قندهار و هلمند ولایتلری محلی رسمی‌لری نینگ ایتیشلریچه، بو ولایتدهگی مینگ‌دن آرتیق شخصی چاروه‌چیلیک فارمی و سیگیر باقووچی چاروه‌دارلر آرقه‌لی کونده ۱۵۰ مینگ لیتر سوت ایشلب چیقاریله‌دی.
اوشبو مسووللرگه کوره، بو جمله‌دن ۱۲۰ مینگ لیتر سوت قندهار ده و ۳۰ مینگ لیتر سوت ایسه هلمند ده ایشلب چیقاریله‌دی که بو ایکی ولایت نینگ ایچکی نیازلری اوشبو چاروه‌چیلیک بیلن تامین‌لنه‌دی.
بیزلرنینگ «ایکس» ترماغی ده هم تعقیب قیلینگ!
شونینگدیک اولر نینگ کوپه‌یتیریشلریچه، اوشبو ایکی ولایتدهگی موجود فارملر نینگ ستندردلشتیریش اوچون سعی‌وحرکتلر نینگ دوامی بار.
شونده‌ی بیرحالده، قندهار ایکینچیلیک، سووغاریش و چاروه‌چیلیک ریاستی نینگ ایکینچیلیک بوییچه عمومی مدیری عتیق‌الله نینگ ایتیشیچه، مذکور ولایت‌ده ۹۵۰ سیگیر فارمی بار و مذکور فارم‌لردن کونده ۱۲۰مینگ لیتر سوت ایشلب چیقریله‌دی. اونینگ کوپه‌یتیریشیچه: «معلوماتلر اساسیده، قندهار ده ۹۵۰ سیگیر فارمی فعالیت قیلماقده و قریب ۱۲۰ مینگ لیتر سوت ایشلب چیقریله‌دی.»
شونینگدیک هلمند ایکینچیلیک، سووغاریش و چاروه‌چیلیک ریاستی نینگ ایکینچیلیک بوییچه عمومی مدیری شاه‌محمد نینگ ایتیشیچه، کونده سیگیر باقووچی چاروه‌دارلر و چاروه‌چیلیک فارملریدن ۳۰-۳۲ مینگ لیتر سوت ایشلب چیقریله‌دی که، مذکور ولایت یشاوچیلری نینگ نیازلرینی تامین‌له‌یدی. «هلمند ده اوی‌لریده سیگیر سقله‌یدیگنلر و چاروه‌چیلیک فارملریدن کونده ۳۰-۳۲ مینگ لیتر سوت قولگه کیله‌دی.»
شونده‌ی بیرحالده، هلمند ده‌گی فارم‌دارلردن قطاری سوت قیمتی آزلیگی و مناسب بازار یوقلیگی‌دن شکایت قیله‌دیلر.
هلمند ولایتی مرکزی لشکرگاه شهری نینگ بولان منطقه‌سیده‌گی یشاوچیلردن حکمت‌الله و عبدالخالق نینگ ایتیشلریچه، ییتی میلیون افغانی خره‌جت بیلن سیگیر فارمینی ایجاد قیلگنلر؛ بیراق پودری سوت وارد بولینیشی، سیگیر باقیلیش نینگ ستندرد اصوللریدن آگاهی‌سیزلیک و تازه سوت قیمتی آزلیگی، چاروه‌چیلیک فارمی و سیگیر باقووچی چاروه‌دارلر برابریده‌گی قیین‌چیلیکلردن بولیب و اولر نینگ زیان کوریشلری گه سبب بولگن.
بیزلرنینگ فیسبوک صحیفه‌میزگه باش اورینگ!
حکمت‌الله نینگ ایتیشیچه: «قیین‌چیلیگیمیز سیگیر باقیش خصوصیده آگاهی‌سیزلیک، بازار یوقلیگی و قیمت‌لر آزلیگی بولیمی‌ده دیر. اوتگن ییل تورت یریم کیلو سوت نی ۱۵۰ افغانی ساته‌ر ایدیک؛ بیراق بو ییل ایسه ۱۲۰ افغانی ساته‌میز.»
شونینگدیک عبدالخالق نینگ ایتیشیچه: «بو فارم‌ده ۲۴ ته سیگیر بار که اولردن ۱۷ ته‌سی سوت بیره‌دیگن سیگیر دیر. سوت ساتیلیشی اوچون درست بازار یوق. بازار گه سوت آلیب بارگنیمیزده قیمتی آز دیر و قولگه کیلتیره‌دیگنیمیز بو پول بیلن سیگیرلریمیز نی هم باقه آلمه‌یمیز.»
عین حالده، قندهار و هلمند ولایت‌لریده‌گی «میلکو» خصوصی شرکتی مسئوللری نینگ ایتیشلریچه، کونده کمیده ۵۰ مینگ لیتر سوت توپلب و اونینگ بیلن ۳۶ تور سوت محصولاتی نی ایشلب چیقره‌دیلر. اولر نینگ کوپه‌یتیریشلریچه، تازه سوت نی کیچیک و بویوک فارم‌لردن مناسب قیمت بیلن ساتیب آله‌دیلر.
اوشبو شرکت نینگ تازه سوت توپله‌یدیگن بولیمی مسئولی جلال‌احمد جلال نینگ ایتیشیچه: «کونده کمیده ۵۰ مینگ لیتر سوت نی قندهار و هلمند ولایت‌لریدن توپله‌یمیز و قریب ۵ مینگ سیگیر باقه‌دیگن کیشی بیر کیلوگرام‌دن ۱۰۰۰ کیلوگرام گه قدر سوت آلیب کیله‌دیلر.»
ایتیش کیره‌ک که حاضر ایسه قندهار و هلمند ولایتلریده ۱۰۳۰ سیگیر باقووچی فارملر نینگ فعالیتی بار. ایشانچلر گه کوره، مملکت یشاوچیلری وارداتی سوت اورنیده ولایت‌لرده تولید بوله‌دیگن تازه سوت‌دن قوللنگنلری صورت‌ده، سیگیردارلر قیین‌چیلیگی حل بولیشی گه علاوه، یشاوچیلردن کوپ قطاری نینگ کیچیک و بویوک چاروه‌چیلیک فارمی نی ایجاد قیلیش گه تشویق بولیشلری ممکن.
