بدخشان محلی مسووللری نینگ ایتیش‌لریچه، اوشبو ولایت نینگ یاوان تومنی‌نی معارف آمری طالبان گروهی گه قوشیلگن.
بدخشان ولایتی کینگش عضوی جاوید راغی نینگ ایتیشیچه، یاوان تومنی نینگ معارف آمری ولی‌الله الهی طالبان گروهی‌گه قوشیلگن.
جناب راغی نینگ ایتیشیچه، یاوان تومنی نینگ معارف آمری‌نی نیمه دلیل‌گه طالبان گروهی قوشیلگنی بیللی ایمس، بیراق اونگه قرشی تهدیدلر بولگنی سبب، قورال آلیب طالبان گروهی‌گه قوشیلگنی ایتیله‌دی.
بدخشان ولایتی کینگش اوشبو اعضاسی نینگ کوپه‌یتیریشیچه، جناب الهی نینگ طالبان گروهی قوشیلگنی سبب، یاوان تومنی‌گه قرشی امنیتی تهدیدلر کوپه‌یگن.
عین‌حالده، بدخشان ولایتی بوییچه معارف ریاستی باشلیغی عبدالسمیع ابدیار، بوتوغریده معلوماتی یوق‌لیگی‌نی بیلدیریب و تعطیل بولگنی سبب، کابلده بولگنی‌نی ایتگن.
بدخشان حاکمی سوزلاوچیسی ثنا الله روحانی، معارف اوشبو اعضاسی نینگ طالبان گروهی‌گه قوشیلگنی‌نی تصدیق‌لگن.
اونینگ ایتیشیچه، جناب الهی اقتصادی منبع‌لر و کان‌لردن اوز منفعتی‌گه فایده‌لنیش مقصد ده طالبان گروهی‌گه قوشیلگن.
روحانی نینگ کوپه‌یتیریشیچه، اوشبو کیشی‌لر کان‌لرنی ایشلب چیقاریش اوچون طالبان گروهی‌گه قوشیله‌دی.
سونگی ییل‌لرده بدخشان ولایتی نینگ یاوان و راغستان تومن‌لریده آلتین کان‌لرینی ایشلب چیقاریش رواج‌لنگن و بدخشان محلی حکومتی نینگ ایتیشیچه، طالبان گروهی مذکور کان‌لردن کوپلب فایده‌لنه‌دی.
طالبان گروهی حاضرگه‌قدر بوتوغریده فکر بیلدیرمه‌گن.