پاکستان پایتختی اسلام‌آباد ده افغانستان ایلچی‌خانه‌سی نینگ اعلام قیلیشیچه، اوشبو مملکت‌ده‌گی تاش کومیر کانی‌ده اولگن ییتی افغانستانلیک ایشچی نینگ جسدی، عایله‌لری گه تاپشیریلگن.
مذکور ایلچی‌خانه اوتگن کون (شنبه، ۲۱-میزان)، کیچ قوروق اوز اکس صحیفه‌سیده بیر بیانیه ترقه‌تیب یازیشیچه، افغانستانلیک تورت ایشچی نینگ جسدی افغانستان گه انتقال بیریلیب و باشقه اوچ ته‌سی نینگ جسدی ایسه کویته ده عایله‌لری گه تاپشیریلگن.
بیزلرنینگ فیسبوک صحیفه‌میزگه باش اورینگ!
بیانیه‌ده کیلیشیچه: «افغانستانلیک ییتی شهید نینگ جسدی که اولردن اوچ ته‌سی مهاجر و باشقه تورت ته‌سی قندهار ولایتی معروف تومنی یشاوچیسی ایدی، بوگون کنسول‌گرلیک مسئوللری و مذکور مملکت‌ده مهاجرلر باشلیقلری سعی‌وحرکتی بیلن عایله‌لری گه تاپشیریلدی.»
اسلام‌آباد ده افغانستان ایلچی‌خانه‌سی، پاکستان رسمی‌لریدن بلوچستان ده‌گی کان ایشلاوچیلری گه اویوشتیریلگن هجوم عامللری نینگ قولگه آلیب و جزالنتیریلیشی نی ایسته‌گن.
بیزلرنینگ «ایکس» ترماغی ده هم تعقیب قیلینگ!
اوچ کون آلدین، ناتانیش قوراللی کیشیلر پاکستان نینگ بلوچستان ایالتی‌ده جایلشگن تاش کومیر کانی گه هجوم قیلگنلر که نتیجه‌ده، افغانستانلیک ییتی یشاوچی شامل ۲۰ ایشچی اولیب و ییتی کیشی یره‌لنگن.
