بوگون “چهارشنبه” پروان مدنی فعال‌لری و یاش‌لریدن اونلرچه‌سی پنجشیر مسله‌سیده پاکستان نینگ دخالت قیلگنی‌گه قرشی اعتراض بیلدیریب و پاکستان‌گه قرشی شعار بیرگنلر.
بیزلرنینگ فیسبوک صحیفه‌میزگه باش اورینگ!
اعتراض پروان مرکزی چاریکار شهری نینگ عیدگاه مسجدی‌دن باشلنگن و اعتراضچی‌لر شرطنامه اوقیش مقصد ده ولایت مقامی تامان حرکت قیلگنلر، لیکن طالبان گروهی اعتراض نینگ دوام تاپیشیگه توسیق بولگنلر.
طالبان گروهی بیرینچی‌دن سلام‌وطندار و طلوع‌نیوز خبرچی‌لری نینگ کمره و خبرچی‌لیک وسایل‌لرینی آلیب و اولرنینگ ایش‌لریگه توسیق بولگن. بو واقعه دوامی ده طالبان کوپ‌قطار جنگریلری محلگه حضور تاپیب هوایی اوق آتیش بیلن اعتراضچی‌لرنی متفرق قیلگن.
سلام‌وطندار خبرچیسی نینگ خبرچی‌لیک وسایل‌لری طالبان تامانیدن جدی شکلده تیکشیریلگنیدن سونگ، قیته دن بیریلگن.
عین‌حالده، اعتراضچی‌لردن بیرقطاری نینگ ایتیش‌لریچه، طالبان جنگریلری اعتراضچی‌لردن بیرقطارینی اوزلری بیلن آلیب کیتگن‌لر.
بیزلرنینگ فیسبوک صحیفه‌میزگه باش اورینگ!
بوتوغریده پروان ولایتی بوییچه طالبان رسمی‌لری فکرینی آلیش اوچون سعی و حرکت قیلدیک، لیکن موفق بولمه‌دیک.
