قطر نینگ یوقاری مرتبه‌لی هیاتی، قندهار ده اسلام امیرلیگی ییریک رسمی‌لری بیلن اوچره‌شگن.
جمهورلیک ریاستی سرای (ارگ) اوز توییتری ده، جمعه کیچه، ۲۲ ثور، قطر باش وزیری و اوشبو مملکت تشقی ایشلر وزیری محمد بن عبدالله آل‌ثانی، مذکور مملکت نینگ استخبارات باشلیغی عبدالله الخلیفی و همراه هیاتی، قندهار ده اسلام امیرلیگی باش وزیری محمدحسن آخوند بیلن اوچره‌شگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
اوشبو اوچره‌شووده، اسلام امیرلیگی و قطر مناسبت‌‌لری مستحکم‌لنیشی، تعلیم، تحصیل، ساغلیک و اقتصادیات ساحه‌لرده همکارلیک قیلیش اوستیده بحث ایتیلگن.
شونینگدیک، اسلام امیرلیگی باش وزیری محمدحسن آخوند، قطر نینگ افغانستان خلقی بیلن دایمی همکارلیک‌لریدن منتدارلیک بیلدیریب و اوشبو مملکت دن اسلام امیرلیگی بیلن دایمی همکارلیک‌لری گه دوام بیریشینی طلب قیلگن.
بیزلرنینگ توییترده هم تعقیب قیلینگ!
قطر میلادی ییل نینگ جاری آیی ده، ۲۰ مملکت و اسلامی همکارلیکلر تشکیلاتی مخصوص نماینده‌لری حضوری بیلن بیرلشگن ملت‌لر تشکیلاتی باش کاتبی ییغیلیشیدن میزبان‌لیک قیلگن بیرحالده، قطر هیاتی افغانستان گه سفر قیلگن.
مذکور ییغیلیش ده، افغانستان وضعیتی اوستیده بحث ایتیلگن.
