قندهار ده باغ‌دارلردن قطاری نینگ ایتیشلریچه، اوشبو ولایت‌ده انار محصول‌لری بیر تامان‌دن اوسیم‌لیک آفت‌لری سبب زیان کوریب و باشقه بیر تامان‌دن انار صادراتی جریانیده کوپینچه قیین‌چیلیک‌لر بیلن روپه‌ره‌‌لر. اولر نینگ کوپه‌یتیریشلریچه، شونینگدیک پاکستان تامانی سپین‌بولدک چیگره‌سیده، اولر گه قیین‌چیلیک یره‌ته‌دی.
مذکور باغ‌دارلر سرپرست حکومت‌دن، آسیا و اروپا مملکت‌لری گه محصول‌لری نینگ صادراتی اوچون، بدیل یول‌لر یره‌تیلیشی نی ایسته‌گنلر.
قندهار ده باغ‌دارلردن بیری عصمت‌الله نینگ ایتیشیچه: «بو ییل انار حاصلاتی یخشی ایمس، چونکه آفت زیان ییتیشتیرگن. اسلام امیر‌لیگی‌دن انار نینگ باشقه مملکت‌لر گه صادر قیلیشی‌میز اوچون هوایی دهلیزلر ایجاد بولیشی نی ایسته‌یمیز.»
بیزلرنینگ فیسبوک صحیفه‌میزگه باش اورینگ!
قندهار ده باغ‌دارلردن باشقه بیری سلطان‌محمد، مسئوللردن اوشبو ولایت انار حاصلاتی صادراتی اوچون، آسایشته‌لیک یره‌تیلیشی نی ایسته‌گن. «افغانستان ده فایده‌سی یوق، چونکه بو ییرده انار کوپ بار و سیر سیر ساتیله‌دی. شونینگدیک انار قیمتی حاضر ۶۰۰-۷۰۰ کلدار بولگن. انه شوو سبب اسلام امیر‌لیگی‌دن انار نینگ باشقه مملکت‌لر گه هم صادر بولیشی نی ایسته‌میز.»
شونده‌ی بیرحالده، قندهار ده انار سوداگرلریدن قطاری نینگ ایتیشلریچه، پاکستان دایم ییغیم_تیریم موسومی ییتیب کیلگنی پیتده، سپین‌بولدک قتناو یولی نی یاپه‌دی و سوداگرلر و ایکینیچیلر محصول‌لری نینگ وقتی‌ده انتقال بیره آلمه‌یدیلر.
قندهار ده تازه میوه سوداگرلریدن نانی‌آغا نینگ سلام‌وطندار گه ایتیشیچه، نیچه کون‌گچه تازه میوه یوکلنگن موتر‌لر نینگ پاکستان گه اوتیشی اوچون رخصت بیریلمه‌یدی که، انه شوو سبب میوه‌لر خراب بولیب و سوداگرلر ساته آلمه‌یدیلر. «بو ییل انار کیچ پیشدی، چون هوا ساووق ایدی، حاضر انار حاصل بیرگن، بیراق پاکستان ده اونینگ ساتیلیشی قیین دیر، ینه هم بو قیین‌چیلیک حلی اوچون سعی و حرکت قیله‌میز، بیراق کوپ قیمت بوله‌دی، تیل هم قیمت دیر. پاکستان ده کوپینچه قیین‌چیلیک یره‌ته‌دیلر که، افغانستان ده هم اوز قیین‌چیلیگی‌میز آز ایمس.»
شونده‌ی بیرحالده، قندهار سوداگرلیک اتاق مسئوللری اوشبو قیین‌چیلیک‌لر نینگ تصدیق‌لب بیراق ایتیشلریچه، پاکستان تامان میوه انتقال بیریلیشی و صادرات خصوصیده سوداگرلر گه قیین‌چیلیک یره‌تیلمه‌سلیگی گه سوز بیرگن.
بیزلرنینگ «ایکس» ترماغی ده هم تعقیب قیلینگ!
قندهار سوداگرلیک اتاق اورین‌باسری عبدالباقی نینگ ایتیشیچه، حاضر ایسه قندهار اناری بیر قیین‌چیلیک بولمه‌سدن و عادی شکلده پاکستان و بو یول آرقه‌لی هندوستان گه صادر بوله‌دی. اونینگ کوپه‌یتیریشیچه: «بو ییل میوه صادراتی جریانیده، پاکستان بیلن قیین‌چیلیگی‌میز یوق، چونکه ۳ آی آلدین و تازه میوه‌لر نینگ ییغیم-تیریم موسومی ییتیب کیلمه‌سدن، اولر بیلن جلسه‌میز بار ایدی. قندهار ده پاکستان کنسولی و تشقی علاقه‌لر بولیمی باشلیغی بیلن، صحبت قیلگن ایدیک و اولر میوه صادراتی جریانیده، بیر قیین‌چیلیک چیقمه‌سلیگی و اضافه سالیق آلینمه‌سلیگی خصوصیده سوز بیرگنلر.»
افغانستان‌لیک سوداگرلر گه کوره، پاکستان افغانستان ده میوه نینگ ییغیم-تیریم جریانیده، تورلی بهانه‌لر گه تورخم و سپین‌بولدک یوللری نی یاپیب و اولر گه کوپینچه مالی زیان‌لر نی ییتیشتیره‌دی.