‌لری خصوصیده ایکی کون‌لیک ییغیلیش اوتکزیشی کوتیله‌دی. مذکور ییغیلیش، بیرلشگن ملت‌لر تشکیلاتی باش کاتبی آنتونیو گوترش و قطار مملکت‌لر نینگ نماینده‌لری و اسلام امیرلیگی نماینده‌سی حضورسیزلیگی بیلن یاشیرینچ شکلده اوتکزیلیشی ممکن. اوشبو ییغیلیش ایریم قرشی‌لیکلر گه روپه‌ره بولگن.
حج و اوقاف وزیرلیگی سرپرستی نور‌محمد ثاقب، بوگون حکومت نینگ میدیالر و اطلاعات مرکزی‌ده یولگه قوییلگن خبری بیر ییغین‌ده، جاری ییل افغانستان نینگ ۳۰ مینگ فقراسی حج مراسمی گه اشتراک قیلیشی کوتیله‌دی دیگن.
ایکینچیلیک، چاروه‌چیلیک و سوغاریش وزیرلیگی بیرلشگن ملت‌لر نینگ آزیق-آوقات و ایکینچیلیک تشکیلاتی همکارلیگی بیلن، مملکت نینگ ۳۴ ولایتیده «لمپی اسکین» کسل‌لیگی گه قرشی ایملش کمپاینی نی باشلگن.
طبیعی آفت‌لرنی باشقریش ایشلری بوییچه دولت وزیرلیگی گه کوره، مملکت نینگ بیش ولایتیده طبیعی آفت‌لر عاقبتیده چمه‌سی ییتتی کیشی هلاک بولیب و باشقه ۱۰ دن آرتیق کیشی یره‌لنگن. طبیعی آفت‌لرنی باشقریش ایشلری بوییچه دولت وزیرلیگی سوزلاوچیسی شفیع‌الله رحیمی، بوگون (یک‌شنبه، ۱۰ ثور) بیر ویدیو ترقه‌تیب ایتیشیچه، مذکور کیشی‌لر بیر ثور دن ۱۰ ثور گچه، تورلی خیل طبیعی آفت‌لر عاقبتیده اولیب و یره‌لنگنلر.
اوزبیکستان میدیالری نینگ معلوماتی اساسیده، اوشبو مملکت یشاوچیلری اساسی قانونلری اصلاحاتی اوچون ریفراندوم گه اشتراک ییتیب آواز بیرماقدهلر.
ننگرهار خوفسیزلیک مسئوللری نینگ تصدیق قیلیش‌لریچه، اوشبو ولایت‌ده ییر اوستیده جنجل سبب، ییتی کیشی یره‌لنگن.
مملکت شرقی ده جایلشگن لغمان نینگ ۸۰ فایز یشاوچیلری ایکینچیلیک ایشلری بیلن مصروف دیر. اوشبو ولایت یشاوچیلری تورلی خیل سبزه‌وات اینیقسه سریمساق (سیر) ایکه‌دیلر. لغمان ده‌گی دهقان‌لر نینگ ایتیشلریچه، اوتگن ییل‌لر گه نسبتن بو ییل سریمساق یخشی حاصل بیرگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
