خلق‌ارا ساغلیق‌نی سقلش تشکیلاتی اوز توییتری ده یازیشیچه، ۲۰۲۳_ییل ۲۶ جنوری گچه، بدخشان پامیری ده حاد تنفسی کسل‌لیک ترقه‌لیشی عاقبتیده ۱۷ قیرغیز یشاوچیسی هلاک بولگن و باشقه ۹۷ کیشی اوشبو کسل‌لیککه چلینگنلر.
بیراق پامیر یشاوچیلری، اوشبو کسل‌لیک باعث ۲۰ کیشی هلاک بولگنینی ادعا قیلماقده‌لر.
پامیر یشاوچیسی ایگم‌بیردی نینگ سلام‌وطندار گه ایتیشیچه: «طبی امکانیت یوق، مثال صورتده بیر کلینیک بار برچه اوچون ییترلی ایمس، کلینیککه باریش اوچون اوچ_تورت کون یول یوریمیز، حاضرگچه ۲۱ کیشی تلف بولگن، کوپ تشویش گه قالگن‌میز.»
بیزلرنینگ فیسبوک صحیفه‌میزگه باش اورینگ!
بدخشان پامیری نینگ تاغ‌لری کوپ بلند‌لیگی اوچون «دنیا بامی» گه مشهور بولیب و سیاحت مکانی گه اوزگریش احتمالی موجود دیر؛ لیکن اوشبو منطقه ده دستلبکی امکانیت‌سیزلیک باعث، محل یشاوچیلری بو ییرنی ترک ایتیش گه مجبور بولیش‌لرینی ایته‌دیلر.
پامیر قیرغیز یشاوچیلریدن نورالهدا پامیری گه کوره، منطقه اهالیسی زادگاه‌لری گه قالیش اوچون علاقه‌مند دیر؛ بیراق طبی امکانیت کبی دستلبکی امکانیت‌سیزلیک باعث، قیرغیزستان گه کوچیش‌لری ممکن.
اونینگ کوپه‌یتیریشیچه: «حاضرگی وضعیت دوام ایتگن تقدیرده، فرزندلری نینگ کیله‌جگی اوچون بو ییرنی ترک ایتیش گه مجبور میز، قزاقستان دولتی بوتوغریده همکارلیک قیلیش گه تیارگرلیک کورستگن.»
اسلام امیرلیگی چیگره، قوم و قبیله‌لر وزیرلیگی، پامیر یشاوچیلری تورلی خیل قیینچیلیکلر بیلن روپه‌ره‌لیگینی قبول قیله‌دی.
سلام‌وطندار بیلن صحبت اوتکزگن مذکور وزیرلیک سوزلاوچیسی حمدالله فطرت، پامیر یشاوچیلری گه امکانیت یره‌تیش اوچون سعی‌وحرکت قیله‌یاتگنلریدن ایشانچ بیلدیریب و خلق‌ارا ساغلیق‌نی سقلش تشکیلاتی دن بوتوغریده دقت قیلیشینی طلب قیلگن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «اوشبو منطقه گه بیز یاردم ییتکیزدیک، انشاءالله سعی‌وحرکت قیله‌میز، پامیر یشاوچیلری ساغلیک، تعلیم و تربیه و برچه ساحه‌لریده ایریم قیینچیلیکلر بیلن روپه‌ره دیر، تشکیلات‌لر و نهادلردن پامیر یشاوچیلری نینگ قیینچیلیگی حلی اوچون دقت قیلیش‌لرینی ایسته‌یمیز.»
چیگره، قوم و قبیله‌لر وزیرلیگی نینگ معلوماتی اساسیده، بدخشان پامیرلری ده حاضر ۳۲۰ عایله تیریکچیلیک قیلماقده دیر. شونینگدیک سلام‌وطندار بیلن صحبت اوتکزگن پامیر یشاوچیلری، جمعیت‌لرینی ایکی مینگ کیشی دیگنلر.
