هلمند نینگ اینگ اونملی درآمد منبع‌سی ایکینچیلیک و چارواچیلیک دیر. انه شوو سبب، حاضر ایسه اوشبو ولایت‌ده سوت ایشلب چیقاریش اوچون سیگیر تربیه‌لش خصوصی فارم‌لر کوپه‌یگن دیر.
اوشبو فارم‌لر ایگه‌لریدن قطاری نینگ ایتیش‌لریچه، اوشبو فارم‌لر ساده و ایسکی طریقه بیلن توزه‌تیلگنی بیرحالده، بیراق اوشبو فارم‌لرده سوت ایشلب چیقاریش اوچون ۶۰ الی ۸۰ رأس سیگیر سقلنه‌دی.
اولر نینگ ایتیش‌لریچه، ایشلری کوپ فایده‌لی دیر و شونینگدیک بیر قطاری کیشی گه ایش زمینه‌سی فراهم بولگن.
بیزلرنینگ فیسبوک صحیفه‌میزگه باش اورینگ!
مذکور فارم‌لر نینگ ایگه‌لریدن بیری محمدولی نینگ ایتیشیچه: «سیگیرلر کوپ فایده‌لی دیر. بیر سیگیر نی آلیگنیم پیتده، بیر قنچه مدت‌دن کیین، بیر یریم برابر فایده قولگه کیلتیره‌من. انسان اوز ایشیدن خجالت بولمه‌یشی کیره‌ک. چونکه بو ایش هم حلال و هم فایده‌لی دیر.
شونینگدیک فارم‌لر ایگه‌لریدن باشقه بیری جمعه خان نینگ ایتیشیچه: «یخشی بیر سیگیر نینگ قیمتی بیر یریم لک‌دن باشلنیب ۸ لک‌کچه باره‌دیر. بیزلر پرورش بیره‌یاتگن سیگیرلر نینگ قیمتی ۴ یا-ده ۴ یریم لک دیر. اوشبو فارم‌ده قیمتی ۶ لک بولگن سیگیرلر هم بار.»
اولر گه کوره، هر کون بازار گه ۱۰۰ لیتر سوت عرضه قیلیشلری اوچون، حکومت اولر بیلن همکارلیک قیلیشی کیره‌ک.
بیزلرنینگ توییترده هم تعقیب قیلینگ!
سوغاریش، ایکینچیلیک و چارواچیلیک ریاستی نینگ حیوانی سلامتلیگی بولیمی مدیری داکتر ولی محمد نینگ سلام‌وطندار گه ایتیشیچه، دولتی سیگیر فارم‌لری اوتمیش‌ده یوز بیرگن اوروش‌لر سبب اورته‌دن کیتگن، بیراق سونگی کونلرده سیگیر تربیه قیلووچی کیشی‌لر نینگ سانی کوپه‌یگن دیر.
اونینگ کوپه‌یتیریشیچه، اوشبو ریاست یانیده ۷۳ سیگیر فارمی ثبت بولگن و تورلی منطقه‌لرده ثبت بولمه‌گن بیر قطار فارم‌لر نینگ فعالیت قیلیشلری خصوصیده احتمال بار.
ایتیش کیره‌ک که، هلمند ده سیگیر فارم‌لر یانیده، شونینگدیک باشقه خانگی حیوان‌لر فارم‌لری هم کوپه‌یماقده دیر.
