تخار ولایتیدن امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، کماندو کوچلریدن کمیده ۱۰۰ ته‌سی اوچاغ آرقه‌لی اوشبو ولایت مرکزی تالقان شهریده کیلتیریلگن، لیکن حاضرگه‌قدر طالبان‌گه قرشی هیچ‌قنده‌ی عملیات یولگه قویمه‌گنلر.
عین‌حالده، تخار یشاوچی‌لری نینگ امنیتی مسوول‌لر مدیریتسیزلیگیدن تنقید قیلیب ایتیش‌لریچه، هوایی کوچلر طالبان سنگرلرینی هجوم آستیگه قرار بیره‌دی و امنیتی کوچلرنینگ سانی هم طالبان‌گه نسبتن کوپ دیر، لیکن حاضرگه‌قدر قول‌دن کیتگن منطقه‌لرنی قیته‌دن آلیش‌گه موفق بولمه‌گنلر و طالبان گروهی شهرنینگ دروازه‌لریگه‌قدر ییتیشگن.
سلام‌وطندار اوزبیک بولیمی‌نی فیسبوک‌ده تعقیب قیلینگ
تخار یشاوچی‌لریدن بولمیش صدام حسین و احمد وسیم نینگ ایتیشیچه، تومن‌لری طالبان گروهی‌گه تاپشیریلدی و تالقان شهری هم کامل صورت‌ده طالبان تامانیدن قمراوگه آلینگن، لیکن کماندو کوچلری نینگ قچان عملیات قیلیشی معلوم ایمس.
بیراق، تخار حاکمی سوزلاوچیسی عبدالمعروف آذر نینگ ایتیشیچه، جهادی قومندان‌لر رهبرلیگی‌گه بولگن مردمی کوچلر شهر خوفسیزلیگی‌نی تامین‌لش اوچون سعی و حرکت قیله‌دی و امنیتی کوچلر هم شهر و قتناو یول‌لر خوفسیزلیگی‌نی تامین‌لشگه تیارگرلیک آلماقده.
سلام‌وطندار اوزبیک بولیمی‌نی فیسبوک‌ده تعقیب قیلینگ
تالقان یشاوچی‌لری نینگ خواطرلری خصوصیده امنیتی مسوول‌لر فکرینی آلیش اوچون سعی و حرکت قیلدیک، لیکن موفق بولمه‌دیک.