قزاقستان دن کیین، قرقیزستان رسمی شکلده تقیق‌لنگن گروه‌لری رویخطیدن اسلام امیرلیگی آتی نینگ چیقریلگنی نی اعلام قیلگن. قرقیزستان تشقی ایشلر وزیرلیگی آرقه‌لی ترقه‌تیلگن بیانیه‌ده، بو اقدام‌دن مقصد افغانستان و منطقه‌ده ثبات نینگ کوچلنیشی دییلگن.
قرقیزستان تشقی ایشلر وزیرلیگی نینگ ایتیشیچه، افغانستان و منطقه‌ده ثباتلی و تینچ محیط‌نی تامین‌لش مقصد خلق‌ارا جمعیت نینگ سعی‌وحرکت‌لرینی قوللب-قوتلشگه متعهد دیر.
شونده‌ی بیرحالده، اسلام امیرلیگی سوزلاوچیسی اورین‌باسری حمد‌الله فطرت، قرقیزستان قراریدن خورسند‌لیک قیلیب و اونی علاقه‌لر کینگه‌یشی برابریده توسیق‌لیک نی اورته‌دن کیتگزیلیشی اوچون بیر اقدام دیگن.
اونینگ کوپه‌یتیریشیچه: «باشقه بیر قطار مملکتلر یانیده، قرقیزستان نینگ بو اقدامی، منطقه و دنیا ده افغانستان اسلام امیرلیگی رابطه‌سیده سیاسی درک نی یره‌تیش نی بیلدیریب و اسلام امیرلیگی بیلن باشقه مملکتلر آره‌سیده ایکی تامانلمه علاقه‌لر نینگ کوپراق کوچلنیشی برابریده‌گی توسیق‌لیکلرنی اورته‌دن کیتگزیش معناسیگه دیر.»
بیزلرنینگ «ایکس» ترماغی ده هم تعقیب قیلینگ!
خلق‌ارا رابطهلر بیلرمانلریدن قطاری نینگ ایتیشلریچه، قرقیزستان آرقه‌لی تقیق‌لنگن گروه‌لری رویخطیدن اسلام امیرلیگی آتی چیقریلگنی، اورته آسیا مملکتلری بیلن افغانستان علاقه‌لری کینگه‌یشیگه سبب بولیشی ممکن. خلق‌ارا رابطهلر بیلرمانلریدن شمشادعزیز کاظمی نینگ ایتیشیچه، بو اقدام اسلام امیرلیگی رسمیت گه تانیلیشی اوچون بیر آدیم بوله آله‌دی.
اونینگ کوپه‌یتیریشیچه: «بو اقدام افغانستان ده بیر دولت و ینگی بیر حاکمیت صفتیده افغانستان نینگ رسمیت گه تانیلیشی خصوصیده فایده‌لی بولیشی یاردم بیره‌دی و شونینگدیک قوشمه تهدیدلر بولگن قرقیزستان و افغانستان کبی بولگن مملکتلر نی بیر بیری بیلن قرشی‌لشتیریب و اونینگ بیلن قرشی کوره‌ش خصوصیده زمانه‌وی استراتژی نی تدوین قیلسه.»
بو بیلن بیرگه، قرقیزستان باش وزیری عقیل‌بیگ جباروف نینگ اعلام قیلیشیچه، مملکتی حمل‌نقل، کان منبع‌لری نینگ قوشمه شکلده رواجلنیشی و انرژی توغریسده همکارلیک، صناعت و ایکینچیلیک بولیم‌لریده افغانستان بیلن اقتصادی و تجاری علاقه‌لر کینگه‌یشی گه قیزیققن دیر.
شونده‌ی بیرحالده، صناعت و سوداگرلیک وزیرلیگیده مسئوللر نینگ ایتیشلریچه، جاری میلادی ییل نینگ سکیز آیی‌ده افغانستان و قرقیزستان آره‌سیده‌گی تجاری آلیب بیریلیشلر میزانی ۱۴ میلیون دالر بولگن.
اوشبو وزیرلیک سوزلاوچیسی آخوندزاده عبدالسلام جواد نینگ ایتیشیچه: «۲۰۲۴-ییل نینگ سکیز آیی جریانیده قرقیزستان بیلن افغانستان نینگ تجارتی، ۱۴ میلیون دالر بولگن که بو آره‌ده آلتی میلیون دالری صادرات و سکیز میلیون دالری واردات دیر. قرقیزستان مملکتی گه دیگ‌بخار، معدنی سوو، کنجد، قالین و گازلی ایچیم‌لیک صادر بولگن. قرقیزستان دن ایسه پترول، بادام، هنگ، قوروق سوت و طبیعی گاز وارد بولگن.»
اقتصادی مسئله‌لر بیلرمانلریدن قطاری افغانستان نینگ جغرافیایی موقعیتی و طبیعی منبع‌لری گه اشاره قیلیب ایتیشلریچه، افغانستان بیلن مرکزی و جنوبی آسیا مملکتلری نینگ علاقه‌لری کینگ‌یشی برچه تامانلر فایده‌سی گه دیر.
بیزلرنینگ فیسبوک صحیفه‌میزگه باش اورینگ!
اقتصادی مسئله‌لر بیلرمانلریدن عبدالظهور مدبر نینگ ایتیشیچه، افغانستان بیلن قرقیزستان علاقه‌لری کینگه‌یشی حمل‌نقل و انرژی بولیم‌لریده بویوک اقتصادی فایده‌لر گه سبب بولیشی ممکن.
اونینگ کوپه‌یتیریشیچه: «افغانستان طبیعی منبع‌لر نقطه‌ی نظریدن کوپ بای مملکتلردن بیری دیر. قوشنی و منطقه مملکتلر جمله‌دن قرقیزستان گه، افغانستان قیمتلی. اورته آسیا مملکتلریگه باغله‌نیش بیلن بیر قطار نرسه‌لردن فایده‌لنیشیمیز ممکن. شونینگدیک افغانستان اساسی موقعیت گه ایگه، ژئوپولیتیک و استراتژیک نقطه‌ی نظریدن قوشنی، آسیا جنوبی و اورته آسیا مملکتلری گه ارتباطی بیر کوپریک تعریف بوله‌دی.»
اسلام امیرلیگی اوتگن اوچ ییل‌ده مرکزی آسیا مملکتلری بیلن کینگ تعاملی بولیب و بو مملکتلردن قطاری بیلن تجاری و اقتصادی قراردادلر هم امضالگن؛ لیکن ینه هم حاضرگچه هیچ بیر مملکت سرپرست حکومت نینگ رسمیت گه تانیمه‌گن.
بوندن آلدین قزاقستان اسلام امیرلیگی آتی نی تقیق‌لنگن گروه‌لر رویخطیدن چیقریب و شونینگدیک روسیه هم اسلام امیرلیگی آتی نی تقیق‌لنگن گروه‌لری رویخطیدن چیقریش گه تیارگرلیک بیلدیرگن دیر.
