قندوز ولایتی کینگش اعضالری و یشاوچی‌لری، اوشبو ولایت حاکمی عبدالستار میرزکوال نینگ ادعالرینی امنیتی کوچلرگه قرشی توهین عنوان قیلگنلر.
بوگون “یکشنبه” قندوز ولایتی کینگش اعضالری و یشاوچی‌لریدن یوزلرچه‌سی، بیر اعتراض آرقه‌لی اوشبو ولایت امنیتی وضعیتی‌نی خواطرلنترووچی عنوان قیلیب و قندوز محلی مسوول‌لری چیکلنتیریلیشی‌نی سوره‌گنلر.
قندوز ولایتی کینگش عضوی غلام‌ربانی ربانی نینگ اوشبو اعتراضده ایتیشیچه، بو ولایت حاکمی عبدالستار میرزکوال نینگ اهانت‌لی صحبت‌لریگه قرشی جیم تورمه‌یدیلر.
جناب ربانی، مرکزی حکومتدن قندوز ولایتی نینگ محلی مسوول‌لرینی ایش‌لریدن چیکلنتیریب و یخشی مدیریت قیلیش اوچون شایسته کیشی‌لرنی تعیینلیشینی سوره‌گن.
قندوز ولایتی کینگش اوشبو عضوی نینگ ایتیشیچه، بو ولایت حاکمی عبدالستار میرزکوال نیچه پیت آلدین امنیتی کوچلرنی شراب ایچیش‌گه عیب‌لگن ایدی.
قندوز ولایتی کینگش اعضالری و یشاوچی‌لری نینگ ایتیش‌لریچه، مرکزی حکومت اولرنینگ ایستک‌لریگه دقت قیلمه‌گن صورتده، اعتراض‌لریگه دوام بیره‌دیلر.
بیراق، قندوز حاکمی سوزلاوچیسی عصمت‌الله مرادی نینگ ایتیشیچه، خوفسیزلیک‌نی تامین‌لش یالغیز حاکم نینگ مسوولیتی ایمس، بلکیم بوتون امنیتی نهادلرنینگ مسوولیتی‌نی دیر. اونینگ ایتیشیچه، قندوز یشاوچی‌لری و ولایتی کینگش اعضالرینی خوفسیزلیک‌نی تامین‌لش بولیمیده یاردم بیریش‌لری کیره‌ک.
قندوز حاکمی سوزلاوچیسی نینگ کوپه‌یتیریشیچه، حاکم‌لر و محلی مسوول‌لری نینگ اوزگرتیریلیشی امنیتی وضعیت یخشی‌لنیشی خصوصیده ایجابی تاثیر قویمه‌یدی. اونینگ ایتیشیچه، عبدالستار میرزکوال نینگ حاکم صفتیده تعین‌لنگنیدن سونگ، امنیتی وضعیت‌لر یخشی‌لنیشی اوچون کوپینچه سعی و حرکت‌لر صورت تاپگن.
قندوز، مملکت شمالیده بولگن ناتینچ ولایت‌لردن بیری دیر و حاضرده اوشبو ولایت جدی امنیتی تهدیدلر بیلن روپه‌ره بولگن.
